Galatia 2:15 - Muna Southern Dialect

¹⁵ Insaodi ini miendo Yahudi, kapaꞌamo talente tamaiꞌao ne miendo Yahudi. Insaodi ini suano mie kodhosa maiꞌaono ne bansano liwu suano Yahudi.

Galatia 2:15 Referans Kwoze

Titus 3:3

Endefiꞌini intaodiomu dobhoheomu dua, miina daeangkaa bhe nokolilino totono lalontoomu, dembaliomu bhatuano nafusuu bhe sabhaha kapoindalono mbadha. Dadintoomu noponoꞌao podiu modai bhe kakonduano lalo, o mie dofobansi bhe intaodiomu dobansi dua mie bhainto.

Efesus 2:3

Sakotuꞌuno endefiꞌini kosasawintoomu nopototo dua bhe andoa; dodadi doangkafi nafusuu bhe kapoindalono mbadha bhe fekihi modai. Sakotuꞌuno nopantasi mpuu Lahataꞌala nafoꞌamahaki, peda dua andoa maitu.

Roma 3:9

Kaowu pedamo ae bhahaa intaodiomu miendo Yahudi? Dofoliuda intaodi ini bhahaa bhe bansano liwu sigaoꞌano? Ingka miina! Saꞌituini pada afetanaanda, naetaa miendo Yahudi naetaa bansano liwu sigaoꞌano saneamo deate weo kuhumano dhosa.

Filipi 3:4

Sakotuꞌuno idi ini bhe tingkuno dua aposahunaꞌao ne kaengkohaꞌano kamanusia bhe habu metaaku. Ane nandoo mie sigaoꞌano numamisino wutono noposahunaꞌao ne medano anaꞌa, mangke-mangkemo idi ini.

Roma 4:16

Kanandooꞌanomo dhandino Lahataꞌala nengkoha ne kaparasaea, neanomo naentalea putae dhandi maitu o kawaꞌaono Lahataꞌala bhe tetewei nokantaa-ntaa so kosasawindo sampuꞌano Abraham, suano kaowu so mie dumadino weo tubhono agama Yahudi, tamaka so kosasawindo mie dumadino weo kaparasaea, peda kaparasaeano wutono Abraham. Ingka anoamo awuanto kosasawintoomu ini.

Tula-tulando rasulu 22:21

Tamaka ambano Ompu, ‘Kalamo, kapaꞌamo atumuduko we kodoꞌoꞌano, we liwundo mie suano Yahudi.’ ”

Matius 9:11

Dowoha peda naꞌa, miendo Farisi dopugaumo ne anaguhuꞌino ambado, “Noafa gahaꞌa gurumiu nohumaa nopombali-mbali bhe mealano sewa bhe mie kodhosa maitu?”

Lukas 24:7

ambano: Anano Manusia tabeano daowae ne limando mie kodhosa maka dakumantaiꞌe te sau salipu, bhe ne katolu oleono namanumo maiꞌao ne mate.”

Galatia 2:17

Gao mani natumahima kainsami Lahataꞌala peda mie banara weo kaparasaea mani ne Kristus. Gahaꞌa pada peda amaitu insaodi ini sadaa-daa mie kodhosa. Bhahaa nokomaꞌanaꞌao Kristus maitu mekakodhosa kainsami? Tantumo suano.