Galatia 5:25 - Muna Southern Dialect

²⁵ Rohino Lahataꞌala padamo nowaꞌa kaita dadi buꞌou, dadiꞌanomo tabeano nahumelasi dua lalonto nafokuasai Rohino Lahataꞌala.

Galatia 5:25 Referans Kwoze

Galatia 5:16

Patudhuku peda aini: dadiomu angkafiomu kaatono Rohino Lahataꞌala, maka paemo mangkafiomu kapoindalono wuto.

Yohanes 6:63

Fowaꞌaono dadi buꞌou ingka Rohino Lahataꞌala, kaꞌosano mbadhano manusia miina sepaliꞌa nakofahalaa. Sabhaha wamba nefosampeku ne hintimiu, wambano Rohino Lahataꞌala, meowanomo dadi.

Roma 8:2

Kapaꞌamo noangka ne Kristus Yesus, tubhono Rohino Lahataꞌala meowano dadi padamo nofobebasikoomu maiꞌao ne tubhono dhosa bhe mate.

2 Korintus 3:6

Ingka Anoamo maꞌa kainsami kapooli taembali mie umondofaono Podhandiꞌa Buꞌou. Podhandiꞌa aini miina naengkoha ne tubho tibuhino, tamaka nengkoha ne Rohino Lahataꞌala, kapaꞌamo tubho tibuhino neowa mate, tamaka Rohino Lahataꞌala neowa dadi.

1 Petrus 4:6

Kanandooꞌanomo Bhihita Metaa dofolelee dua ne mie mateno. Patudhuno, mbadhando daanumo netompaloimo mate, peda kabhotusino Lahataꞌala so manusia, tamaka rohindo dadumadi naposahataa bhe kapoindalono Lahataꞌala.

Roma 8:10

Ane Kristus neate weo totono lalomiu, mahinggamo mbadhamiu namate dhohono dhosa, tamaka o rohi sadaa-daa nadumadi hampano Lahataꞌala notahimakoomu peda mie banara.

1 Korintus 15:45

Nandoo tibuhino weo Kitabi, “Manusia kabhao-bhaono, nekonando Adam, bhe inawano dumadino,” tamaka Adam mbuhumaino ⸤ patudhuno Kristus⸥ , bhe Rohino fofodadino.

Powoha 11:11

Nopalusi tolu oleo sekaꞌindotu nopesuakidamo inawa nomaiꞌao ne Lahataꞌala sampe dowanu maiꞌao ne mate lasao doehe. Kosasawindo mie mohada notolau kateꞌindo.

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.