Filipi 3:1 - Muna Southern Dialect

¹ Panda-pandano, bhahitieꞌiku, fowula lalomiu mbaꞌinomo seꞌiseomu bhe Ompu. Miina naobhie laloku amenduaꞌangkoomu nebuhiku endefiꞌini, hampano aitu netaa so katohopono kaparasaea ⸤ keana nepingka-pingka⸥ .

Filipi 3:1 Referans Kwoze

Filipi 4:4

Sadhia fowula lalomiu mbaꞌinomo seꞌiseomu bhe Ompu! Amenduaꞌe toha: fowula lalomiu!

Roma 5:11

Suano kaowu taꞌanaꞌaa. Nowula dua lalontoomu mbaꞌinomo nehabuno Lahataꞌala mangkano ne Ompuntoomu Yesus Kristus, hampanomo Anoa intaodiomu dopometaa bhe Lahataꞌala ampa aitu.

Yakobus 1:2

Bhahitieꞌiku, ane metompaloiꞌomu sabhaha kasabha bhe kasoba, takonamoomu dua kodawuaꞌomu.

1 Petrus 4:13

Tamaka fowulae lalomiu, hampano mealaomu dawu weo kakadee-deeno Kristus, neanomo nahumato tempono kakalabhiano Kristus damotiwohae, sedhuluꞌa kaꞌia bhe kawulano lalomiu.

1 Tesalonika 5:16

Sadhia fowula lalomiu.

Filipi 4:8

Panda-pandano bhahitieꞌiku, fekihimiu fosingiꞌianeomu sabhaha giu metaa tipudhiꞌano, maꞌanano kumotuꞌuꞌano, mantasiꞌano, banaraꞌano, mongkiloꞌano, mokesaꞌano bhe metaaꞌano fetingkeꞌa.

1 Petrus 3:8

Panda-pandano, soba dadi sekakolaloomu, poanta-antangiꞌao namisimiu, pomoa-moasiꞌaoꞌomu peda mie sebhahi-bhahitieno, pomobhe-mobhelaꞌaoꞌomu lalo bhe fekapanda diumiu.

2 Korintus 13:11

Panda-pandano, bhahitieꞌiku, fowulae lalomiu, fosangkae dadimiu! Tahimaeꞌomu sabhaha katangahi nefohatoꞌaoku ini. Sekakolaloomu, dadiomu weo kapometaa, maka Lahataꞌala kamaiꞌaoꞌano kanini kaasi bhe katohopono dadi sadhia napobhaiangkoomu!

2 Petrus 3:1

Bhahitieꞌiku timoasiꞌaono, aini o suhakumo kahaa pakuno. Ne kohaatangkeꞌae suhaku ini aꞌuleiꞌe laloku afeꞌulaiangkoomu bhahi-bhahiꞌae ini so nomoindaꞌao fekihimiu.

Efesus 6:10

Panda-pandano, fekamatangkaomu wutomiu weo Ompu, mealaomu kaꞌosa ne kuasano Lahataꞌala.

Lukas 1:47

noꞌia totono laloku hampano Lahataꞌala Mosalamati kanau,

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.

Matius 5:12

Fowula lalomiu, moꞌiaꞌomu, kapaꞌamo ponambomiu te surugaa nabhahi. Ingka pedamo dua naꞌa defodee-dee ana-anabii dumadino wawo bhe hintimiu.”

1 Tesalonika 4:1

Panda-pandano bhahitieꞌi, padamo tatangahikoomu nada amai dadumadi damekaꞌia lalono Lahataꞌala. Anaꞌa daanumo habuemoomu. Tamaka aitu taesalo mpuu weo neano Ompu Yesus, nasedhuluꞌa dua kakampuu-mpuuno habumiu naꞌa.