Galatia 1:12 - Muna Southern Dialect

¹² Kapaꞌamo Bhihita aini miina atumahimae ne manusia, suano dua manusia moguhu kanaꞌe, tamaka iꞌino Bhihita Metaa ini atahimae ne wutono Yesus Kristus. Anoamo motiumba kanaꞌe.

Galatia 1:12 Referans Kwoze

Galatia 1:16

Hampano dua rahamatino nofotipandeꞌao kanau Anano, neanomo amolelee bhihitano ne sabhaha bansano liwu suano Yahudi. Wakutuu anaꞌa bhe naseemie miina bhe nekalaꞌiku aesalo fekihi.

Galatia 1:1

Suha aini nomaiꞌao ne idi, Paulus, seemie rasulu. Kaembaliꞌaku rasulu ini miina hampano dotudu tawa dosangke kanau manusia, tamaka nosangke kanau Yesus Kristus bhe Lahataꞌala Amantoomu madano mowanue maiꞌao ne mate.

2 Korintus 12:1

Daanumo miina bhe fahalaano dosangke-sangke wuto, tamaka aitu tetewei asumangke wutoku amohatoangkoomu powoha bhe kafohato neꞌawaku maiꞌao ne Ompu.

1 Korintus 2:10

Tamaka ne intaodiomu Lahataꞌala padamo nofohato kaitae noangka ne Rohino. Rohino Lahataꞌala ingka nolosangi bhahi-bhahiꞌae, mahingga patudhuno Lahataꞌala tifebuniꞌano sepaliꞌa.

1 Korintus 11:23

Kapaꞌamo nefosampeku ini atahimae ne wutono Ompu. Ne alono Ompu Yesus doowae ne limando kaewa, nealamo roti.

2 Korintus 10:7

Ingka taꞌondoomu kaowu tiwohoꞌano ne wisemiu! Ane seemie nokotu-kotuꞌu noabhi wutono fehebuaꞌano Kristus, naetaa namekihi totono lalono, ingka gahaꞌa insaodi dua ini fehebuaꞌano Kristus tapedamo anoa.

Galatia 2:2

Kakalaꞌaku we naꞌa hampano notudu kanau Lahataꞌala weo powoha. We naꞌa dohompumo sanea kaowu neangkando umati maka atalesaanda Bhihita Metaa nefoleleku ne bansano liwu suano Yahudi. Nemosabhaꞌaoku bhahasaa nekahadhaaku endefiꞌini bhe nekahadhaaku ampa aitu nasumia-sia.

Efesus 3:3

Lahataꞌala nofekantaleaꞌi kanaꞌe rahasiano patudhuno, ingka padamo abuhiangkoeꞌomu, mahinggamo seendai kaowu.

1 Tesalonika 4:15

Nefoinaꞌuꞌao mani ini bhoasaono Ompu: ne oleo kahatoꞌano Ompu ⸤ Yesus⸥ , intaodiomu dumadino paise damaꞌinduluki mie toka humunsano wawo dhunia ini.