Efesus 4:20 - Muna Southern Dialect

²⁰ Tamaka ingka miina nada naꞌa kafoinaꞌu nefetingkemiu wakutuuno pakapoguhumiu kafoinaꞌuno Kristus.

Efesus 4:20 Referans Kwoze

Yohanes 6:45

Nandoo notibuhi weo Kitabindo anabii, ‘Andoa maitu kosasawindo namoinaꞌuda Lahataꞌala.’ Dadiꞌanomo sasuka metingkeno bhe tumahimano kafoinaꞌuno Amaku, namai se Idi.

Matius 11:29

Tongkuomu wowoꞌoku ⸤ maꞌanano angkafi pahintaku⸥ bhe poguhuomu ne Idi, kapaꞌamo Idi ini netaa laloku bhe afekapanda Wutoku. Tetewei meꞌawaomu kalalesano lalo.

1 Yohanes 2:27

Tamaka hintimiu, Kristus ingka padamo nofosampuangkoomu Rohino weo totono lalomiu. Dadiꞌanomo miina namaraluua damoinaꞌukoomu mie sigaoꞌano. Rohino Kristus nofoinaꞌuangkoomu bhahi-bhahiꞌae bhe kafoinaꞌuno nokotuꞌu, suano wamba kabuangkaa. Dadiꞌanomo dadiomu weo kaseꞌise bhe Kristus, peda toka nefoinaꞌuꞌaono Rohino naꞌa.

Lukas 24:47

Nandoo dua notibuhi: weo neano Omputo Fosalamatino daefolele bhihita ne sabhaha bansano liwu putae dametompaꞌao dhosando maka Lahataꞌala naꞌumamponida. Bhihita anaꞌa damolelee natumanda we Yerusalem.

Efesus 4:21

Kapaꞌamo ingka fetingkemoomu bhihitano Kristus bhe peda mie mangkafie tahimaemoomu dua kafoinaꞌu banara, koꞌulaꞌano ne wutono Yesus.