Efesus 4:29 - Muna Southern Dialect

²⁹ Weo pugaumiu, koe mepakeomu wamba tampahasa, tamaka mepakeomu kaowu wamba mokesa, wamba fotaa-taano pokantibhaꞌano bhe kafaraluundo mie bhaimu. Wamba medano naꞌa naeowa kabarakati so mie metingkee.

Efesus 4:29 Referans Kwoze

Kolose 4:6

Sabhaha nekowambaꞌaomiu tabeano naombaka dametingkee bhe natimohelaꞌao lalo. Ane dameenakoomu, tabeano mandeomu tumobhoosidaomu seemie-seemie.

1 Tesalonika 5:11

Dadiꞌanomo, tabeano potanga-tangahiomu, pofeka-fekatangkaomu lalo, pedamo habumiu ampa aini.

Matius 5:16

Pedamo aitu dua tilangamiu tabeano naentalea ne wisendo mie bhaimiu, dowohaꞌao podiumiu metaaꞌano so damudhiꞌao Amamiu te surugaa.”

1 Petrus 2:12

Ehe mengkohamiu ne olotando mie tapa marasaeano ne Lahataꞌala tabeano naetaa sepaliꞌa, neanomo ane dakumonakoomu mie modai, ingka damohaꞌao wutondo sabhaha habu metaamiu. Dadiꞌanomo ne oleo kahatoꞌano Lahataꞌala andoa damekakalabhiaꞌe dua.

Lukas 4:22

Kosasawindo mie naꞌa doꞌuumbetie, domenteꞌao pugau mokesa nekobhoasaꞌaono. Ambado, “Ingka anoa ini anano Yusuf.”

1 Petrus 3:1

Pedamo dua hintimiu hobhineꞌi, tuhuomu ne moꞌanemiu, neanomo ane nandoo ne olotando moꞌaneꞌi maitu tapa marasaeano ne bhoasaono Lahataꞌala, podiu metaamiu somo damarasaeaꞌao, mahinggamo pae metula-tulaomu.

Efesus 4:16

Ane Anoa nofefotu kaita, kosasawiꞌae katokano mbadha dopotudu-tudumiane doangkafi losuano dembali sembadha. Ane sehonda-sehonda katokano mbadha nadhumalangi takano meteetaa, o mbadha aini tetewei sadhulu kabhala bhe kamatangka weo pomoni-moniniꞌa.

Efesus 4:12

Katiwaꞌaoꞌano bhahi-bhahiꞌae ini, damotoka umati mongkilono so kahadhaando daꞌumondofao Ompu bhe mie bhaindo, neanomo mbadhano Kristus sadhulu-dhulu kabhala bhe kamatangka.

2 Petrus 2:18

Andoa defomantale wamba kalangkeno diu pata kofahalaaꞌano. Depakesimo dua nafusuu modai defetando mie kaneꞌo lumapano maiꞌao ne dadi modai.

1 Korintus 14:19

Tamaka weo pohompu-hompuꞌando umati naetaa apugau lima wobha kaowu tilosangino so amoinaꞌuꞌao mie bhaiku, bhe apugauꞌao hewu lasa wambano Rohi.

Roma 14:19

Dadiꞌanomo ulei kaitaomu lalontoomu daꞌumondofi dhalano kapometaa, bhe kofahalaaꞌano so dapofeka-fekatangkaꞌao kaparasaea.

Roma 15:2

Ondofi kaitaomu seemie-seemie so kaoꞌiaꞌano mie bhainto, so kaetaaꞌano, somo dua kafekatangkano kaparasaeano.

Yohanes 1:37

Dofetingke pugauno Yohanes, anaguhuno hoduano maitu lasao dokala doangkafi Yesus.