Galatia 1:10 - Muna Southern Dialect

¹⁰ Dadiꞌanomo peda ae bhahaa itua? Aeꞌondofi kapudhindo mie bhahaa? Miina kaꞌasi, ingka aeꞌondofi kaowu kapudhino Lahataꞌala. Kunaꞌemiu aeala-ala lalondo manusia bhahaa? Ane ibahano aeala-ala lalondo manusia, ingka idi ini suanomo palima-limano Kristus.

Galatia 1:10 Referans Kwoze

1 Tesalonika 2:4

Insaodi tapugau suano so tamekaꞌiaꞌao lalondo manusia, tamaka so tamekaꞌiaꞌao lalono Lahataꞌala, umudhinomo totono lalo mani. Kapaꞌamo Lahataꞌala noabhi kainsami nopantasi noposahunaꞌao kainsami Bhihita Metaa tamolelee.

Tula-tulando rasulu 5:29

Petrus bhe rasulu sabhangkaꞌino dotobhoosimo ambado, “Nofaraluu damangkafi pahintano Ompu Lahataꞌala nalumiuꞌe pahintano manusia.

Efesus 6:6

Koise meangkaomu ane doꞌondo-ondokoomu kaowu, so tipudhiꞌaoꞌomu; tamaka kotu-kotuꞌu habueꞌomu peda bhatuano Kristus dhumalangino kapoindalono Lahataꞌala sampuu-mpuuno lalono.

Yakobus 4:4

Hintimiu mie kumangkalaꞌino podhandimiu bhe Lahataꞌala. Miina mandeꞌaaneomua bhahaa putae ane posabhangkaomu bhe dhunia modai, ingka membalimoomu kaewano Lahataꞌala? Dadiꞌanomo ane dopoindalo doposabhangka bhe dhunia modai, dohabumo wutondo mbali kaewano Lahataꞌala.

Matius 22:16

Dotudumo anaguhuꞌindo dapoowa-owa bhe mieno kolaki Herodes dofeena ne Yesus ambado, “Guru, tapandeꞌaane nelaa lalomu. Weo kalaano lalomu fofoinaꞌuꞌao sala metaano Lahataꞌala so manusia. Miina koniengatia, hampano miina poꞌala-alaanda manusia.

Kolose 3:22

Hintimiu membalino bhatua, sadhia meangkaomu ne kafeompuꞌamiu we dhunia ini. Koise meangkaomu ane doꞌondo-ondokoomu kaowu, so tipudhiꞌaoꞌomu, tamaka meangkaomu maiꞌao weo totono lalo mohelasi, hampano kafosibhalamiu ne Ompu.

Roma 2:29

Tamaka miendo Yahudi sakotuꞌuno, miina natiwoha ne mbadhano, tamaka ne totono lalono. Pedamo dua kasuna sakotuꞌuno, suano kasunano mbadha doangkafi tubho tibuhino, tamaka kasunano totono lalo nehabuno Rohino Lahataꞌala. Mie pedando aitu naetahima kapudhi maiꞌao ne Lahataꞌala, suano maiꞌao ne manusia.

1 Yohanes 3:9

Mie toka membalino anaꞌino Lahataꞌala miinamo daehabu kansuhu dhosa, hampano sifatino Lahataꞌala neatemo weo totono lalondo. Andoa pae bhe kapoolia dehabu kansuhu dhosa, kapaꞌamo dembalimo anaꞌino Lahataꞌala.

2 Korintus 12:19

Fenaiku nomponamo nokoduku we lalomiu insaodi tapobenteꞌao wuto mani ne wisemiu. ⸤ Ingka miina.⸥ Sabhaha pugau mani ini takowambaane ne wiseno Lahataꞌala nopoangkafi bhe kapoindalono Kristus. Bhahitieꞌiku timoasiꞌaono, bhahi-bhahiꞌae ini tahabue so kamatangkaꞌano kaparasaeamiu.

Roma 2:8

Tamaka mie mosibhalano kaowu wutono, tapa meangkano ne kabanara bhe tanoangka-angkamo modaiꞌano, andoa daeꞌawa amahano bhe kahukumuno Lahataꞌala.

Roma 1:1

Suha aini nomaiꞌao ne idi, Paulus, palima-limano Kristus Yesus. Idi nobhasi kanau Lahataꞌala aembali rasulu bhe nofekopuꞌuni kanau aefolele Bhihita Metaa maiꞌao ne Lahataꞌala.

1 Korintus 10:33

Dadiomu peda idi ini. O ae maka nehabuku sadhia aꞌuleiꞌe laloku afekaꞌia lalondo sabhaha mie, miina aeꞌondofi so kaetaaꞌano wutoku, tamaka so kaetaaꞌando mie bhahi, neanomo dasumalamati.

Matius 28:14

Ane nametingke gubernur, madaꞌo tamohatoe insaodi so nomaluꞌao lalono, keana nokakenda-kenda handamiu.”

Tula-tulando rasulu 12:20

Kolaki Herodes noꞌamaha sepaliꞌa ne miendo Tirus bhe Sidon. Dadiꞌanomo andoa maitu dopugau-gau dakumala dapoꞌawaane. Andoa dowudhu kadeki Blastus, neangkando kumahadhaano weo kamalino Herodes, nopotunduꞌaanda. Andoa desalo dapometaa hampano miendo Tirus bhe Sidon sadhia deꞌawa nehumaando nomaiꞌao we liwu neowano kolaki Herodes.

Matius 6:24

Miina bhe bhatua dohodua kafeompuꞌano. Ane nada naꞌa tetewei seemiea nabansie, seemie namasiane, tawa nokampuu-mpuu lalono ne seemieno maka seemieno miina nakumonaꞌi miea. Hintimiu pae naembalia meompuomu ne Lahataꞌala bhe ne kahangkaeano dhunia.”

Filipi 1:1

Suha aini nomaiꞌao ne insaodi Paulus bhe Timotius, palima-limano Kristus Yesus. Tapakatue so kosasawimiu umati mongkilono Lahataꞌala seꞌiseno bhe Yesus Kristus meateno we Filipi, poowa-owaomu dua bhe neangkaꞌindo bhe umondofaono umati.