Galatia 6:15 - Muna Southern Dialect

¹⁵ Desuna bhe miina daesuna miina nakomaꞌa-maꞌanaa, ampamo dembali manusia buꞌou komaꞌanaꞌano.

Galatia 6:15 Referans Kwoze

2 Korintus 5:17

Sasuka seꞌiseno bhe Kristus ingka nembalimo manusia buꞌou, ngkodauꞌano nolalomo, nohatomo buꞌouꞌano.

Efesus 4:24

Dadiꞌoomu toha peda manusia buꞌou nefokonandoono Lahataꞌala peda katuno Wutono, maꞌanano manusia kotu-kotuꞌu banarano, kotu-kotuꞌu mongkilono.

Efesus 2:10

Intaodiomu ini kahabuno Lahataꞌala. Noangka ne Kristus Yesus, Lahataꞌala nofokonandoo kaita so dahumabu metaaꞌao peda nefontaa-ntaano wawo so intaodiomu.

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

1 Korintus 7:19

Kapaꞌamo doangkafi atorano desuna bhe miina daesuna, saneamo pata kofahalaano. Maraluuꞌano doangkafi pahintano Lahataꞌala.

Roma 2:28

Miendo Yahudi sakotuꞌuno, suano mie meangkafino sabhaha kaneando Yahudi; pedamo dua mie nesuna sakotuꞌuno, suano kaowu kasunano mbadha doangkafi kaneando Yahudi.

Roma 8:1

Dadiꞌanomo ampa aitu mie seꞌiseno bhe Kristus Yesus paemo dahumukumudaa.

Powoha 21:5

Mengkohano te kaengkohaꞌano omputo nopugau ambano, “Kosasawiꞌae apahabuꞌounie!” Ambano dua, “Buhie, kapaꞌamo sabhaha bhoasao aini notiparasaea bhe nobanara!”

Roma 2:26

Ane seemie suano Yahudi tapa nesuna nodadi noangkafi pahintano agama Yahudi, ingka Lahataꞌala noabhiemo dua mie nesuna.

Roma 6:4

Weo kakadiu sarani, intaodiomu domatemo bhe padamo dofokobuhu poowa bhe Kristus, neanomo tapedamo wutono Kristus dofodadie maiꞌao ne mate hampano kuasano Amano kumalabhiano, intaodiomu dua dadumadi weo dadi buꞌou ⸤ te dhunia ini⸥ .

Efesus 2:15

Kapaꞌamo mateno Kristus peda seemie manusia nofosaliemo tubhono agama Yahudi bhe sabhaha pahinta bhe atorano. Patudhuno neanomo bansano liwu haa onuno ini daembali naseꞌonu bansano liwu buꞌou seꞌiseno bhe Kristus. Pedamo naꞌa neowa pometaaꞌa.

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.