Filipi 2:13 - Muna Southern Dialect

¹³ Kapaꞌamo wutono Lahataꞌala kumahadhaano weo totono lalomiu, sampe undaomu bhe poolieꞌomu dhalangiomu patudhu metaano Lahataꞌala.

Filipi 2:13 Referans Kwoze

Ibrani 13:21

Sio-siomo Lahataꞌala kamaiꞌaoꞌano katohopono dadi, namosangkaangkoomu sabhaha metaaꞌano so dhumalangiꞌaoꞌomu kapoindalono. Sio-siomo dua weo dadintoomu Lahataꞌala naehabu podiu mekaꞌiano lalono, namangka ne Yesus Kristus. Notifekakalabhia Kristus ampa suhue dhamani. Amin.

2 Korintus 3:5

Miina bhe tingku mania tapugau putae kahadhaa aini tapoolie wuto mani, miina kaꞌasi, tamaka kapooli mani saneamo kawaꞌaono Lahataꞌala.

2 Timotius 1:9

Anoamo mosalamati kaita, Anoamo dua bhasi kaita so dadumadi mongkiloꞌao. Katifosalamatiꞌantoomu suano mbaꞌinomo habu metaantoomu, tamaka nengkoha ne patudhu bhe rahamatino Wutono. Rahamati aini nowaꞌa kaitae noangka ne Kristus Yesus, mpini miinaꞌo natifokonandoo dhunia.

Roma 9:16

Dadiꞌanomo kapilino Lahataꞌala maitu miina naengkoha ne kapoindalo tawa kaꞌuleindo manusia, tamaka taneatemo ne rahamatino wutono Lahataꞌala.

1 Korintus 15:10

Tamaka hampano rahamatino Lahataꞌala idi ini ingka pedamo aini, maka rahamatino ne idi miina nasumia-siaꞌa. Idi padamo akahadhaa mobhie afoliuda kosasawindo rasulu, ampamo kaowu suano kaꞌosano wutoku tamaka rahamatino Lahataꞌala pobhai kanau.

Yohanes 3:27

Ambano Yohanes, “O ae maka dua neꞌawano seemie manusia, o kadawu maiꞌao ne Lahataꞌala.

Efesus 1:11

Lahataꞌala nofokonandoo bhahi-bhahiꞌae noposahataa bhe kapoindalono bhe patudhuno Wutono. Mpini kabhao-bhaono nofopilimo bhe tokamo nofotantue daembali umatino hampano kaseꞌisentoomu bhe Kristus.

1 Korintus 12:6

Nekahadhaano Lahataꞌala tanofegiu, tamaka kumahadhaano bhahi-bhahiꞌae naꞌa mangkano ne sabhaha manusia, ingka Lahataꞌala Kaseemie-mieꞌano.

2 Tesalonika 1:11

Dadiꞌanomo sadhia tasambaheaꞌangkoomu, sio-siomo Lahataꞌala namabhi dadimiu naposahataa bhe kapoindalono, mantasiꞌanomo so mie toka nebhasino. Sio-siomo dua weo kuasano, Lahataꞌala namekakoꞌulaangkoomu patudhu metaamiu bhe namosangkaangkoomu sabhaha kahadhaano kaparasaeamiu.

Efesus 1:5

Hampano kanini kaasino, Lahataꞌala tokamo nofotantue wawo, putae namangka ne Yesus Kristus intaodiomu nasumangke kaita dembaliomu anaꞌino. Ingka pedamo naꞌa kapoindalono bhe patudhuno.

Efesus 2:8

Katifosalamatiꞌamiu hampano rahamatino Lahataꞌala, noangka ne kaparasaeamiu ne Kristus. O kasalamati maitu suano hasilino kahadhaano wutomiu, tamaka kotu-kotuꞌu katohaino Lahataꞌala.

Lukas 12:32

Hintimiu pata bhabhahino, koise moteꞌiomu! Kapaꞌamo Amamiu nopoindalomo nosangkekoomu so mieno Kafopahintaꞌano.

Efesus 1:9

Hampano kapoindalono Wutono, Lahataꞌala nofohato kaitaomu patudhuno nefebunino endefiꞌini. Patudhuno naꞌa tokamo nobhotusie wawo nakoꞌula namangka ne Kristus.

Yohanes 6:65

Nopugaumo dua ambano, “Ingka ainiꞌaemo katifohatoꞌamiu saꞌituini: bhe naseemie pae bhe so maino ne Idi ane Amaku pae namaꞌane kapoindalo bhe kuasa so namaiꞌao ne Idi.”

Roma 9:11

Miinaꞌo dalumentea anaꞌi hoduano maitu, miinaꞌo dua daehabu metaaꞌano bhe modaiꞌano, Lahataꞌala padamo nokobhoasao ne Ribka, “Titiisa nameompu ne aino.” Katibhoasaoꞌano peda anaꞌa, so nentaleaꞌao putae kapilino Lahataꞌala miina naengkoha ne habundo manusia, tamaka nengkoha ne kapoindalono wutono Lahataꞌala fobhasino.

Yohanes 6:45

Nandoo notibuhi weo Kitabindo anabii, ‘Andoa maitu kosasawindo namoinaꞌuda Lahataꞌala.’ Dadiꞌanomo sasuka metingkeno bhe tumahimano kafoinaꞌuno Amaku, namai se Idi.

1 Petrus 1:3

Pudhi kaitaomu Lahataꞌala Amano Yesus Kristus Ompuntoomu, kapaꞌamo nofowaꞌaomo dadi buꞌou hampano kabhalano rahamatino. Anoa padamo nofowanu Yesus Kristus maiꞌao ne mate, kaeꞌawaꞌantomoomu dadi buꞌou bhe posahunaꞌao motangka so oleo mbuhumai.

Tula-tulando rasulu 11:21

Kuasano Ompu nopobhaianda maka dobhahi sepaliꞌa marasaeano, dodolimo ne Ompu.

Lukas 2:14

“Nokalabhia mpuu Lahataꞌala te wawono wawo, katohopo mpuu we dhunia, so manusia posahasiꞌano lalo bhe Lahataꞌala.”

Roma 12:3

Hampano kadawu neꞌawaku ne Lahataꞌala, amohatokoomu kosasawimiu itu: weo fekihimiu koise abhi wutomiu nalumiuꞌe bhe mantasiꞌano, tamaka fekihiomu saetaaꞌano, noposahataa bhe kabhalano kaparasaea nedawuꞌaono Lahataꞌala ne hintimiu seemie-seemie.