Filipi 3:19 - Muna Southern Dialect

¹⁹ Dadindo nakopandaꞌao kabinasa; nesombaindo iꞌino handado. Nowose bhakendo dehabu timoambanoꞌaono; fekihindo ampamo kaowu kafaraluuno dhunia.

Filipi 3:19 Referans Kwoze

Roma 16:18

Kapaꞌamo mie pedando itu miina dameompu ne Kristus, Ompuntoomu, tamaka dofeompu kaowu ne iꞌino handado. Pugaundo nokesa, wambado nomeko, tamaka debhohe-bhoheꞌi kaowu mie kaangka-angkano.

2 Petrus 2:3

Hampano kakadau-daundo mpahaguru-guruno naꞌa daetula-tulaangkoomu sabhaha paha, patudhuno daealaꞌao laba. Tamaka kahukumundo nomponamo dofontaa-ntaaꞌe, Lahataꞌala miina bhe kaodoa, tetewei namobinasada.

Kolose 3:2

Sadhia fekihiomu sabhaha ndumandooꞌano te surugaa, koise sadhia fekihiomu ndumandooꞌano we dhunia ini.

2 Petrus 2:1

Endefiꞌini ne olotando umatino Lahataꞌala nandoo mie mpahaana-anabiino, nadamo dua aitu ne olotamiu itu nandumandoo mpahaguru-guruno. Andoa daeowa sabhaha kafoinaꞌu tapa banara so mefobinasano manusia, bhahamoa dagumagaiꞌemo Kafeompuꞌa madano tumolosida. Nadamo anaꞌa dapikiꞌawamo kabinasaꞌano wutondo.

2 Korintus 11:15

Dadiꞌanomo suanomo giu timenteꞌaono ane palima-limano Kafeompuꞌando seetani desahangka dua peda palima-limano kabanara. Panda-pandano daeꞌawa dua kahukumu naposahataa bhe habundo.

2 Korintus 11:12

O ae toka nehabuku ahumabue kansuhu keana mie andoa naꞌa deꞌawa kasalawa dasumangke-sangke wutondo bhe dapugau putae kahadhaando andoa maitu nopototo bhe kahadhaa mani ini.

2 Petrus 2:13

Kakadee-dee so neꞌawando naꞌa kanggetu dua ponambono habu modaindo fofodee-deeno. Dohabu pokahaku ole-oleo dokonaemo dua kataano namisindo. Ane dohumaa dopombali-mbali bhe hintimiu weo kahamendo umati, diundo notimolampi bhe notimoambanoꞌao mbaꞌinomo dololanuꞌao nafusuu modai.

Galatia 6:13

Sakotuꞌuno mie mangkafino tutuhano kasuna naꞌa miina dua dadhumalangiea kosasawiꞌae tubhono agama Yahudi. Gaondo dasumunakoomu so kaowu damekawoseꞌao bhakendo putae hintimiu angkafiomu tubhono agama Yahudi hampano andoa.

Powoha 21:8

Tamaka mie katehe, mie tapa marasaeano, mie timolampi, mie fopongkono, pokawite-witeno, kowuhakeno, mesombaino barahala bhe sabhaha mie kopahano, andoa maitu daꞌumawa dawundo weo efi ngkowaleha ngkalai-laino ne kantobha bhalano. Anoamo ini mate kahaa pakuno.”

1 Korintus 3:3

kapaꞌamo nandoo nokuasaikoomu kapoindalono dhunia. Ane ne olotamiu nandoo pokondu-konduaꞌao lalo bhe potaga-tagaliꞌa, ingka nokomaꞌana nandoo nokuasaikoomu kapoindalono dhunia, ingka tanopototomo bhe mie bhaimiu ne dhunia ini.

Powoha 22:15

Tamaka sabhaha daꞌu, kowuhakeno, mie pokawite-witeno, mie fopongkono, mesombaino barahala bhe mie moindalono paha bhe kopahano, kosasawindo naꞌa daeate-ate we simbalino kota.

Yudas 1:16

Andoamo ini mie kamuntu-muntuno, sadhia dofoꞌala mie bhaindo, doangkafi kapoindalondo modaiꞌano, dosangke-sangke wutondo bhe dokundeli mie bhaindo so deꞌawaꞌao laba.

2 Timotius 3:4

Dapodai-dai dasisabha-sabhangka, paemo naewantaa fekihindoa, tula-tulando taꞌo kafewahai, madaꞌaomo daoasiꞌao nafusuuno dhunia bhe daoasiꞌao Lahataꞌala.

1 Timotius 6:5

bhe posala-salamaꞌana tapa mopoopulino. Fekihindo mie medano anaꞌa nodaimo mpuu, miinamo damangkafi kumotuꞌuꞌano. Kunaꞌendomo agama maitu naeowaanda kahangkaea.

2 Tesalonika 2:12

Hato pandano, kosasawindo mie tapa marasaeano ne kabanara maitu bhe moindalono habu modai, daeꞌawa kahukumu.

