Galatia 3:21 - Muna Southern Dialect

²¹ Ane peda naꞌa nopotagali bhahaa tubhono agama Yahudi bhe dhandino Lahataꞌala? Ingka miina sepaliꞌa. Kapaꞌamo ane ibahano tubhono agama Yahudi dowaꞌandae manusia so daeꞌawaꞌao dadi, tantumo manusia naembali natumahimada Lahataꞌala peda mie banara namangka ne tubhono agama maitu.

Galatia 3:21 Referans Kwoze

Galatia 2:21

Rahamatino Lahataꞌala miina aongaheꞌiea, kapaꞌamo ane o mie natumahimae Lahataꞌala peda mie banara mbaꞌinomo nodhalangi tubhono agama, ingka nosia-siamo mateno Kristus.

Roma 9:31

Nopobhansule bhe miendo Yahudi, mahingga sadhia doꞌulei lalondo doangkafi tubhono agama so datitahimaꞌao peda mie banara ne Lahataꞌala, gahaꞌaitu miina natosampe patudhundo.

Galatia 2:19

Miinamo bhe potaiꞌakua bhe tubhono agama Yahudi, kanggetu amatemo. Nofekamate kanaumo tubhono agama maitu. Dadiꞌanomo amatemo so tubhono agama Yahudi, neanomo adumadi so Lahataꞌala. Wakutuuno Kristus dokantaiꞌe te sau salipu, kao-kaomo o idi dokantai kanau dua.

Galatia 2:17

Gao mani natumahima kainsami Lahataꞌala peda mie banara weo kaparasaea mani ne Kristus. Gahaꞌa pada peda amaitu insaodi ini sadaa-daa mie kodhosa. Bhahaa nokomaꞌanaꞌao Kristus maitu mekakodhosa kainsami? Tantumo suano.

Roma 3:31

Ane peda naꞌa bhahaa nokomaꞌana hampano doparasaea kaowu ne Yesus Kristus, doꞌohoemoomu tubhono agama Yahudi? Ingka miina! Bhahamoa tanodhulu dofosibhalae.

Roma 3:4

Ingka teteweimo paise, kapaꞌamo tabeano damandeꞌaane Lahataꞌala sadhia nobanara, tamaka kotika manusia liwuno paha. Anaꞌa noposahataa bhe tibuhino weo Kitabi ⸤ nopulaoꞌao Lahataꞌala⸥ peda ini, “Naetaa sabhaha nekobhoasaꞌaomu nakobukutiimo kakotuꞌuno, ane dasumangkatiko tetewei fotalo.”

Roma 3:6

Ingka teteweimo paise. Kapaꞌamo ane Lahataꞌala pae naꞌumadhilia, nada amai nabhotusi dhunia ini?

Ibrani 11:7

Hampano kaparasaeano, Nuh nofodhagae Lahataꞌala so kumadhadhiaꞌano te wise, tapaꞌo newohano. Nuh neangka ne Lahataꞌala sampe nefotoka bhangka bhalano, mbalimo mosalamatie bhe koseꞌonu polambuno. Noangka ne kaparasaeano naꞌa dhunia dohukumue, tamaka wutono Nuh notahimae Lahataꞌala peda seemie banara hampano kaparasaeano.

Lukas 20:16

Ingka tetewei namai namongkolida, maka kaampono naꞌa namaꞌandae mie sigaoꞌano so kumahadhaaꞌe.” Dofetingke peda maitu mie bhahi dopugaumo ambado, “Tetewei paise!”

2 Korintus 3:7

Podhandiꞌa meowano mate naꞌa dobuhiane patota ne katibhano kontu. Mahinggamo peda anaꞌa nopoangkaane kakalabhiano Lahataꞌala. Tilangano kakalabhiano Lahataꞌala anaꞌa nentalea sepaliꞌa, sampe miendo Israel nosomba matando miina damondoiꞌea doꞌondo ulano anabii Musa, mahinggamo tilangano ne ulano sadhulu kahawu. Ane podhandiꞌa meowano mate naꞌa nopoangkaane kakalabhia pedando naꞌa,

Galatia 6:14

Tamaka o idi akiido naowose bhakeku ne ae maka dua, mpahinomo Ompuntoomu Yesus Kristus mateno te sau salipu nefosibhalakua. Kapaꞌamo mbaꞌinomo mateno Kristus te sau salipu, dhunia ini miinamo bhe fahalaanoa so idi, kao-kaomo nomatemo so idi. Pedamo dua idi ini, kao-kaomo amatemo so dhunia.

Ibrani 7:18

Dadiꞌanomo atora ngkodau dofogampiemo, hampano miina naotangkaa bhe miina dua nakofahalaaꞌa.

Ibrani 7:19

Tubhono agama Yahudi naꞌa miina naeowa dadi sumangka ne laꞌae maka dua, kanandooꞌanomo dowaꞌa kaita posahunaꞌao sedhuluꞌano kataa. Hampano posahunaꞌao anaꞌa nembalimo domaꞌotiomu Lahataꞌala.