Efesus 5:9 - Muna Southern Dialect

⁹ Kapaꞌamo maiꞌao we mentaleaꞌano notiumba sabhaha podiu metaa, kaꞌadhili, bhe kabanara.

Efesus 5:9 Referans Kwoze

3 Yohanes 1:11

Bhahitieku nemoasiꞌaoku! Koise mesandaha ne habu modai tamaka ne habu metaa. Sasuka humabu metaano, anaꞌinomo Lahataꞌala, tamaka sasuka humabu modaino miinaꞌo sepaliꞌa namandeꞌao Lahataꞌala.

Roma 15:14

Bhahitieꞌiku! Idi ini aparasaeakoomu mpuu nobhahi sepaliꞌa metaaꞌano ne hintimiu, sabhaha kapande nefaraluumiu nonandoomo dua sampe nembalimo potanga-tangahiomu.

Efesus 6:14

Fekatangkae kofindamiu, sadhia habuomu banaraꞌano, somo mekamatangkakoomu kanggetu kawawe ne aamiu. Pakeomu podiu kaꞌadhili, somo bentengino mbadhamiu, kanggetu bhadhu uti.

1 Timotius 6:11

Tamaka hintu manusia fehebuaꞌano Lahataꞌala, fekakodoꞌo wutomu ne kosasawiꞌae naꞌa. Ambae dadi banara, dadi lumebe, kampuu-mpuu weo kaparasaeamu, moasianda mie bhaimu, kosabaha potaami weo kasabha, fekamalu lalomu.

Filipi 1:11

Maꞌanano dadimiu naoponoꞌao podiu metaa nehabuno Yesus Kristus, nada sau kobhake metaano. Kosasawiꞌae ini somo damekakalabhiaꞌao bhe damudhiꞌao Lahataꞌala.

1 Yohanes 2:29

Ingka pandeꞌaanemoomu, Kristus nodadi noangkafi kapoindalono Lahataꞌala. Dadiꞌanomo tabeano mandeꞌaaneomu dua putae sasuka mangkafino kapoindalono Lahataꞌala, ingka anaꞌinomo Lahataꞌala.

Ibrani 11:33

Hampano kaparasaeando andoa detalo liwu neowando omputo, dedhalangi kaꞌadhili, dotahima nedhandiꞌaono Lahataꞌala, deꞌopi wobhano singa,

Efesus 4:15

Tamaka ane damintaha ne kabanara, damugauꞌao kumotuꞌuꞌano weo kanini kaasi, tetewei dadintoomu dhulu kasumangka peda dadino Kristus, mefotu kaita.

Roma 2:4

Mepandaaneomu gahaꞌa kataano lalono Lahataꞌala pontalabhi-labhino, kakosabahano bhe kakowaweno lalono ne hintimiu? Miina mandeꞌaanemoomu bhahaa putae kataano lalono Lahataꞌala nokopatudhu namatokoomu so metompaꞌao dhosamiu maka dumoliomu ne Lahataꞌala?

Ibrani 1:8

Tamaka ne Anano maitu, Lahataꞌala nokobhoasao ambano, “Hintu Lahataꞌala, kafopahintaꞌamu nadumaa-daaꞌe suhue dhamani, noꞌadhili mpuu kuasamu.

Efesus 4:25

Kanandooꞌanomo bhahitieꞌiku, koemo kopahaomu, pugauꞌomu kumotuꞌuꞌano ne mie bhaimiu, kapaꞌamo intaodi ini saneamo katokano mbadhano Kristus.

Yohanes 1:47

Nowoha Natanael nomai, Yesus nopugaumo ambano, “Ondoomu, anoa ini miendo Israel sakotuꞌuno, miina namande naepaha-pahaa.”

Matius 3:8

Dadiꞌanomo fotiwohaeꞌomu ne podiumiu, ingka gahaꞌa fetompaanemoomu dhosamiu.

Kolose 3:18

Hintimiu membalino hobhine, tuhuomu ne moꞌanemiu, kapaꞌamo pedamo naꞌa mantasiꞌano so mie marasaeano ne Ompu.