Filipi 2:21 - Muna Southern Dialect

²¹ Kapaꞌamo sigaoꞌano sanea doꞌondofao kaowu faraluuno wutondo, suano faraluuno Yesus Kristus.

Filipi 2:21 Referans Kwoze

1 Korintus 10:24

Koise ondofao kaowu kafaraluuno wutomiu, tamaka ondofaoꞌomu dua kafaraluundo mie bhaimiu.

Matius 16:24

Pada peda maitu Yesus nopugau ne anaguhuꞌino, “Laꞌae maka so mangkafi kanau tabeano nahumunsa kafaraluuno wutono, natumongku sau salipuno ⸤ maꞌanano doꞌunda mahingga damate⸥ maka namangkafi kanau.

Filipi 2:4

Ondofaoꞌomu faraluundo mie bhaimiu, koise taꞌo kaowu faraluuno wutomiu seemie-seemie.

2 Timotius 3:2

O manusia damosibhalamo wutondo, daembalimo bhatuano dhoi. Pugaundo taꞌo sangke-sangkeꞌano wuto, naelangke diundo, dafoꞌumbu, paemo daeangka ne kamungkulando, paemo daepandeꞌao katumpuno lalo, paemo dua daefadhuli agama.

1 Korintus 10:33

Dadiomu peda idi ini. O ae maka nehabuku sadhia aꞌuleiꞌe laloku afekaꞌia lalondo sabhaha mie, miina aeꞌondofi so kaetaaꞌano wutoku, tamaka so kaetaaꞌando mie bhahi, neanomo dasumalamati.

1 Korintus 13:5

O kanini kaasi miina naehabu tapa mantasiꞌano bhe miina naeꞌondofi kafaraluuno wutono; o kanini kaasi miina namansolumbua bhe miina naefeꞌu-feꞌulai kaꞌalando mie bhaindo.

Lukas 14:26

“Ane seemie namai ne Idi, tabeano nakumukundo amano bhe inano, hobhineno bhe anaꞌino, kakutaꞌano moꞌane bhe hobhine bhahamoa nabansi inawano wutono. Ane paise, pae naembalia so anaguhuku.

2 Timotius 4:10

Kapaꞌamo Demas nohunsa kanaumo, noasiꞌaomo dhunia ini, nokalamo we Tesalonika. Kreskes nokalamo dua we Galatia, bhe Titus we Dalmatia.

2 Korintus 1:5

Kapaꞌamo taeꞌawamo kakadee-dee pontalabhi-labhino hampano kaseꞌisentoomu bhe Kristus, pedamo dua anaꞌa taeꞌawa kalawesi pontalabhi-labhino noangka ne Kristus.

2 Timotius 4:16

Kabhao-bhaono apotunduꞌao wutoku ⸤ wakutuuno dobhitahaki kanau⸥ , bhe naseemie miina bhe tumulumi kanau, dopuli dohunsa kanau. Sio-siomo Lahataꞌala paise namoꞌaladaa.

Tula-tulando rasulu 15:38

Tamaka fekihino Paulus pae naetaaꞌa nasumabhangkada Markus, kapaꞌamo Markus nohunsada we Pamfilia, miinamo napoowa-owaanda ampa nopalusi kahadhaando.

Tula-tulando rasulu 13:13

Paulus bhe sabhangkaꞌino dohela domaiꞌao we Pafos dohope we Perga kadieno Pamfilia. Tamaka Yohanes nohunsadamo nosuli we Yerusalem.

2 Timotius 1:15

Ingka pandeꞌaanemo kosasawindo maiꞌaono ne kadieno Asia dokukundo kanaumo, notilentumo dua ndo Figelus bhe Hermogenes.