Filipi 3:18 - Muna Southern Dialect

¹⁸ Kapaꞌamo nentelamo afohatokoomu, aitu afenduaꞌemo dua nopotuhu bhe luuku, putae dobhahi mie kodadindo nopoewangi bhe patudhundo mateno Kristus te sau salipu.

Filipi 3:18 Referans Kwoze

Efesus 4:17

Dadiꞌanomo, amohatokoomu weo neano Ompu bhe amodhagakoomu: koemo toha dadiomu peda mie tapa mandeꞌaono Lahataꞌala, mefekihino sabhaha tapa kofahalaano.

Galatia 6:12

O mie mosuhukoomu mesunaomu, ingka gaondo defewoha kaowu putae doangkafi tutuhano mbadha. Tamaka kahabuꞌando peda aitu keana kaowu dofodee-deeda ⸤ miendo Yahudi⸥ hampano kaparasaeando ne mateno Kristus te sau salipu.

Galatia 2:14

Awoha kaowu podiundo maitu miina napoangkafi bhe kabanarano Bhihita Metaa, apugaumo ne Petrus ne wisendo kosasawindo naꞌa ambaku, “Hintu itu mieno Yahudi, gahaꞌa dadi peda seemie suano Yahudi ⸤ ingka miinamo mangkafi tubhono agama Yahudi⸥ . Nada amai dua mosuhu bhahitieꞌi suano Yahudi damangkafi atorano agama Yahudi?”

Galatia 1:7

Sakotuꞌuꞌano bhihita aitu suano Bhihita Metaaꞌa, ampamo kaowu nandoo mebhansu-bhansuleno Bhihita Metaa neowano Kristus, patudhuno dahumungga totono lalomiu.

2 Petrus 2:10

mangkenomo andoa mangka-angkafino nafusuu hamesa bhe kapoindalo pokahakuno bhe misakino kuasano Lahataꞌala. Kaꞌosano kakadondo bhe kalangkeno diundo mie mpahaguru-guruno naꞌa, sampe dokadomo dua dofekaꞌaebu dumadino weo kakalabhia te surugaa.

1 Tesalonika 4:6

Weo diu nepulaoꞌaoku ini, koise dua kokaꞌalaomu ne bhahitiemiu tawa bhohe-bhoheꞌieꞌomu. Ingka endefiꞌini padamo tafodhagakoomu putae Ompu nahumukumu mehabuno kaꞌala medando naꞌa.

Filipi 1:4

Taenomo dua asambahea so kosasawimiu sadhia nowula sepaliꞌa laloku.

Galatia 5:21

dopomole-moleaꞌao lalo, dololanu, sakahame dohumaa dofohoꞌu, bhe sabhaha habu modai sigaoꞌano. Peda padamo afohatokoomu endefiꞌini, aitu amenduaꞌangkoeꞌomu dua, mie humabuno sabhaha podiu medando maitu paise daeꞌawa kadawu weo Kafopahintaꞌano Lahataꞌala.

Galatia 2:21

Rahamatino Lahataꞌala miina aongaheꞌiea, kapaꞌamo ane o mie natumahimae Lahataꞌala peda mie banara mbaꞌinomo nodhalangi tubhono agama, ingka nosia-siamo mateno Kristus.

2 Korintus 11:29

Ane bhe monaleno, ingka aonale dua; ane bhe mondawuno weo dhosa totono laloku pasae dotunue.

2 Korintus 11:13

Kapaꞌamo andoa maitu dompaharasu-rasulu, kahadhaando debhohe-bhoheꞌi mie, desahangka kaowu peda rasuluno Kristus.

2 Korintus 2:4

Wakutuu abuhi suha anaꞌa, nosabha handaku, noꞌuke bhe afeenei, nopontuhufi bhe luuku. Suano patudhuku so nokompeahaꞌao lalomiu, tamaka neanomo mandeꞌaaneomu kabhalano kanini kaasiku ne hintimiu.

1 Korintus 6:9

Miina mandeꞌaaneomua bhahaa putae mie humabu modaino paise daeꞌawa dawu weo Kafopahintaꞌano Lahataꞌala? Koise nokolilino totono lalomiu! Mie pokawite-witeno, mesombaino barahala, mie monsule, karambole moꞌane, gumaano sapada moꞌane tawa hobhine,

1 Korintus 1:18

Mbali mie so binasano, bhihitano mateno Kristus te sau salipu daanumo dokonae bhohe, tamaka so intaodiomu nefosalamati bhihita amaitu katiwohaꞌanomo kuasano Lahataꞌala.

Roma 9:2

⸤ Patudhuku peda aini.⸥ Nokompeaha sepaliꞌa laloku, totono laloku sadhia noguguhu.

Lukas 19:41

Nohato we owano kota, nowoha Yerusalem, Yesus noꞌaefiemo.

Yudas 1:13

Tapedamo ewo moꞌosa we teꞌi neowa buha, andoa ini dofotiwoha diundo timoambanoꞌaono. Andoa tapedamo dua kulipopo te lani tapa tumotono wawe. Lahataꞌala tokamo nefontaa-ntaaꞌanda kaeateꞌa weo doloma mposo ampa suhue dhamani.

2 Tesalonika 3:11

Kapugauꞌa mani peda aini hampano tafetingke nandoo mantawano kumiidono kumahadhaano, gunando fisa deꞌatoro urusundo bhaindo.

Tula-tulando rasulu 20:19

Weo kaꞌondofaoku adhalangi kahadhaano Ompu, miina amosibhala wutoku, pakade nentuhu nondawu luuku bhe nobhahi aeꞌawa kasoba maiꞌao ne miendo Yahudi so mongko kanau.

Galatia 6:14

Tamaka o idi akiido naowose bhakeku ne ae maka dua, mpahinomo Ompuntoomu Yesus Kristus mateno te sau salipu nefosibhalakua. Kapaꞌamo mbaꞌinomo mateno Kristus te sau salipu, dhunia ini miinamo bhe fahalaanoa so idi, kao-kaomo nomatemo so idi. Pedamo dua idi ini, kao-kaomo amatemo so dhunia.