Filipi 1:25 - Muna Southern Dialect

²⁵ Aparasaea mpuu bhe apandeꞌaanemo putae nandoo sumadaa-daa aeate bhe hintimiu, neanomo sadhulu-dhulu katangkano kaparasaeamiu bhe kawulano lalomiu.

Filipi 1:25 Referans Kwoze

Filipi 2:24

Tamaka aparasaea mpuu, ane Ompu namaꞌa kanau kalalesa, paemo dua naomponaa ahumatokomoomu wutoku.

2 Korintus 1:24

Koe fekihiomu insaodi tamosuhuangkoomu so neparasaeamiu, hampano notangkamo koehemiu weo kaparasaeamiu, tamaka gao mani dakumahadhaa dapoowa-owa so kaowulaꞌano lalomiu.

Roma 15:13

Sio-siomo Lahataꞌala kaengkohaꞌano posahunaꞌaomiu, nakumabhintiangkoomu kawulano lalo bhe katohopono dadi hampano kaparasaeamiu, neanomo weo kuasano Rohino Lahataꞌala nasedhuluꞌa dua kabhalano posahunaꞌaomiu.

Roma 5:2

Noangka ne kaparasaeantoomu ne Yesus Kristus ini, intaodiomu deꞌawamoomu dua kaangkaꞌa dopesua weo kalibuno rahamatino Lahataꞌala, kaeateꞌantomo ampa aitu. Nowula lalontoomu weo posahunaꞌao daeala dawu weo kakalabhiano Lahataꞌala.

Tula-tulando rasulu 20:25

Kosasawimiu padamo aangkaikoomu aefebhihitaiꞌao Kafopahintaꞌano Lahataꞌala. Aitu apandeꞌaanemo, paemo moha kanauꞌomua.

1 Petrus 1:8

Mahinggamo wutono Kristus miina mohaeꞌomu, ingka moasianeomu. Ampa aitu mahingga sadaa-daa miina mohaeꞌomu, ingka sadaa-daa dua parasaeaꞌeomu. Kanandooꞌanomo moꞌiaꞌomu mpuu, kaꞌosano kawulano lalomiu naꞌa miina natikiha-kihaa.

Roma 15:29

Apandeꞌaane humato amai apoꞌawaangkoomu, teteweimo aeowaangkoomu kabarakatino Kristus pontalabhi-labhino.

Roma 15:18

Miina aokado apugauꞌao kahadhaa sigaoꞌano, mpahinomo nekahadhaano Kristus noangka ne idi. Kahadhaa nepulaoꞌaoku naꞌa aeato bansano liwu suano Yahudi daeangka ne Lahataꞌala. Kahadhaa aini noangka ne wambaku bhe habuku,

Tula-tulando rasulu 14:22

Ne itu dofekatangka lalondo mangkafino Yesus, dotangahida nakumampuu-mpuu lalondo weo kaparasaeando ne Yesus. Dofohatoda dua tetewei nabhahi daeꞌawa kasabha so damesuaꞌao weo Kafopahintaꞌano Lahataꞌala.

Tula-tulando rasulu 11:23

Nohato we naꞌa Barnabas noꞌia sepaliꞌa nowoha kabarakatino Lahataꞌala ne andoa maitu. Anoa notangahida kosasawindo nakumampuu-mpuu lalondo damasande ne Ompu.

Lukas 22:32

Tamaka Idi padamo asambaheaꞌangko keana nosali kaparasaeamu. Nasumuli kaowu lalomu, fekatangkada lalondo bhahitieꞌimu.”

Filipi 1:24

Tamaka nandoo nofaraluu so hintimiu adumadi ne dhunia ini.

Filemon 1:22

Tadua sehonda kamesaloku: mefontaa-ntaa kanau so kabutuꞌaku, kapaꞌamo aposahunaꞌao hampano sambaheamu, dapikifosuli kanau we hintimiu.