Galatia 6:10 - Muna Southern Dialect

¹⁰ Tinangke bhe kasalawamiu, habu metaa ne kosasawindo mie, mangke-mangkemo ne bhahitie marasaeano ne Kristus.

Galatia 6:10 Referans Kwoze

Ibrani 13:16

Koise molimpuomu habu metaaꞌomu bhe fotulumiomu, kapaꞌamo anaꞌaemo kapopanga mekaꞌiano lalono Lahataꞌala.

1 Tesalonika 5:15

Posiꞌondoomu, habu modai koise dobhoosiane dua habu modai, tamaka sadhia uleiꞌomu lalomiu habu metaaꞌomu, sapada-pada hintimiu bhe ne sabhaha mie.

Titus 3:8

Wamba aini nokotuꞌu. Gaoku mpuu fohatoandae kosasawiꞌae ini bhe fekagilie katangahimu, neanomo kosasawindo marasaeano ne Lahataꞌala kotu-kotuꞌu daꞌumulei lalondo dahumabu metaaꞌano. Kapaꞌamo aitumo metaaꞌano bhe kofahalaaꞌano mbali manusia.

Matius 25:40

Omputo anaꞌa natumobhoosi ambano, ‘Amohatokoomu, kotu-kotuꞌu sabhaha nehabumiu ne bhahitieku foliuno kandidiki ini, ingka nopototomo habueꞌomu ne Idi.’

Ibrani 6:10

Lahataꞌala suano Lahataꞌala tapa umadhilinoa. Ingka pae naolimpuꞌaanea sabhaha kahadhaa bhe kanini kaasimiu ne Anoa nefotiwohamiu wakutuuno ondofaoꞌomu umati marasaeano endefiꞌini taꞌampamo aitu.

Efesus 2:19

Dadiꞌanomo, hintimiu suanomo mie we sembali tawa mie humampe. Ampa aitu hintimiu saneamo saliwuno umati mongkilo, saneamo dua mie weo polambuno Lahataꞌala.

Yohanes 12:35

Ambano Yesus, “Tana seendai tempono tilanga nandumandoo ne olotamiu. Tinangke nandoo bhe tilanga maitu mekala-kalamoomu, keana nohatofikoomu kahohondo. Sasuka mekala-kalano weo kahohondo miina namandeꞌaanea so kahopeꞌano.

Lukas 6:35

Tamaka hintimiu, moasianda kaewamu, habu metaa ne andoa. Fofoada tamaka koe posahunaꞌao sumuli umawae, maka meꞌawa ponambo bhahi. Hintimiu membaliomu anaꞌino Lahataꞌala foliuno kuasa, kapaꞌamo Lahataꞌala netaa dua lalono ne mie tapa mepandeꞌaono katumpuno lalo bhe mie modai.

Yohanes 9:4

Tinangke nandoo ole-oleo, tetewei dadhumalangiomu kahadhaano Tumudu kanau. Kapaꞌamo naohondo kaowu oleo, ingka bhe naseemie paemo bhe so moolino kumahadhaanoa.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

Filipi 4:10

Weo dadiku seꞌiseno bhe Ompu, nowula sepaliꞌa laloku, mbaꞌinomo kaomponano ini kaneꞌomo dua aitu salawaomu toha fekihi bhe ondofa kanauꞌomu. Daanumo sadhia fekihi kanauꞌomu, tamaka kaomponae ini miina sumalawaomu motiwohaeꞌomua.

Matius 12:50

Kapaꞌamo laꞌae mangkafino kapoindalono Amaku te surugaa, anoamo bhahitieku moꞌane, anoamo bhahitieku hobhine, anoamo dua inaku.”

3 Yohanes 1:11

Bhahitieku nemoasiꞌaoku! Koise mesandaha ne habu modai tamaka ne habu metaa. Sasuka humabu metaano, anaꞌinomo Lahataꞌala, tamaka sasuka humabu modaino miinaꞌo sepaliꞌa namandeꞌao Lahataꞌala.

Kolose 4:5

Pedamo pokaiꞌamiu bhe mie tapa marasaeano, dadi kotimbangiomu. Kotika bhe kasalawa, pake metaaꞌeomu.

Efesus 5:16

Kotika bhe kasalawa, pake metaaꞌeomu, kapaꞌamo dhamani aini dhamani modai.

