Filipi 4:18 - Muna Southern Dialect

¹⁸ Kosasawiꞌae atahimaemo, nokapotiemo kafaraluuku, tanokolabhimo dua. Pada atahima kapakatumiu ne Epafroditus, miinamo akonikaea. Kawaꞌaomiu ini tapedamo kapopanga mowondu, mekaꞌiano lalono Lahataꞌala bhe nemoasiꞌaono.

Filipi 4:18 Referans Kwoze

Ibrani 13:16

Koise molimpuomu habu metaaꞌomu bhe fotulumiomu, kapaꞌamo anaꞌaemo kapopanga mekaꞌiano lalono Lahataꞌala.

Filipi 4:12

Padamo aenamisi dadi weo kakae, padamo dua aenamisi dadi pontalabhi-labhino. Padamo apoguhuane rahasiano dodadi dewiseki sabhaha waweno dadi ne dhunia ini: koeateno doweꞌi padamo, koeateno doꞌaho padamo, naetaa dadi pontalabhi-labhino, naetaa dadi weo kakae.

2 Korintus 9:12

Kapaꞌamo taka kaꞌondofao nedhalangimiu ini suano kaowu namokapo nemokaeꞌaondo umati marasaeano, tamaka namodhulu dua kabhahino katumpuno lalo ne Lahataꞌala.

Efesus 5:2

Dadimiu tabeano nakumabhintie kanini kaasi, peda wutono Kristus nofomoasiꞌao. Nofotawakalamo Wutono so intaodiomu sampe dopongkoe. Anoa nembali kapopanga mowondu nefoampe ne Lahataꞌala, mekaꞌianomo lalono Lahataꞌala.

1 Petrus 2:5

Hintimiu tapedamo dua kontu dumadino, dadiꞌanomo undaomu namakekoomu Lahataꞌala so namoeheꞌao lambu so katisombaiꞌano. Ane nada naꞌa, ingka membalimoomu imamu mongkilono mefoampeno kapopanga posahataano bhe lalono Lahataꞌala noangka ne Yesus Kristus.

2 Tesalonika 1:3

Bhahitieꞌiku, insaodi tabeano sadhia taefoampe katumpuno lalo ne Lahataꞌala mbaꞌinomo hintimiu. Daanumo nopantasimo peda anaꞌa, kapaꞌamo kaparasaeamiu saꞌende-ende, pomoni-moniniꞌa sapada-pada hintimiu seemieno bhe seemieno dhulu kamatangka.

Roma 12:1

Dadiꞌanomo bhahitieꞌiku, hampano kataano lalono Lahataꞌala, aesalo mpuu ne hintimiu, owaomu mbadhamiu peda kapopanga dumadino, mongkilono bhe mekaꞌiano lalono Lahataꞌala. Nadamo aini tabeano kofeompumiu sakotuꞌuno ne Lahataꞌala.

Tula-tulando rasulu 10:4

Kornelius noꞌondo malaꞌekati aitu maka nofeenaꞌao kateꞌi, “O ae bhahaa Ompu?” Ambano malaꞌekati naꞌa, “Kosasawiꞌae sambaheamu bhe katulumimu ne mie mokaeno notahimaemo Lahataꞌala maka Lahataꞌala nofeꞌulaikomo dua.

2 Korintus 11:8

Umati ne tombu-tombu sigaoꞌano kanggetumo afekahugida, hampano kaꞌondofaoku ne hintimiu, kapaꞌamo dotanggo kanau andoa.