Filipi 1:28 - Muna Southern Dialect

²⁸ Koe tihandaomu ne mie mewangikoomu, sadhia fekatangka lalomiu. Poewangiꞌamiu naꞌa somo katandaino andoa dabinasamo, hintimiu sumalamatiomu. Kosasawiꞌae naꞌa nomaiꞌao ne Lahataꞌala.

Filipi 1:28 Referans Kwoze

Matius 10:28

Koise moteꞌiomu ne mie mepongkono mbadha tamaka miina dakokuasa daepongko alusu. Ampamo kaowu moteꞌiomu ne Anoa kokuasano fofobinasano naetaa alusu naetaa mbadha weo narakaa.

Roma 8:17

Ane intaodiomu dembalimo anaꞌino Lahataꞌala, nokomaꞌana dokohakumo dua daꞌumawa sabhaha kabarakati nefontaa-ntaano Lahataꞌala so anaꞌino. Kabarakati nefontaa-ntaa naꞌa datumahimaeꞌomu dapoowa-owa bhe Kristus. Kapaꞌamo ane dokadee-deeꞌomu poowa bhe Kristus, teteweimo dua dafofekalabhia poowa bhe Kristus.

Ibrani 13:6

Dadiꞌanomo dokado dopugauꞌomu, “Ompu tumulumi kanau, paise aoteꞌia. Damafaꞌi kanau gahaꞌa manusia?”

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.

1 Tesalonika 2:2

Ingka pandeꞌaaneomu dua miinaꞌo tamai te hintimiu, padamo dofodee-dee bhe dofompina-mpina kainsami we Filipi. Tamaka bhe katulumino Lahataꞌalantoomu, insaodi taokado taowaangkoomu Bhihita Metaa maiꞌaono ne Lahataꞌala, mahingga dobhahi mewangi kainsami.

Lukas 3:6

kosasawindo mie damoha kasalamati maiꞌaono ne Lahataꞌala.’ ”

Tula-tulando rasulu 28:28

Dadiꞌanomo tabeano mandeꞌaaneomu putae kasalamati maiꞌaono ne Lahataꞌala ini damohatoandae bansano liwu sigaoꞌano suano Yahudi maka andoamo so metingkee.”

Yohanes 16:8

Nahumato kaowu Rohi maitu, miendo dhunia namoꞌinsafuanda dhosando, o kabanara bhe kabhotusino Lahataꞌala.

Markus 3:3

Yesus nopugaumo ne mie mokepeno lima maitu ambano, “Mai, meehe-ehe te wise ini!”