Efesus 4:15 - Muna Southern Dialect

¹⁵ Tamaka ane damintaha ne kabanara, damugauꞌao kumotuꞌuꞌano weo kanini kaasi, tetewei dadintoomu dhulu kasumangka peda dadino Kristus, mefotu kaita.

Efesus 4:15 Referans Kwoze

1 Yohanes 3:18

Anaꞌiku! Koise dofomoasiꞌao ne pugaunto tawa ne wiwinto kaowu, tamaka tabeano kotu-kotuꞌu nakoꞌula ne habunto.

Efesus 4:25

Kanandooꞌanomo bhahitieꞌiku, koemo kopahaomu, pugauꞌomu kumotuꞌuꞌano ne mie bhaimiu, kapaꞌamo intaodi ini saneamo katokano mbadhano Kristus.

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.

2 Petrus 3:18

Naetaa mpuu modhuluomu kabhala bhe kamatangkamiu weo kanini kaasino Yesus Kristus, Ompu bhe Fosalamatino, bhe nasedhuluꞌa dua mandeꞌaaneomu. Nopantasi mpuu damosibhalae haꞌoleo ini ampa suhue dhamani! Amin.

Efesus 2:21

Weo kaseꞌiseno bhe Kristus katokano koseꞌonu lambuꞌae, netaa potudu-tuduꞌano bhe dhulu kabhala, nembali lambu mongkilo nefekopuuni ne Lahataꞌala.

Efesus 1:22

Kosasawindo maitu nofotuhuda Lahataꞌala dalumongko ne Kristus, maka Kristus nosangkee mbalimo neangkando bhahi-bhahindo, somo mefotuꞌaono umatino.

1 Petrus 2:2

Naetaa membaliomu toha nada anaꞌi kaneꞌo lumenteno, gaono sadhia natumiti. Nadamo anaꞌa hintimiu sadhia meꞌondofiomu so otino alusumiu, neanomo dhulu kamatangka kaparasaeamiu maka sumalamatiomu.

Roma 12:9

Kamoasiꞌaomiu ne mie bhaimiu tabeano nahelasi. Fekakodoꞌo wutomiu ne modaiꞌano, fintaha ne metaaꞌano.

Yohanes 1:47

Nowoha Natanael nomai, Yesus nopugaumo ambano, “Ondoomu, anoa ini miendo Israel sakotuꞌuno, miina namande naepaha-pahaa.”

Efesus 5:23

Kapaꞌamo o moꞌane nofefotuꞌao hobhine, nopototo bhe Kristus nofefotuꞌao umatino. Wutonomo Kristus mosalamatino mbadhano, maꞌanano umatino.

2 Korintus 4:2

Ampamo kaowu insaodi takiidoe sabhaha habu tifebuni timoambanoꞌaono, miina takoꞌakala bhe miina tabhansu-bhansule bhoasaono Lahataꞌala, tamaka taefebhihitaiꞌao kabanara mentalea-mentalea. Taehabu peda anaꞌa ne wiseno Lahataꞌala neanomo sabhaha mie daꞌumondo metaa kainsami namaiꞌao weo totono lalondo.

2 Korintus 8:8

Apugau peda aini suano kanggetu pahinta, tamaka afotiwohaangkoomu kaowu kakampuu-mpuundo bhahitie sigaoꞌano dofotulumi, neanomo amandeꞌaanemo dua kahelasino kanini kaasimiu.

1 Korintus 11:3

Tamaka gaoku mandeꞌaaneomu dua sehondano ini, putae sasuka moꞌane nofefotuane Kristus, sasuka hobhine nofefotuane moꞌaneno, maka Kristus nofefotuane Lahataꞌala.

Efesus 1:4

Mpini miinaꞌo natifokonandoo dhunia, Lahataꞌala nofopilimo noangka ne Kristus, neanomo daembali mie mongkilo bhe pata kodengono ne wiseno.