Efesus 6:13 - Muna Southern Dialect

¹³ Dadiꞌanomo fokanaeꞌomu sabhaha katokano ewanga newaꞌaono Lahataꞌala, neanomo nahumato oleo modai naꞌa mooli poewangiomu. Neanomo dua sampe namalusi popahisaꞌa, hintimiu sadaa-daa naotangka koehemiu.

Efesus 6:13 Referans Kwoze

2 Korintus 10:4

Kapaꞌamo ewanga nepake mani suano ewangano dhunia, tamaka ewanga sumangkaꞌano bhe kuasano Lahataꞌala. Ewanga aini nomondoiꞌe nesansa sabhaha benteno liwu motangka.

Lukas 21:36

Kodha-kodhagaomu bhe sadhia sambaheaꞌomu, neanomo meꞌawaomu kaꞌosa lumapaꞌaoꞌomu ne sabhaha so kumadhadhiaꞌano naꞌa bhe naembali meehe-eheomu te wiseno Anano Manusia.”

Efesus 5:16

Kotika bhe kasalawa, pake metaaꞌeomu, kapaꞌamo dhamani aini dhamani modai.

Lukas 8:13

Mondawuꞌano ne kamoꞌali, maꞌanano mie metingkeno bhoasaono Lahataꞌala naꞌa, lasao dotahimae bhe doꞌiaꞌane, tamaka miina nakopahakaa weo totono lalondo. Doparasaea sebantaha kaowu, sadeꞌawa kasabha dohunsa kaparasaeando kosowo-sowondo.

Powoha 3:10

Hampano angkafiomu pahintaku so kosabahaꞌaoꞌomu potaamiomu weo kasabha, maka Idi apobenteangkoomu nahumato tempono kasabha so kumangkanaino kosedhuniaꞌae ini. Ne tempo anaꞌa kosasawindo meateno we dhunia ini daꞌumudhida.

Kolose 4:12

Saliwumiu Epafras nepakatuangkoomu dua salam. Anoa ini palima-limano Kristus Yesus, sadhia dua nosambaheaꞌangkoomu sampuu-mpuuno lalono. Nesalo ne Lahataꞌala so naotangkaꞌao kofindamiu weo kaparasaeamiu, membaliomu miendo sarani motangkano dadi tapa poibhahano, mie mangkafino kapoindalono Lahataꞌala.

Efesus 5:6

Koise dobhohe-bhoheꞌiangkoomu sabhaha pugau tapa kofahalaa, kapaꞌamo podiu medando naꞌa neowa amahano Lahataꞌala ne mie tapa meangkano.

Powoha 6:17

Kapaꞌamo nohatomo oleo bhalano kaꞌamahaꞌando, laꞌae bhahaa so potaamino?”

Roma 13:12

Nobhalamo nekundono alo, nomaꞌomo kamentae. Dadiꞌanomo hunsa kaitaeꞌomu podiuno kahohondo, fokana kaitaomu katokano habu metaa so nehabu ne mentaleaꞌano.

Yakobus 4:7

Dadiꞌanomo tuhuomu ne Lahataꞌala, ewangieꞌomu Kafeompuꞌando seetani maka tetewei namilei.

1 Petrus 4:1

Mbadha kamanusiano Kristus nenamisi kakadee-dee, dadiꞌanomo hintimiu dua tetewei fekamatangka fekihimiu so nohelasiꞌao kumadee-deeꞌomu. Kapaꞌamo mie madano menamisino kakadee-deeno mbadha, nokukundomo dhosa.