Filipi 2:25 - Muna Southern Dialect

²⁵ Ampa aitu ponamisiku nofaraluu amosuliangkoomu bhahitientoomu Epafroditus. Anoa ini tudueꞌomu nomai noꞌondofao faraluuku. Padamo nopobhai kanau weo kahadhaaku, nembali dua tantara peda idi ini ⸤ so Bhihita Metaa⸥ .

Filipi 2:25 Referans Kwoze

Filipi 4:18

Kosasawiꞌae atahimaemo, nokapotiemo kafaraluuku, tanokolabhimo dua. Pada atahima kapakatumiu ne Epafroditus, miinamo akonikaea. Kawaꞌaomiu ini tapedamo kapopanga mowondu, mekaꞌiano lalono Lahataꞌala bhe nemoasiꞌaono.

Kolose 1:7

Bhahi-bhahiꞌae naꞌa ingka pandeꞌaanemoomu maiꞌao ne Epafras, bhahitie mani timoasiꞌaono, sabhangka mani weo kahadhaano Ompu. Anoa ini nokampuu-mpuu weo kaꞌondofao ne Kristus so hintimiu.

Filipi 4:3

Hintu dua, posabhangkaꞌaku mpuu, aesaloiko tulumida hobhine hoduano maitua. Kapaꞌamo andoa ini dokahadhaa mobhie bhe idi weo foleleꞌano Bhihita Metaa, pedamo dua Klemens bhe sabhangkaꞌiku sigaoꞌano kumahadhaano bhe idi. Neando andoa ini notibuhi weo Kitabindo Mie Dumadi.

1 Korintus 3:9

Kapaꞌamo insaodi ini taposabha-sabhangka weo kahadhaa so Lahataꞌala, hintimiu itu tapedamo kaampono Lahataꞌala, tapedamo dua lambu so Lahataꞌala.

Filemon 1:24

Salam nomaiꞌao dua ne Markus, Aristarkus, Demas bhe Lukas, andoa sanea sabhangkaꞌiku weo kahadhaano Ompu we ini.

Ibrani 3:1

Dadiꞌanomo bhahitieꞌiku mongkilono toka nebhasino Lahataꞌala so menamisino surugaa! Fekihi kaitaomu nehabuno Yesus, Rasulu bhe Imamu Bhalano neparasaeantoomu.

1 Tesalonika 3:2

maka tatudu bhahitie mani Timotius namai we hintimiu. Anoa ini posabhangkaꞌa mani weo kahadhaa so Lahataꞌala taefolele Bhihita Metaano Kristus. Katituduꞌano ne hintimiu, neanomo namekatangka lalomiu bhe namodhulu kamatangkano kaparasaeamiu ne Kristus.

Kolose 4:11

Kapakatuno dua salam maiꞌao ne Yesus nekonando dua Yustus. Kabhahindo miendo Yahudi marasaeano ne Ompu Yesus, ampamo andoa totoluno pobhai kanau takahadhaa so Kafopahintaꞌano Lahataꞌala. Andoa ini dolawesi mpuu laloku.

2 Korintus 2:13

Ampamo kaowu totono laloku miina natumohopoa, hampano miina apoꞌawa bhe bhahitieku Titus. Dadiꞌanomo lasao afealai maka apansuhu ne Makedonia ini.

Yohanes 17:18

Pedamo Hintu tudu kanau we dhunia, Idi atududamo dua ne dhunia.

Yohanes 13:16

Amohatokoomu, kotu-kotuꞌu seemie bhatua paise namoliu kafeompuꞌano tawa seemie katudu nalumalo tumudue.

Roma 16:3

Fosampe kanauꞌomu salam ne Priskila bhe Akwila, posabhangkaꞌaku weo kahadhaa so Kristus Yesus.

Roma 16:9

Salam so Urbanus, posabhangkaꞌaku weo kahadhaa so Kristus, bhe dua so Stakis, bhahitie nemoasiaꞌaoku.

Filipi 2:26

So katifosuliꞌano, mbaꞌinomo nokambamo sepaliꞌa lalono ne kosasawimiu, nosabhamo bhe handano kapaꞌamo fetingkeomu nosaki.