Galatia 4:17 - Muna Southern Dialect

¹⁷ Andoa ⸤ mpahaguru-guruno itu⸥ doꞌuleiꞌe mpuu doꞌondofi lalomiu, tamaka patudhundo miina naetaaꞌa. Andoa deꞌondofi kaowu dhala dapogaatiꞌao hintimiu bhe insaodi, neanomo nakamai-mai lalomiu mangkafiomu andoa.

Galatia 4:17 Referans Kwoze

Roma 16:18

Kapaꞌamo mie pedando itu miina dameompu ne Kristus, Ompuntoomu, tamaka dofeompu kaowu ne iꞌino handado. Pugaundo nokesa, wambado nomeko, tamaka debhohe-bhoheꞌi kaowu mie kaangka-angkano.

2 Petrus 2:3

Hampano kakadau-daundo mpahaguru-guruno naꞌa daetula-tulaangkoomu sabhaha paha, patudhuno daealaꞌao laba. Tamaka kahukumundo nomponamo dofontaa-ntaaꞌe, Lahataꞌala miina bhe kaodoa, tetewei namobinasada.

1 Korintus 4:8

Ingka fekihimiu moweꞌimoomu, mohangkaeamoomu, membaliomu kafeompuꞌa, ingka miina maraluu kainsamiomua. Kakesa maka ane kotu-kotuꞌu membaliomu kafeompuꞌa, neanomo naembali tamahinta tapoowa bhe hintimiu.

Roma 10:2

Kapaꞌamo naembali amohatokoomu putae dokamai-mai lalondo dofeompu ne Lahataꞌala, ampamo kaowu miina damandeꞌaane peda amai dofeompu sakotuꞌuno ne Lahataꞌala.

Matius 23:15

Balaamoomu, pande-pande Kitabi bhe miendo Farisi, hintimiu mie mehaaꞌulano, kapaꞌamo mebhosekiomu teꞌi bhe mepalintangianeomu wite so kaowu mefopesuaꞌaoꞌomu naseemie weo agamamiu; tamaka sapesuano habuemoomu so mieno narakaa, kadaino podiuno sangke haa paku bhe podiumiu.

2 Petrus 2:18

Andoa defomantale wamba kalangkeno diu pata kofahalaaꞌano. Depakesimo dua nafusuu modai defetando mie kaneꞌo lumapano maiꞌao ne dadi modai.

Filipi 2:21

Kapaꞌamo sigaoꞌano sanea doꞌondofao kaowu faraluuno wutondo, suano faraluuno Yesus Kristus.

2 Korintus 11:3

Ampamo kaowu nomihi laloku bhahasaa dofekakolilino fekihimiu sampe paemo nakumampuu-mpuu kataino lalomiu ne Kristus, peda endefiꞌini Hawa nobhohe-bhoheꞌie akalano ule.

1 Korintus 11:2

Apudhikoomu, kapaꞌamo sadhia feꞌulai kanauꞌomu bhe sadhia fintahakieꞌomu kafoinaꞌu nefosampeku.

1 Korintus 4:18

Ingka nandoomo seemie hodua melangkeno diu, weo fekihindo paemo amai we hintimiu itu.

Galatia 4:16

Bhahaa mbaꞌinomo pada atalesaangkoomu kumotuꞌuꞌano, sampe kona kanaumoomu kaewamiu?

Galatia 4:18

Daanumo netaa nokamai-mai lalondo, ampamo kaowu ne metaaꞌano, tamaka sumanomo sadhia peda naꞌa, koe kaowu ane apobhaiangkoomu.