1 Yohanes 5:1

Mie marasaeano putae Yesus maitu Omputo Fosalamatino, mie aitu anaꞌinomo Lahataꞌala. Ane doasiꞌao amano ingka teteweimo dua doasiꞌao anaꞌino.

Ibrani 3:6

Tamaka Kristus notuhu lalono peda Anano Lahataꞌala mandeꞌaono polambuno Amano. Polambuno Lahataꞌala ingka intaodiomu ini, sumanomo sadaa-daa pae dakamihi-mihia bhe damintahaki mpuu kaposahunaꞌao bhe so neꞌawantoomu, kaowoseꞌanomo bhakentoomu.

Markus 3:4

Pada aitu Yesus nofeenadamo ambano, “Weo tubhono agamantoomu nembali dehabu ae gahaꞌa ne oleono Sabat? Habu metaa kaa habu modai? Dafofodadi kaa dafopongko?” Tamaka andoa maitu miina dakodiua.

Efesus 3:15

Kosasawindo lee walakando manusia, naetaa te surugaa naetaa we dhunia ini saneamo siwuluno metahimano dadi ne Anoa.

Matius 5:43

Fetingkeemoomu dua bhoasaono Lahataꞌala, ‘Moasianda mie bhaimu, bansida kaewamu’.

Matius 10:25

Naetaamo seemie anaguhu napototo bhe guruno, bhe seemie bhatua napototo bhe kafeompuꞌano. Ane kolambuno dakumonaemo Beelsebul ⸤ maꞌanano Kafeompuꞌando seetani⸥ , bhemo toha mie weo lambuno; ingka dawambakianda sabhaha modaiꞌano.

Tula-tulando rasulu 6:7

Bhoasaono Ompu Lahataꞌala sadhulu-dhulu kaꞌewa nolelea. Mie marasaeano we Yerusalem sedhuluꞌamo dua kabhahindo. Dobhahi dua imamu tumuhuno maka doparasaea ne Yesus.

Galatia 1:23

Andoa tadofetingkemo kaowu, putae mie modee-deeno mie marasaeano endefiꞌini, ampa aitu nefolelemo Bhihita Metaa. Gahaꞌaitumo Bhihita Metaa anaꞌa endefiꞌini namobinasae.

Efesus 4:28

Moneano mosibuno, koemo nosibua, tamaka nakumahadhaa kagiu metaa so kadadiꞌano, neanomo naembali dua natumulumi mie mokae.

1 Tesalonika 5:21

Tamaka bhahi-bhahiꞌae tabeano damesoloe, metaaꞌano damintahakie.

1 Petrus 2:5

Hintimiu tapedamo dua kontu dumadino, dadiꞌanomo undaomu namakekoomu Lahataꞌala so namoeheꞌao lambu so katisombaiꞌano. Ane nada naꞌa, ingka membalimoomu imamu mongkilono mefoampeno kapopanga posahataano bhe lalono Lahataꞌala noangka ne Yesus Kristus.

1 Petrus 4:17

Aitu nohatomo tempono Lahataꞌala nabhitahakimo dhunia, natumanda ne umatino. Dadiꞌanomo ane kabhitahakino natumanda ne intaodiomu marasaeano, nada amai bhahaa losano mie tapa marasaeano ne Bhihita Metaa?

3 Yohanes 1:3

Nowula mpuu laloku afetingke ne bhahitieꞌi marasaeano humato kanau, detula-tulaꞌao kakampuu-mpuuno lalomu dadi angkafi kabanara. Ingka daanumo weo dadimu sadhia angkafi kabanara.

3 Yohanes 1:10

Dadiꞌanomo ane amai kaowu, atumalesaane sabhaha habu modaino bhe wamba kabuangkano nopulaoꞌao insaodi. Bhahi-bhahiꞌae ini miinaꞌo dua natumumpuane lalono, sampe nokiido natumahima bhahitieꞌi mengkahatono. Suano kaowu taꞌo anaꞌa, bhahamoa umati dua sigaoꞌano noꞌeleꞌaanda datumahima bhahitieꞌi mengkahato maitu. Ane miina damangkafie, nofogampida maiꞌao ne kaseꞌisendo umati.

2 Korintus 2:8

Dadiꞌanomo aesalo mpuu fotiwohaeꞌomu putae kotu-kotuꞌu moasianeomu.