Efesus 4:32 - Muna Southern Dialect

³² Tamaka tabeano naetaa lalomiu seemieno bhe seemieno, pomobhe-mobhelaꞌao lalo, pomaꞌa-maꞌafuꞌaoꞌomu peda wutono Lahataꞌala noꞌamponikoomu noangka ne Kristus.

Efesus 4:32 Referans Kwoze

Markus 11:25

Tamaka taenomo sumambahea, ane nokohobu-hobu totono lalomu ne mie bhaimu, maꞌafuane kadeki, neanomo Amamu te surugaa naꞌumamponiko dua.

2 Korintus 2:10

Kapaꞌamo laꞌae nemaꞌafuꞌaomiu kaꞌalano, ingka amaꞌafuanemo dua. Kapaꞌamo toka nemaꞌafuꞌaoku, ane daanumo nandoo so nemaꞌafuꞌao, ingka ahabuemo ne wiseno Kristus so kaetaaꞌamiu.

Efesus 5:1

Hintimiu anaꞌino Lahataꞌala nemoasiꞌaono. Dadiꞌanomo weo dadimiu angkafiomu sandaha nefotiwohano Lahataꞌala.

Lukas 6:35

Tamaka hintimiu, moasianda kaewamu, habu metaa ne andoa. Fofoada tamaka koe posahunaꞌao sumuli umawae, maka meꞌawa ponambo bhahi. Hintimiu membaliomu anaꞌino Lahataꞌala foliuno kuasa, kapaꞌamo Lahataꞌala netaa dua lalono ne mie tapa mepandeꞌaono katumpuno lalo bhe mie modai.

Lukas 6:37

“Koise bhitahaki mie bhaimu, keana dua nobhitahakiko Lahataꞌala. Koise hukumu mie bhaimu, keana dua nohukumuko Lahataꞌala. Amponida mie bhaimu maka naꞌumamponiko dua Lahataꞌala.

1 Korintus 13:4

O kanini kaasi maitu nokosabaha, netaa lalono; o kanini kaasi maitu miina nakondua lalono. Kanini kaasi miina nasumangke-sangke wutono bhe miina naelangke diuno.

Lukas 17:4

Mahinggamo seꞌoleo nafitu paku nakokaꞌala ne hintu bhe nafitu paku dua nasumuli ne wisemu maka napugau, ‘Asumosoaneꞌo toha’, tetewei maꞌafuane.”

Matius 6:12

Amponie sabhaha dhosa mani, pedamo dua insaodi tamaꞌafuꞌao mie kokaꞌalano ne insaodi.

1 Yohanes 2:12

Hintimiu membalino anaꞌi, aebuhiangkoomu peda aini kapaꞌamo dhosamiu notiꞌamponimo hampano Kristus.

Roma 12:10

Mpuu-mpuunieꞌomu pomoni-pominiꞌao peda mie sibhahi-bhahitieno; fosibhalaomu mie bhaimiu nalumiuꞌe kafosibhala ne wutomiu.

1 Yohanes 1:9

Tamaka ane domangakuꞌao dhosantoomu ⸤ ne wiseno Lahataꞌala⸥ , teteweimo naꞌumamponie sabhaha dhosantoomu bhe namekanggelaꞌie sabhaha diu modaintoomu. Kapaꞌamo Lahataꞌala nokampuu-mpuu ne dhandino bhe noꞌadhili.

2 Korintus 2:7

Ampa aitu tetewei maꞌafuaneomu kaꞌalano bhe lawesieꞌomu lalono keana notondu weo kakompeahano totono lalono.

Yakobus 5:11

Andoa maitu ingka doabhidaomu dokodawua, kapaꞌamo dokampuu-mpuu dopotaami. Ingka fetingkeemoomu potaamino anabii Ayub. Pandeꞌaaneomu dua panda-pandano neꞌawa ae maiꞌao ne Ompu. Kanandooꞌano peda aini hampano Ompu nofoliu kamoasiꞌaono bhe kabhelano lalono ne manusia.

2 Korintus 6:6

nongkilo totono lalo mani, takotimbangi, takosabaha, netaa lalo mani, bhe katulumino Rohino Lahataꞌala, bhe kanini kaasi kumampuu-mpuuno;

Lukas 11:4

Amponie sabhaha dhosa mani, kapaꞌamo insaodi tamaꞌafuꞌao dua kokaꞌalano ne insaodi. Koise folapasa kainsami ne sabhaha kasoba.”

Lukas 1:78

Kosasawiꞌae ini hampano kanini kaasi bhe kabhelano lalono Lahataꞌalantoomu, Anoa nofodongawi nafotulumi, tapedamo tilangano oleo bheteno te melangkeꞌano

2 Petrus 1:7

Kalebeno dadi napotubhahi bhe kanini ne bhahitieꞌinto; kanini ne bhahitieꞌinto napotubhahi bhe kanini kaasi ne kosasawindo mie bhainto.

Tula-tulando rasulu 28:2

Miendo liwuto aitu netaaꞌi sepaliꞌa lalondo ne insaodi. Andoa detampomo efi maka dosaliꞌi kainsami taehana hampano nokoꞌuse bhe nohindi.