Galatia 3:27 - Muna Southern Dialect

²⁷ Ingka kosasawimiu padamo dokadiu saranikoomu weo neano Kristus, dadiꞌanomo fokanamoomu Kristus ne ulumiu tapedamo pakea buꞌou ⸤ maꞌanano membaliomu peda wutono Kristus⸥ .

Galatia 3:27 Referans Kwoze

Roma 13:14

Fokanaomu Ompu Yesus Kristus ne ulumiu tapedamo pakea buꞌou ⸤ maꞌanano membaliomu peda wutono Kristus⸥ , koe folalesaea mbadhamiu so namangkafiꞌao sabhaha kapoindalono.

1 Korintus 12:13

Kapaꞌamo Rohino Lahataꞌala padamo nokadiu sarani kosasawintoomu mbalimo sembadha, naetaa miendo Yahudi naetaa miendo Yunani, naetaa o bhatua naetaa mie bebasi, saneamo dua kao-kaomo dofowaꞌao dofohoꞌu ne Rohi anaꞌa.

1 Petrus 3:21

Kadhadhia aitu nembalimo kaꞌibahatino kakadiu sarani, mosalamatikomoomu ampa aitu. Kakadiu sarani miina nakopatudhu namekanggelaꞌi sabhaha mohakuꞌano ne mbadha, tamaka patudhuno desalo kangkilono totono lalo kumatanga-tangano ne Lahataꞌala. Kanandooꞌano bhahi-bhahiꞌae maitu mbaꞌinomo Yesus Kristus nowanumo maiꞌao ne mate.

Kolose 3:10

Ampa aitu dowaꞌangkomoomu dadi buꞌou, hintimiu membalimoomu manusia buꞌou. Mokonandoono dadi buꞌou naꞌa nopahabuꞌounikoomu kansuhu ampa sifatimiu napototo bhe Wutono. Patudhuno neanomo mandeꞌaaneomu mpuu wutono Lahataꞌala maitu.

Efesus 4:24

Dadiꞌoomu toha peda manusia buꞌou nefokonandoono Lahataꞌala peda katuno Wutono, maꞌanano manusia kotu-kotuꞌu banarano, kotu-kotuꞌu mongkilono.

Tula-tulando rasulu 2:38

Ambano Petrus, “Fetompaaneomu dhosamiu maka mefekadiuꞌomu seemie-seemie weo neano Yesus Kristus, so natiꞌamponiꞌao dhosamiu. Mada aitu damaꞌangkoomu kawaꞌaono Rohino Lahataꞌala.

Roma 3:22

Kafotahimaꞌano Lahataꞌala peda mie banara naꞌa noangka weo kaparasaea ne Yesus Kristus. Kaangkaꞌa aini notilengka so kosasawindo manusia, hampano manusia miina dapoꞌala-alaa.

Tula-tulando rasulu 16:15

Pada takadiu saranie bhe kosasawindo mie weo lambuno, nosaliꞌi kainsamimo ambano, “Ane fekihi kanauꞌomu idi ini aparasaeamo mpuu ne Yesus, mai butuomu se lambuku.” Nofosuhu kainsami sampe taangkafie kamesalono.

Tula-tulando rasulu 8:16

Kapaꞌamo Rohino Lahataꞌala miinaꞌo nakumabhintidaa, kaneꞌo dokadiuda weo neano Ompu Yesus.

Tula-tulando rasulu 9:18

Gahaꞌa tambaꞌomo kabeangaꞌida anano kenta nosimotantaꞌa maiꞌao ne matano Saulus, lasao nofowoha toha. Pada aitu noehemo maka dokadiuꞌe.

Lukas 15:22

Tamaka amano tanopugau ne bhatuaꞌino, ‘Fekahimba owa kanauꞌomu dhuba foliuno kakesa maka fepakeanieꞌomu, fosukoaneomu singkahu ne wunano limano bhe fokanaaneomu kaampini ne aꞌeno.

1 Korintus 10:2

Olu bhe teꞌi naꞌa nembalimo dua kakadiundo sampe kosasawindo doseꞌisemo doangkafi anabii Musa.