Galatia 3:19 - Muna Southern Dialect

¹⁹ Ane peda naꞌa so ae bhahaa katifokonandooꞌano tubhono agama Yahudi maitu? Kanandooꞌano tubhono agama Yahudi maitu ingka somo kaowu katubhahino so notipandeꞌaoꞌao kaꞌalando manusia. Tamaka tubho amaitu notipake kaowu ampa kahatoꞌano sampuꞌano Abraham nesambili weo podhandino Lahataꞌala saꞌituini. Tubhono agama Yahudi naꞌa dofosampee malaꞌekati ne seemie manusia ⸤ patudhuno, anabii Musa⸥ , so poatoꞌaono wamba ne manusia bhaino

Galatia 3:19 Referans Kwoze

Tula-tulando rasulu 7:53

Ingka hintimiu tahimaeꞌomu tubhono agama weo Kitabino Musa nefosampendo malaꞌekati, tamaka gahaꞌa miina mangkafieꞌomua.”

Ibrani 2:2

O bhoasao nefosampendo malaꞌekati ⸤ ne awuaꞌintoomu⸥ nandoo nokotuꞌu sampe mie kumangkalaꞌie bhe tapa meangkano deꞌawamo kahukumu mantasiꞌano.

Galatia 3:16

⸤ Pedamo dua podhandino Lahataꞌala.⸥ Lahataꞌala padamo nokobhoasaꞌao dhandino ne Abraham bhe sampuꞌano. Weo Kitabi miina natibuhi “so sampuꞌaꞌimu”, maꞌanano dobhahi, tamaka “so sampuꞌamu” maꞌanano seemie kaowu, nopulaoꞌaomo Kristus.

Roma 4:15

Tubhono agama Yahudi neowa amahano Lahataꞌala, tamaka ane pae bhe tubhono agama, pae dua bhe nekangkalaꞌia.

Roma 2:13

Kapaꞌamo suano mie metingkeno tubhono agama Yahudi banarano te wiseno Lahataꞌala, tamaka mie dhumalangino tubhono agama maitu so netahimano Lahataꞌala peda mie banara.

Tula-tulando rasulu 7:38

Wakutuuno umatino Israel dohompu we pandaso bhalano, Musamo dua ini membalino poatoꞌaono wambano malaꞌekati bhe awuaꞌintoomu. O malaꞌekati naꞌa nokowamba ne Musa te kabhawono Sinai. Ingka anoamo dua tumahimano bhoasao meowano dadi maiꞌaono ne Ompu Lahataꞌala so nefosampe ne hintimiu.

Yohanes 15:22

Ane pae ahumato bhe apugau bhe andoa, teteweimo pae dakodhosaa. Tamaka aitu miinamo dakotingkua dabheleꞌao dhosando.

Yohanes 1:17

Tubhono agama Yahudi dotahimaeꞌomu ne anabii Musa, tamaka kanini kaasi bhe kabanara notiwoha ne Yesus Kristus.

Ibrani 2:5

Ingka suano malaꞌekati meꞌawano kuasa maiꞌao ne Lahataꞌala so mahintano dhunia buꞌou so humatono itu, nesambi-sambilintoomu ini.

Lukas 16:31

Ambano toha Abraham, ‘Ane pae dametingke kafoinaꞌuno anabii Musa bhe ana-anabii sigaoꞌano, teteweimo pae dua damarasaeaꞌa mahinggamo nahumatoda seemie manuno maiꞌao ne mate.’ ”