Galatia 4:14 - Muna Southern Dialect

¹⁴ Wakutuu anaꞌa hintimiu miina molampi tawa bansi kanauꞌomu, mahinggamo sakotuꞌuno sakino uluku naꞌa mbalimo kasabha bhalano so hintimiu. Tamaka ingka tahima kanauꞌomu tapedamo seemie malaꞌekatino Lahataꞌala tawa wutono Kristus Yesus.

Galatia 4:14 Referans Kwoze

Matius 10:40

Laꞌae tumahimakoomu, notahimamo dua Idi; maka laꞌae tumahimano Idi, notahimamo Anoa tumudu kanau.

1 Tesalonika 2:13

Dadiꞌanomo, miina bhe katiehea taefoampe katumpuno lalo ne Lahataꞌala, mbaꞌinomo wakutuuno tafohatoangkoomu Bhihitano Lahataꞌala, fetingkeeꞌomu bhe tahimaeꞌomu. Bhihita aini miina mabhieꞌomu wamba maiꞌao ne manusia, tamaka mpuu-mpuuno bhoasaono Lahataꞌala. Ingka daanumo peda anaꞌa. Lahataꞌalamo ini kumahadhaano weo totono lalomiu marasaeano ne Kristus.

Ibrani 13:2

Sadhia mohelasi mefotiampeomu mie tapaꞌo nepandeꞌao weo lambumiu, hampano nandoomo mefotiampeno malaꞌekati, tamaka miina damandeꞌaanea.

2 Korintus 5:20

Dadiꞌanomo insaodi ini katuduno Kristus, kao-kaomo wutono Lahataꞌala tumangahikoomu noangka kaowu ne insaodi. Weo neano Kristus taesalo: owaomu wutomiu napometaaꞌangkoomu Lahataꞌala bhe Wutono.

1 Tesalonika 4:8

Dadiꞌanomo ane bhe tumagalino katangahi aini, miina datumagali manusia, tamaka dotagalimo Lahataꞌala maꞌangkoomu Rohino mongkilono.

Galatia 4:13

Ingka pandeꞌaaneomu, pakatandano afohatoangkoomu Bhihita Metaa, hampano aosaki.

1 Korintus 4:10

Insaodi taobhohe hampano Kristus, tamaka ⸤ ambamiu⸥ hintimiu pandeomu weo kaparasaea ne Kristus. Insaodi taonale, tamaka ⸤ ambamiu⸥ hintimiu moꞌosaomu. Insaodi dobihidhingi kainsami, tamaka ⸤ ambamiu⸥ hintimiu dofosibhalakoomu.

1 Korintus 1:28

Mie mepandano kaengkohaꞌa we dhunia ini, mie nepisaki, bhahamo mie tapa kofaha-fahalaano ne pomatano dhunia, nopilida Lahataꞌala so namosaliꞌao melangkeno kaengkohaꞌa ne pomatando manusia.

Yohanes 13:20

Amohatokoomu, kotu-kotuꞌu sasuka tumahimano mie netuduku notahimamo dua Idi, sasuka tumahimano Idi notahimamo Tumudu kanau.”

Lukas 10:16

⸤ Pada aitu nopugaumo ne anaguhuꞌino, ambano,⸥ “Laꞌae metingkekoomu, nofetingkemo Idi. Laꞌae mongaheꞌikoomu, nongaheꞌimo Idi. Laꞌae mongaheꞌino Idi, nongaheꞌimo dua Tumudu kanau.”

Matius 25:40

Omputo anaꞌa natumobhoosi ambano, ‘Amohatokoomu, kotu-kotuꞌu sabhaha nehabumiu ne bhahitieku foliuno kandidiki ini, ingka nopototomo habueꞌomu ne Idi.’

Matius 18:5

Laꞌae tumahimano anaꞌi kahobu medando ini weo neaku, anoa notahimamo Idi.”

Galatia 3:26

Hintimiu membalimoomu anaꞌino Lahataꞌala, hampano kaparasaeamiu ne Kristus Yesus.

Galatia 3:28

Kanandooꞌanomo miinamo bhe miendo Yahudi tawa miendo Yunani, miinamo bhe bhatua tawa mie bebasi, miinamo bhe moꞌane tawa hobhine, kapaꞌamo kosasawimiu itu seꞌisemoomu bhe Kristus Yesus.

Galatia 4:15

Wakutuu anaꞌa namisieꞌomu kodawuaꞌomu sepaliꞌa. Tamaka ampa aitu ne amaiꞌemo bhahaa kakodawuamiu naꞌa? Apandeꞌaane, wakutuu anaꞌa hintimiu mohelasiomu, ane naembali mahingga matamiu sumungkieꞌomu maka maꞌa kanaꞌeomu idi.