Galatia 3:29 - Muna Southern Dialect

²⁹ Ane hintimiu membalimoomu fehebuaꞌano Kristus, maka membalimoomu dua sampuꞌano Abraham, dadiꞌanomo kohakumoomu dua tumahimaomu dhandino Lahataꞌala.

Galatia 3:29 Referans Kwoze

Efesus 3:6

Rahasia anaꞌa peda aini: noangka ne foleleꞌano Bhihita Metaa mie suano Yahudi deꞌawamo dua dawu ne kabarakati nefontaa-ntaano Lahataꞌala so miendo Yahudi. Mie suano Yahudi dembalimo dua katokano mbadha dosembadhamo bhe miendo Yahudi. Andoa dotahimamo dua dhandino Lahataꞌala weo kaseꞌisendo bhe Kristus Yesus.

Galatia 3:7

Dadiꞌanomo nofaraluu mandeꞌaaneomu mpuu putae mie marasaeano ne Lahataꞌala, andoamo itu membalino sampuꞌano Abraham.

Roma 8:17

Ane intaodiomu dembalimo anaꞌino Lahataꞌala, nokomaꞌana dokohakumo dua daꞌumawa sabhaha kabarakati nefontaa-ntaano Lahataꞌala so anaꞌino. Kabarakati nefontaa-ntaa naꞌa datumahimaeꞌomu dapoowa-owa bhe Kristus. Kapaꞌamo ane dokadee-deeꞌomu poowa bhe Kristus, teteweimo dua dafofekalabhia poowa bhe Kristus.

Titus 3:7

Patudhuno weo rahamatino intaodiomu sumuli dapometaa bhe Lahataꞌala bhe daeꞌawaomu dadi suhue dhamani, pedamo neposahunaꞌaontoomu.

Powoha 21:7

Sasuka fotalono natumahima kosasawiꞌae ini. Idi aembali Lahataꞌalano, anoa somo anaku.

Galatia 4:7

Dadiꞌanomo hintimiu suanomo bhatua tamaka anaꞌinomo Lahataꞌala. Ane kotu-kotuꞌu membalimoomu anaꞌino, ingka kohakuꞌaoꞌomu dua sabhaha nedhandiꞌaono Lahataꞌala so anaꞌino.

Yakobus 2:5

Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.

2 Korintus 10:7

Ingka taꞌondoomu kaowu tiwohoꞌano ne wisemiu! Ane seemie nokotu-kotuꞌu noabhi wutono fehebuaꞌano Kristus, naetaa namekihi totono lalono, ingka gahaꞌa insaodi dua ini fehebuaꞌano Kristus tapedamo anoa.

Ibrani 6:17

Lahataꞌala nopoindalo nofotiwoha kakampuu-mpuuno lalono ne manusia tumahimano dhandino, putae patudhuno maitu paise nabhaliiꞌea, dadiꞌanomo dhandino naꞌa nofekamatangkaane femata.

Galatia 3:16

⸤ Pedamo dua podhandino Lahataꞌala.⸥ Lahataꞌala padamo nokobhoasaꞌao dhandino ne Abraham bhe sampuꞌano. Weo Kitabi miina natibuhi “so sampuꞌaꞌimu”, maꞌanano dobhahi, tamaka “so sampuꞌamu” maꞌanano seemie kaowu, nopulaoꞌaomo Kristus.

Ibrani 11:18

Lahataꞌala padamo nokobhoasao ne Abraham, “Sampuꞌanomo Ishak ini so nekonando sampuꞌamu.”

Ibrani 11:7

Hampano kaparasaeano, Nuh nofodhagae Lahataꞌala so kumadhadhiaꞌano te wise, tapaꞌo newohano. Nuh neangka ne Lahataꞌala sampe nefotoka bhangka bhalano, mbalimo mosalamatie bhe koseꞌonu polambuno. Noangka ne kaparasaeano naꞌa dhunia dohukumue, tamaka wutono Nuh notahimae Lahataꞌala peda seemie banara hampano kaparasaeano.

Ibrani 1:14

Ingka o malaꞌekati maitu saneamo rohi meompuno ne Lahataꞌala, andoamo dua netuduno Lahataꞌala daꞌumondofao manusia so metahimano kasalamati.

Galatia 5:24

Mie membalino fehebuaꞌano Kristus Yesus, kapoindalono mbadhano padamo dofekamatee te sau salipu, maꞌanano sabhaha nafusuu bhe kapoindalono kamanusiano dosobuemo.

Galatia 3:28

Kanandooꞌanomo miinamo bhe miendo Yahudi tawa miendo Yunani, miinamo bhe bhatua tawa mie bebasi, miinamo bhe moꞌane tawa hobhine, kapaꞌamo kosasawimiu itu seꞌisemoomu bhe Kristus Yesus.

1 Korintus 15:23

Ampamo kaowu seemie-seemie doangkafi tulu-tulungano: Kristus mbalimo titiisa, maka mie membalino fehebuano Kristus ne oleo kahatoꞌano.

Matius 3:9

Koise nokofekihi we lalomiu, ‘Ingka insaodi ini sampuꞌano Abraham, ⸤ tetewei tasumalamati⸥ ’. Kapaꞌamo Lahataꞌala nokokuasa naefokonandoo sampuꞌano Abraham mahinggamo namaiꞌao ne kontu ini.

Galatia 3:18

Ane kabarakati newaꞌaono Lahataꞌala nengkoha ne dhalangiꞌano tubhono agama Yahudi, ingka suanomo kawaꞌao nedhandiꞌaono. Tamaka weo rahamatino Lahataꞌala, Abraham nowaꞌane kabarakati hampano padamo nopodhandiane.

Galatia 4:1

Patudhuku peda aini: ane ibahano nandoo seemie kafeompuꞌa bhe anano kohakuꞌaono kahunsaꞌaono nandoo noanaꞌi, kaomponano kaanaꞌino maitu miina napoꞌala bhe bhatua. Gahaꞌaitumo sakotuꞌuno anoamo so kafeompuꞌa bhahi-bhahiꞌae.

Galatia 6:16

Sio-siomo Lahataꞌala namosampu katohopono dadi bhe rahamatino ne kosasawindo mangkafino tubho aini bhe umatino Israel fehebuaꞌano Lahataꞌala.