Filipi 2:21

Kapaꞌamo sigaoꞌano sanea doꞌondofao kaowu faraluuno wutondo, suano faraluuno Yesus Kristus.

1 Korintus 5:6

Miina namantasia mekawose bhakemiua. Miina mandeꞌaaneomua gahaꞌa sekandai-ndai ragi noꞌendeanemo kosekabhahiꞌae kadhalono tarigu so roti?

1 Korintus 5:2

Tamaka mahingga pedamo itu nandoo dua nelangke diumiu. So mantasiꞌano ingka tabeano naopea lalomiu, bhe mie humabuno medando itu mogampieꞌomu maiꞌao ne olotamiu.

Powoha 19:20

Gahaꞌa kadadi amaitu lasao dohakoe nopoowa-owa bhe mie mpahaana-anabiino mehabuno sabhaha tanda timenteꞌaono ne wiseno kadadi anaꞌa. Tanda-tanda timenteꞌaono maitu mekakolilinono mie metahimano katandano kadadi amaitu bhe sumombaino patungno. Kohoduando maitu doꞌohoda ngkaꞌuhi-uhi weo efi ngkowaleha ngkalai-laino ne kantobha bhalano.

Yakobus 4:16

Tamaka aitu hintimiu sangke-sangke wutomiu fekalangke diumiu. Diu pedando aitu sanea kaꞌala.

2 Tesalonika 2:8

kaneꞌomo manusia foliuno kadai naꞌa namotiumba wutono. Tamaka nahumato Ompu Yesus, manusia ini tanabuso komate-mateno, namobinasaane tilangano kumalabhiano.

Lukas 18:4

Ampa seꞌoleo haa oleo pande bhitaha naꞌa nokiido natumulumie. Tamaka pada anaꞌa nokodukumo we lalono, ‘Daanumo miina aoteꞌia ne Lahataꞌala, miina dua akonidhampangia mie bhaiku,

Lukas 16:19

Nopugaumo toha Yesus ambano, “Nandoo seemie hangkaea sadhia nepake dhuba biludhu bhe kai alusu. Kaꞌosano kahangkaeano seꞌo-seꞌoleo nohame-hame.

Lukas 12:19

Mada aitu amugaumo ne wutoku, ‘Hintu itu nobhahimo kanandoomu, tanekanta-kantawumo pae bhe kawoloa ntini taꞌu-taꞌu. Fewuleꞌo toha, humaa fohoꞌu, fekataaꞌi namisimu!’ ’

Matius 25:41

Pada anaꞌa napugaumo dua ne mie we kemano, ‘Gampiomu maiꞌao ne wiseku ini, hintimiu mie nekangkanaino balaa! Pesuaꞌomu weo efino narakaa tapa mopoopeono ampa suhue dhamani, toka nefontaa-ntaa so Kafeompuꞌando seetani bhe malaꞌekati sabhangkaꞌino.

Matius 16:23

Yesus nodolimo maka nopugau ne Petrus, “Gampi hintu seetani! Hintu onto-ontomi kanau, kapaꞌamo fekihimu suano fekihino Lahataꞌala, tamaka fekihino manusia.”

Powoha 18:7

Sikisaaꞌeomu bhe fekaguguhueꞌomu ampa naposahataa bhe kafosibhala bhe dadi pontalabhi-labhi nenamisino. Kapaꞌamo anoa nokoduku lalono, ‘Inodi ini omputo hobhine mintahano pahinta. O idi suano bhihinandaa, paise sepaliꞌa aenamisi kaguguhua.’

Yudas 1:4

Kapaꞌamo nonandoo mie mekase-kasepeno ne olotamiu itu. Andoa itu mie modai mebhansu-bhansuleno bhihitano rahamatino Lahataꞌala nembali kasalawando damolua nafusuundo. Andoa dogagai Yesus Kristus, Kafeompuꞌa bhe Omputo Kaseemie-mieꞌano. Mpini wawono kahukumu so andoa ini toka notibuhi weo Kitabi.

Roma 6:21

Wakutuu anaꞌa o laba ae bhahaa neꞌawamiu? Ingka mpahinomo kaambanono taꞌampamo aitu. Kapaꞌamo kaopuliꞌano sabhaha habu anaꞌa o mate.

2 Tesalonika 1:9

Kahukumu so neꞌawando maitu o kabinasa suhue dhamani, maꞌanano daokodoꞌo maiꞌao ne wiseno Ompu bhe kuasano kumalabhiano.

Yudas 1:10

Tamaka mie andoa saꞌituini defolimba sabhaha wamba kafekaꞌaebu ne tapa nepandeꞌaondo. Andoa itu tapedamo kadadi tapa kofekihi, nepandeꞌaondo dodadi kaowu so mbadhando. Gahaꞌaitumo anaꞌamo so kabinasaꞌando.