Filipi 2:16 - Muna Southern Dialect

¹⁶ poowa fintahakiomu bhe fosampeomu bhihita meowano dadi. Ane dadimiu nada naꞌa, ne oleo kahatoꞌano Kristus, naowoseangkoomu bhakeku. Kapaꞌamo anaꞌa katandainomo miina nasumia-siaꞌa apogolo, miina dua nasumia-siaꞌa aowuleangkoomu, ⸤ kahadhaaku nokohasili⸥ .

Filipi 2:16 Referans Kwoze

1 Korintus 9:26

Dadiꞌanomo miina taꞌatumende-atumendea, bhe miina apotumbu kabunto-buntoa.

Galatia 2:2

Kakalaꞌaku we naꞌa hampano notudu kanau Lahataꞌala weo powoha. We naꞌa dohompumo sanea kaowu neangkando umati maka atalesaanda Bhihita Metaa nefoleleku ne bansano liwu suano Yahudi. Nemosabhaꞌaoku bhahasaa nekahadhaaku endefiꞌini bhe nekahadhaaku ampa aitu nasumia-sia.

1 Yohanes 1:1

Bhoasao Fofodadino, toka ndumandoono mpini kabhao-bhaono, aituꞌaemo nefosampe ne suha aini. Insaodi padamo tafetingkee, padamo dua tawohaane wuntano mata mani. Padamo taꞌondoe ulano bhe padamo tadampasiane lima mani.

Yohanes 6:68

Notobhoosimo Simon Petrus ambano, “Waompu, takumala se laꞌae bhahaa? Wambamumo meowano dadi suhue dhamani.

1 Tesalonika 3:5

Dadiꞌanomo, mbaꞌinomo miinamo natitagalia kakambano lalo mani, tatudumo Timotius, amandeꞌao kaowu koeateno kaparasaemiu. Kapaꞌamo nomihiangkoomu laloku, bhahasaa nopoolikoomu kawudhuno Kafeompuꞌando seetani sampe nasumia-sia kawule mani.

Yohanes 6:63

Fowaꞌaono dadi buꞌou ingka Rohino Lahataꞌala, kaꞌosano mbadhano manusia miina sepaliꞌa nakofahalaa. Sabhaha wamba nefosampeku ne hintimiu, wambano Rohino Lahataꞌala, meowanomo dadi.

Lukas 12:8

Amohatokoomu, laꞌa-laꞌae pugauno ne wisendo manusia putae noangkafi Idi, Anano Manusia, asumakusiiane dua te wisendo malaꞌekatino Lahataꞌala.

Ibrani 4:12

Bhoasaono Lahataꞌala nodadi bhe nolaku, nohoko anoa bhe kampue komata haa wetaꞌano. Bhoasaono Lahataꞌala nofotobho ampa nopolekaꞌao alusu bhe rohi, nopogaatiꞌao losua bhe lolino buku, nopooli nopofelesaane sabhaha fekihi bhe dukuno lalondo manusia.

1 Petrus 1:23

Kapaꞌamo dadi buꞌou neꞌawamiu miina namaiꞌao ne wineno mbadha mobinasano, tamaka nomaiꞌao ne wutono Kowineno pata mobinasano, hampano kaparasaeamiu ne bhoasaono Lahataꞌala dumadino suhue dhamani.

1 Tesalonika 2:19

Kapaꞌamo hintimiumo neposahunaꞌao mani, kaowulaꞌano lalo mani, kaowuleꞌa mani somo kaowoseꞌano bhake mani ne wiseno Ompuntoomu Yesus humato namai. Ane pae hintimiu, laꞌae dua?

Galatia 4:11

Nomihiangkoomu laloku, kunanomo kawuleku ⸤ aowaangkoomu Bhihita Metaa⸥ nasumia-sia.

Powoha 22:17

Rohino Lahataꞌala bhe loꞌia buꞌou hobhine maitu dopugau ambado, “Maimo!” Sasuka metingkeno naetaa napugau, “Maimo!” Sasuka mokekeleno wuꞌu naetaa namai, sasuka moindalono naetaa tanaealamo oe meowano dadi, pae nakoꞌolia.

Tula-tulando rasulu 13:26

Bhahitieꞌiku, naetaa sampuꞌano Abraham naetaa sigaoꞌano moteꞌino ne Lahataꞌala, bhihita kasalamatiꞌa ini padamo dofofohatoane.

Matius 10:27

O ae nepugauꞌaoku weo kahohondo, pugauaneomu ne mentaleaꞌano. O ae nekamuntui ne tingalamiu, foniomu te melangkeꞌano maka foleleomu ne mie bhahi.

1 Korintus 1:8

Wutono Kristus namekamatangkakoomu ampa we kafetompaino, neanomo pae kodengoomua ne oleo kahatoꞌano Ompuntoomu Yesus Kristus naꞌaa.

Filipi 1:6

Aparasaea mpuu Lahataꞌala tumandakino kahadhaa metaa weo totono lalomiu ini, namokansuhue dua ampa natumoka ne oleo so kahatoꞌano Kristus Yesus.

Filipi 1:10

Ane nada anaꞌa, mandemoomu mepiliomu foliuno kataa. Dadimiu naongkilo, pae nakodengo-dengoa ne oleo kahatoꞌano Kristus.