Efesus 4:31 - Muna Southern Dialect

³¹ Ohoeꞌomu sabhaha kaleano lalo, ponanti-nantiꞌao bhe amaha. Ohoeꞌomu dua pokei-keisiꞌao amaha, bhe pofeka-fekaꞌaebu. Fekakodoꞌoeꞌomu bhahi-bhahiꞌae naꞌa bhe sabhaha podiu modai.

Efesus 4:31 Referans Kwoze

Kolose 3:8

Tamaka ampa aitu ohoeꞌomu amaha, pamuhu bhe pomodai. Koise foꞌumbu, koise dua pugau tampahasa ne mie bhaimu.

1 Petrus 2:1

Dadiꞌanomo, ohoeꞌoomu toha sabhaha modaiꞌano, koemo kopahaomu, koemo fehaaꞌulaomu, koemo nokondua lalomiu bhe koemo dua foꞌumbuomua.

Yakobus 1:19

Bhahitieꞌiku timoasiꞌaono, tandaiꞌeomu: seemie-seemie tabeano naehimba nafofetingke, tamaka koise nopikipugaua, koise dua nopikiꞌamahaa.

Kolose 3:19

Hintimiu membalino moꞌane, moasianeomu hobhinemiu, koise noꞌosa lalomiu.

Yakobus 3:14

Tamaka ane nakondua lalomiu ne mie bhaimu bhe sadhia ondofao kaowu kafaraluuno wutomiu, koise sangke-sangke wutomiu putae kotimbangiomu, kapaꞌamo ane nada aitu ingka bhansuleemoomu kabanarano Lahataꞌala.

Efesus 4:26

Ane amahaomu, koise sampe amahamu naehabuangko dhosa. Koise hunsa-hunsa amahamu ampa nasumoo oleo,

1 Yohanes 3:12

Koise dembaliomu peda Kain, o anano Kafeompuꞌando seetani sampe nopongko aino wutono. Noafa katipongkoꞌano? Dhohono habuno sanea habu modai, tamaka habuno aino sanea habu metaa.

Yakobus 4:11

Bhahitieꞌiku, koise poꞌumbu-umbuomua. Laꞌae moꞌalano tawa bhitahakino bhahitieno, ingka nofoꞌala bhe nobhitahaki pahintano Lahataꞌala. Maka ane foꞌalaomu pahintano Lahataꞌala, maꞌanano miina mangkafieꞌomu tamaka abhiomu wutomiu te wawono pahintano Lahataꞌala, tapeda seemie fobhitahakino.

Titus 1:7

Kapaꞌamo seemie neangkando umati neꞌatoro kahadhaano Lahataꞌala, dadiꞌanomo tabeano suano mie kodengono, suano mie melangkeno diu, suano mansoꞌamahano, suano mempohoꞌuno, suano mansopogihano, suano kumadau-dauno bhe dhoi.

1 Timotius 3:11

O hobhinendo dua tabeano mie metaano diu, suano mie pande umbu, tabeano damoolie damewanaki totono lalondo bhe datiparasaea mpuu.

2 Korintus 12:20

Kapaꞌamo nomihi laloku bhahasaa amai ahumatofikoomu napoꞌala bhe nepoindaloku, pedamo aitu hintimiu moha kanauꞌomu napoꞌala bhe nepoindalomiu. Nomihi laloku kunanomo bhe pogiha-gihaꞌa, pokondu-konduaꞌa lalo, amaha, kafosibhalano kafaraluuno wuto, poꞌumbu-umbu, pokamu-kamuntuiꞌao, kalangkeno diu, bhe kahungga.

1 Korintus 14:20

Bhahitieꞌiku, koise kofekihiomu peda anaꞌi. Ne modaiꞌano membaliomu peda kaana-anaꞌi, tamaka weo fekihimiu membaliomu mie ngkolalo.

1 Timotius 5:13

Pakademo dua, andoa ini domantawa, tadelili-lilimo doala seꞌonue lambua. Suano kaowu anaꞌa, maka dopandemo dua doꞌumbu bhaindo, desampuru urusundo mie bhaindo bhe detula-tulaꞌao sabhaha tapa mantasiꞌano.

Galatia 5:20

desombai barahala, o wuhake, dopowengke-wengke, dopogiha-giha, nokondua lalondo, domansoꞌamaha, doꞌondofao kaowu kafaraluuno wuto, dopokante-kantee lalo, dopowala-wala,

1 Korintus 5:8

Dadiꞌanomo poharoa kaitaomu, koe daepake roti koragi ngkodauꞌano, kaꞌibahatino sabhaha mohakuꞌano bhe modaiꞌano. Tamaka mepake kaitaomu roti buꞌou pata koragiꞌano, kaꞌibahatino dadi mongkilo bhe banara.

Roma 3:14

Wobhando sabhata-bhatata fodai-daino.

Powoha 12:10

Afetingkemo dua suaha te surugaa nohaaꞌi ambano, “Aitu nohatomo kasalamati, kuasa Kafopahintaꞌano Lahataꞌalantoomu, bhe kuasanomo dua Mesias Omputo Fosalamatino, hampano mobhieꞌaono bhahitieꞌintoomu mentae mohondo ne wiseno Lahataꞌalantoomu padamo doꞌohoe ⸤ we simbalino surugaa⸥ .

1 Yohanes 3:15

Mie bansino bhahitieno nopototomo nofopongko, maka ingka dopandeꞌaane mie fopongkono miina bhe dadi suhue dhamani weo totono lalono.

Titus 2:3

Pedamo dua kamungkula hobhine, tangahida dadumadi metaa peda mantasiꞌano so mie meompuno ne Lahataꞌala, koise dofoꞌumbu, koise nofobhatuada kafohoꞌu. Andoa tabeano damande dafofoinaꞌuꞌao metaaꞌano,

2 Timotius 2:23

Koise meangkafi potaga-tagaliꞌando mie kabhohe-bhohe tapa konipandeꞌaono. Ingka pandeꞌaanemo medando naꞌa neowa kaowu pogiha-gihaꞌa.

1 Timotius 3:3

Suano dua mie mempohoꞌuno, suano mansoꞌamahano, tamaka momaluno lalo, meowano pometaa, suano meompuno ne dhoi.

Tula-tulando rasulu 21:30

Mieno kota tadohialelemo, raꞌeati tadosipumpumo. Pada dohakoe, Paulus dobulue we simbali maka lasao dosongko kosasawiꞌae fointono Lambuno Lahataꞌala.

2 Timotius 3:3

Paemo dapomoa-moasiꞌao, dakiidoemo pometaa, dadumai-dai neando mie bhaindo, paemo damooli damewanaki totono lalondo, damansofopepe, paemo damoindaloea metaaꞌano.

Efesus 4:22

Ingka padamo dofoinaꞌukoomu peda aini: hunsaeꞌomu toha kodadimiu ngkodauꞌano, kapaꞌamo dadimiu ngkodauꞌano naꞌa nodai-daiꞌe sabhaha kapoindalo fofekakolilinono.

Efesus 4:25

Kanandooꞌanomo bhahitieꞌiku, koemo kopahaomu, pugauꞌomu kumotuꞌuꞌano ne mie bhaimiu, kapaꞌamo intaodi ini saneamo katokano mbadhano Kristus.