Filipi 4:19 - Muna Southern Dialect

¹⁹ Lahataꞌala nesombaiku namokapoangkoomu sabhaha kafaraluumiu namaiꞌao ne kahangkaeano Kristus Yesus pontalabhi-labhino.

Filipi 4:19 Referans Kwoze

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.

1 Timotius 6:17

Ne mie hangkaea we dhunia ini mefeꞌulaianda, koise nelangke diundo, koise doposahunaꞌao ne bara pata titangkaꞌaono peda kahangkaea. Tamaka mefeꞌulaianda daposahunaꞌao ne Lahataꞌala, tapa megana-ganano nofowaꞌao sabhaha kafaraluuntoomu so kaetaaꞌano namisintoomu.

Kolose 1:27

Ne umatinomo ini, gaono Lahataꞌala namotiwohae kabhalano kabarakatino bhe kakalabhiano rahasia aitu so sabhaha bansano liwu te dhunia ini. Rahasia anaꞌa peda aini: Kristus neate weo totono lalondo umatino, Anoamo puuno kaposahunaꞌaomiu so menamisiꞌaoꞌomu dua kakalabhiano Lahataꞌala.

Efesus 3:16

Asambahea sio-siomo Lahataꞌala kumalabhiano kuasa, namekatangka totono lalomiu, namekaꞌosaane Rohino.

Kolose 3:16

Naetaa bhoasaono Kristus bhe sabhaha kabarakatino nakumabhinti totono lalomiu, neanomo naembali pofoi-foinaꞌu bhe potanga-tangahiomu maiꞌao ne totono lalo kotimbangi. Pudhiomu Lahataꞌala, mepakeomu lagu mazmur ne Kitabino Daud, lagu-laguno kapudhi bhe lagu-lagu lumebeno. Melaguomu bhe mefoampeomu katumpuno lalo ne Lahataꞌala.

Roma 8:18

Aparasaea mpuu, sabhaha kakadee-dee netompalointo ne dhamani aini pae sepaliꞌa napobandingia bhe kakalabhia pataꞌo tiwohaꞌano so neꞌawantoomu mada kaowu.

Efesus 1:7

Hampano tuhuno heano Kristus bhe kaseꞌisentoomu bhe Anoa, Lahataꞌala nofobebasi kaitamo, maꞌanano noꞌamponiemo dhosantoomu, noposahataa bhe kabhalano rahamatino.

2 Korintus 4:17

Kapaꞌamo kasabha mosape sebantahano ini, naeowa kainsami kakalabhia suhue dhamani pata tikiha-kihano, sabhaha kasabha mani ini paemo bhe maꞌa-maꞌananoa.

Roma 9:23

Kahabuꞌano peda anaꞌa Lahataꞌala, neanomo namotipandeꞌao kakalabhiano pontalabhi-labhino ne mie nemobhelaꞌaono lalono, mie toka nefontaa-ntaano wawo so tumahimano kakalabhiano.

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

Efesus 1:18

Aesalo dua sio-siomo natilengka totono lalomiu, neanomo lumosangieꞌomu kakesano posahunaꞌao so neꞌawamiu maiꞌao ne Lahataꞌala bhasikoomu; neanomo mandeꞌaaneomu dua kapontalabhi-labhino kabarakati nefontaa-ntaano Lahataꞌala so umatino mongkilono.

Efesus 2:7

Patudhuno Lahataꞌala neanomo ne dhamani te wise namotiwoha kabhalano kataano lalono ne intaodiomu ini. Kataano lalono bhe kanini kaasino nofosampue ne intaodiomu noangka ne Kristus Yesus.

Roma 2:4

Mepandaaneomu gahaꞌa kataano lalono Lahataꞌala pontalabhi-labhino, kakosabahano bhe kakowaweno lalono ne hintimiu? Miina mandeꞌaanemoomu bhahaa putae kataano lalono Lahataꞌala nokopatudhu namatokoomu so metompaꞌao dhosamiu maka dumoliomu ne Lahataꞌala?

Roma 11:33

Kabhalano kahangkaeano Lahataꞌala! Kalalesano timbangino bhe kandalono kapandeno! Miina mpuu natisonsoa sabhaha kabhotusino! Miina mpuu natilosangia sabhaha dhalano nokonihabu!

1 Petrus 5:1

Nandoo kamesaloku ne kamungkulaꞌi neangkando umati. Kaebuhiꞌaku peda aini, ingka idi ini seemie dua kamungkulaꞌindo umati peda hintimiu, pakade awohaꞌao wuntano mataku kakadee-deeno Kristus. Nahumato tempono natiwoha kakalabhiano Kristus, ingka aeꞌawa dua dawu weo kakalabhiano naꞌa.

1 Tesalonika 2:12

Maꞌanano tatangahikoomu, tafekatangka lalomiu, pakade taesalo mpuu dumadiomu naposahataa bhe kapoindalono Lahataꞌala. Kapaꞌamo Lahataꞌala nosaliꞌikoomu mesuaꞌomu weo Kafopahintaꞌano kumalabhiano.

Roma 1:8

Ametompunaꞌiane amoampe katumpuno laloku ne Lahataꞌala nesombaiku noangka ne Yesus Kristus hampano kosasawimiu itu. Ingka bhihitano kaparasaeamiu ne Yesus Kristus nokolelemo ne kosedhuniaꞌae ini.

Yohanes 20:27

Pada anaꞌa nopugaumo ne Tomas ambano, “Ondo limaku ini, fotumpu wunano limamu ne ini. Fonsoho limamu, fedampa tompano kaha-kahaku ini. Koemo nopoibhahaa lalomu, parasaeaꞌo toha!”

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”

Filemon 1:4

Taenomo asambahea sadhia asambiliko bhe notumpu laloku ne Lahataꞌala,

2 Korintus 12:21

Nomihi laloku bhahasaa amai toha we hintimiu Lahataꞌala namekapanda kanau ne wisemiu, maka naokompeaha laloku hampano dobhahi ne olotamiu itu kodhosano endefiꞌini miinaꞌo bhe kofetompaꞌa. Andoa sadaa-daa dohabu kansuhu diu pokahaku, pokawite-wite bhe tapa mantasiꞌano.

Matius 6:32

Kosasawiꞌae naꞌa nefosibhalandomo sabhaha bansano liwu tapa mandeꞌaono Lahataꞌala. Amamiu te surugaa nopandeꞌaane kosasawiꞌae maitu faraluuꞌeomu.

Filipi 4:7

Ane nada anaꞌa, katohopono lalo maiꞌao ne Lahataꞌala tapa nelosangindo manusia, nadhumagani totono lalo bhe fekihimiu toka seꞌiseno bhe Kristus Yesus.