Biblia Todo Logo
Bib sou entènèt

- Piblisite -




Galatia 2:19 - Muna Southern Dialect

19 Miinamo bhe potaiꞌakua bhe tubhono agama Yahudi, kanggetu amatemo. Nofekamate kanaumo tubhono agama maitu. Dadiꞌanomo amatemo so tubhono agama Yahudi, neanomo adumadi so Lahataꞌala. Wakutuuno Kristus dokantaiꞌe te sau salipu, kao-kaomo o idi dokantai kanau dua.

Gade chapit la Kopi




Galatia 2:19
28 Referans Kwoze  

Pedamo dua hintimiu itu, bhahitieꞌiku. Hampano seꞌiseomu bhe mbadhano Kristus, momatemoomu maiꞌao ne tubhono agama Yahudi ⸤ sampe miinamo nakumuasaikoomu⸥ . Ampa aitu membalimoomu fehebuaꞌano sigaoꞌano, fehebuaꞌano Kristus nefodadi maiꞌao ne mate, neanomo dadintoomu nakofahalaa so Lahataꞌala.


Ingka teteweimo paise! Ingka o dhosa miinamo nafokuasaia, tapedamo mie mate ⸤ miinamo dakodhosaa⸥ . Dadiꞌanomo nada amai dua dadumadiomu kansuhu weo dhosa?


Anoamo ini mateno so intaodiomu ini, neanomo ne oleo kahatoꞌano dadumadi bhe Anoa, mahinggamo nandoo daoꞌuhi, mahinggamo dua damatemo.


Kristus padamo nomate so kosasawindo manusia, neanomo manusia dumadino paemo dadumadi so wutondo tamaka so Kristus toka mateanda bhe nefowanu maiꞌao ne mate.


Dadiꞌanomo abhi wutomiu momatemoomu maiꞌao ne kuasano dhosa, tamaka dadimoomu so Lahataꞌala weo kaseꞌisemiu bhe Kristus Yesus.


Kapaꞌamo noangka ne Kristus Yesus, tubhono Rohino Lahataꞌala meowano dadi padamo nofobebasikoomu maiꞌao ne tubhono dhosa bhe mate.


Mbadhano wutono Kristus notongkue bhahi-bhahiꞌae dhosantoomu, sampe dokantaiꞌe te sau salipu. Patudhuno neanomo intaodiomu dabebasiomu maiꞌao ne kuasano dhosa bhe dadintoomu naposahataa bhe kapoindalono Lahataꞌala. Ingka kakowembe-wembenomo mbadhano Kristus mekaꞌuhikoomu.


O dhosa paemo naembali kafeompuꞌamiu, kapaꞌamo hintimiu miinamo masandeomu ne tubhono agama Yahudi, tamaka pasandeomu ne rahamatino Lahataꞌala.


Kanandooꞌanomo Bhihita Metaa dofolelee dua ne mie mateno. Patudhuno, mbadhando daanumo netompaloimo mate, peda kabhotusino Lahataꞌala so manusia, tamaka rohindo dadumadi naposahataa bhe kapoindalono Lahataꞌala.


bhemo toha heano Kristus! Weo kuasano Rohino Lahataꞌala dumadino suhue dhamani, Kristus nofoampe Wutono mbali kapopanga pata kodengono ne Lahataꞌala. Dadiꞌanomo heano tetewei namekangkilo totono lalontoomu maiꞌao ne sabhaha podiu meowano mate, neanomo naembali dameompuomu ne Lahataꞌala dumadino.


Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.


Ingka momatemoomu poowa bhe Kristus maka mobebasimoomu maiꞌao ne rohi kumuasaino dhunia ini. Noafaꞌao dua gahaꞌa nandoo dadiꞌaoꞌomu peda mie nekuasaino dhunia ini? Noafa gahaꞌa taꞌotuhumoomu ne sabhaha atorano dhunia?


Dadiꞌanomo tubhono agama Yahudi naembali dapototoane bhe seemie dhaga tumonda kaita ampa kahatoꞌano Kristus, neanomo Lahataꞌala nafotahima peda mie banara hampano doparasaeamoomu ne Kristus.


Tamaka ampa aitu adadimo. Ampamo kaowu suanomo dadiku wutokua, tamaka Kristus dumadino we laloku ini. Dadi nedambaꞌaoku ini, ingka o dadi weo kaparasaea ne Anano Lahataꞌala. Anoa noasi kanaumo sampe nofotawakala wutono dopongkoe so idi.


Kapaꞌamo momatemoomu maka dadi buꞌoumiu notifebunimo poowa bhe Kristus weo kaseꞌiseno bhe Lahataꞌala.


Notibuhi weo Kitabi peda aini, “Mie tapa dhumalangino kosasawiꞌae tubhono agama tibuhino weo Kitabi nakumangkanaiꞌemo balaa.” Dadiꞌanomo kosasawindo tumangkaꞌaono tubhono agama Yahudi ⸤ so kaangkaꞌando dapometaa bhe Lahataꞌala⸥ , ingka sanea so nekangkanaino balaa ⸤ kapaꞌamo pae bhe so mondoiꞌea⸥ .


⸤ Katobhoosiku peda aini:⸥ ane momaa tawa mohoꞌu, tawa o ae maka dua nehabumu, habue bhahi-bhahiꞌe naꞌa so kakalabhiano Lahataꞌala.


Ingka dopandeꞌaanemo tubhono agama Yahudi nomaiꞌao ne Rohino Lahataꞌala, tamaka idi ini o manusia monale. Padamo doaso kanau aembali bhatuano dhosa.


Katifosampuꞌano tubhono agama Yahudi, neanomo manusia damandeꞌao lalondo putae kaꞌalando dhulu kabhahi. Ampamo kaowu sedhuluꞌa kabhahino kaꞌalando manusia, sedhuluꞌa dua kapontalabhi-labhino rahamatino Lahataꞌala.


Tubhono agama Yahudi neowa amahano Lahataꞌala, tamaka ane pae bhe tubhono agama, pae dua bhe nekangkalaꞌia.


Bhe miendo Yahudi adadi peda miendo Yahudi neanomo dabhahi miendo Yahudi so neowaku ne Kristus. Bhe mie mintahakino tubhono agama Yahudi, adadi peda mie mintahakino tubhono agama naꞌa, mahinggamo sakotuꞌuno idi ini miina amintahakie tubhono agama anaꞌa. Kahabuꞌaku peda anaꞌa neanomo dabhahi mie mintahakino tubhono agama Yahudi so neowaku ne Kristus.


Tamaka o idi akiido naowose bhakeku ne ae maka dua, mpahinomo Ompuntoomu Yesus Kristus mateno te sau salipu nefosibhalakua. Kapaꞌamo mbaꞌinomo mateno Kristus te sau salipu, dhunia ini miinamo bhe fahalaanoa so idi, kao-kaomo nomatemo so idi. Pedamo dua idi ini, kao-kaomo amatemo so dhunia.


Swiv nou:

Piblisite


Piblisite