Efesus 4:14 - Muna Southern Dialect

¹⁴ Intaodi ini paemo nada anaꞌi kahobu, paemo dua nada koli-koli nebhansu-bhansuleno kawea tawa newoowano solo. Maꞌanano paemo nafounda-unda sabhaha kafoinaꞌundo mie ngkowawe. Weo kangkowawendo, andoa dofekakolilino mie bhaindo.

Efesus 4:14 Referans Kwoze

Ibrani 13:9

Koise namekakolilinokoomu sabhaha kafoinaꞌu sumempa mengkahatono. Naetaa totono lalontoomu namekamatangkae rahamatino Lahataꞌala, koise namekamatangkae sabhaha atorano oti nehumaa. Mie meangkafino sabhaha atorano oti nehumaa naꞌa miina daeꞌawaa fahalaanoa.

1 Korintus 14:20

Bhahitieꞌiku, koise kofekihiomu peda anaꞌi. Ne modaiꞌano membaliomu peda kaana-anaꞌi, tamaka weo fekihimiu membaliomu mie ngkolalo.

1 Yohanes 4:1

Bhahitieꞌiku timoasiꞌaono! Koise pikiparasaeaꞌomua sabhaha mie mangakuno pugaundo nomaiꞌao ne Rohino Lahataꞌala. Udhieꞌomu kadeki bhahaꞌi rohino kotu-kotuꞌu nomaiꞌao ne Lahataꞌala bhahaꞌi miina. Kapaꞌamo ampa aitu dobhahimo mpahaana-anabiino dohato bhe dolili we dhunia ini.

2 Korintus 2:17

Kapaꞌamo insaodi ini miina tapototo bhe mie bhahino meꞌondofino laba ne bhoasaono Lahataꞌala. Patudhu mani nohelasi, weo kaseꞌise mani bhe Kristus tapugau ne wiseno Lahataꞌala peda mie nefotakano wutono Lahataꞌala.

Yakobus 1:6

Kamesalono tabeano namoampee weo kaparasaea mpuu-mpuu, koise nopoibhahaa. Kapaꞌamo mie poibhahano lalo tanopototomo bhe kaewono teꞌi, nofodo-fodolie kawea.

Efesus 6:11

Fokanaomu sabhaha katokano ewanga newaꞌaono Lahataꞌala, so naotangkaꞌao ehemiu poewangiꞌaoꞌomu bhe akala ngkowawe maiꞌao ne Kafeompuꞌando seetani.

Matius 24:24

Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

2 Timotius 4:3

Kapaꞌamo nasewakutuu mie paemo daetahima kafoinaꞌu kumotuꞌuꞌano, tamaka daeꞌondofi sabhaha guru ampa kapoindalondo, damangkafi kaowu kambakano tingalando.

Yudas 1:12

Weo hame-hamendo umati notimolampi diundo, kapaꞌamo miina daoambanoa deagoi oti, tadofeꞌulai kaowu wutondo. Andoa tapedamo olu nelola-lolaꞌaono kawea tamaka miina naeowa use. Andoa tapedamo dua sau tapa kobhake mahinggamo ne tandaiꞌano nakobhake, mbaꞌinomo padamo dobunae bhe paha-pahakano, nomatemo sepaliꞌa.

Powoha 19:20

Gahaꞌa kadadi amaitu lasao dohakoe nopoowa-owa bhe mie mpahaana-anabiino mehabuno sabhaha tanda timenteꞌaono ne wiseno kadadi anaꞌa. Tanda-tanda timenteꞌaono maitu mekakolilinono mie metahimano katandano kadadi amaitu bhe sumombaino patungno. Kohoduando maitu doꞌohoda ngkaꞌuhi-uhi weo efi ngkowaleha ngkalai-laino ne kantobha bhalano.

Galatia 3:1

Hintimiu miendo Galatia, kabhohemiu gahaꞌa! Nofobhohe-bhoheꞌikoomu laꞌae bhahaa ⸤ sampe hunsaomu kafoinaꞌu banara⸥ ? Ingka padamo afekantale-ntaleaꞌangkoeꞌomu mateno Yesus Kristus te sau salipu.

Matius 24:11

Dabhahi mpahaana-anabiino sampe dabhahi mie so mokolilinono totono lalo.

1 Yohanes 2:26

Bhahi-bhahiꞌae ini abuhiangkoeꞌomu apulaoꞌao mie mesoba-sobano damekakolilino totono lalomiu.

2 Timotius 3:13

Tamaka mie modai bhe fobhohe-bhoheꞌino nadhumulu kadaindo, damokolilino totono lalondo mie bhaindo, gahaꞌaitu totono lalondo wutondo nakolilino dua.

2 Korintus 4:2

Ampamo kaowu insaodi takiidoe sabhaha habu tifebuni timoambanoꞌaono, miina takoꞌakala bhe miina tabhansu-bhansule bhoasaono Lahataꞌala, tamaka taefebhihitaiꞌao kabanara mentalea-mentalea. Taehabu peda anaꞌa ne wiseno Lahataꞌala neanomo sabhaha mie daꞌumondo metaa kainsami namaiꞌao weo totono lalondo.

Matius 11:7

Dokundo kaowu anaguhuꞌino Yohanes, Yesus nopugaumo ne mie bhahi, nopulaoꞌao Yohanes ambano, “Kala meꞌondoomu ae gahaꞌa we pandaso bhalano endefiꞌini? Meꞌondoomu wulu neangko-angkono kawea bhahaa?

1 Korintus 12:2

Ingka pandeꞌaaneomu wakutuuno miinaꞌo mandeꞌaoꞌomu Lahataꞌala, taꞌokaangka-angkamoomu dofekakolilinokoomu sabhaha barahala tapa kosuahano.

Tula-tulando rasulu 23:21

Tamaka koise angkafie kamesalondoa, kapaꞌamo dokolabhi dofato fulu kabhahindo, dantumaaꞌe we sala. Andoa ini padamo dofemata paise daomaa daohoꞌua ane paeꞌo damongko Paulus. Kakanundo notokamo, tadontaa-ntaamo kabhotusimu.”

1 Yohanes 2:19

Andoa mewangino Kristus maitu daanumo domaiꞌao ne olotantoomu, tamaka sakotuꞌuꞌano suano mientoomu. Kapaꞌamo ane kotu-kotuꞌu mientoomu, teteweimo sadaa-daa dapobhai bhe intaodiomu. Tamaka limbando maitu somo notiwohaꞌao putae kosasawindo maitu suano sabhangkantoomua.

2 Petrus 2:18

Andoa defomantale wamba kalangkeno diu pata kofahalaaꞌano. Depakesimo dua nafusuu modai defetando mie kaneꞌo lumapano maiꞌao ne dadi modai.

Yakobus 3:4

Daesandahaomu dua ne kapala, naseꞌae maka kabhalano bhe kaꞌosano kawea busohaꞌiane, ingka nofewanakie setibha uli mohobu, tanoangka-angka kapoindalono mintahano uli.

1 Timotius 3:6

Mie neangkando umati koise dua kaneꞌo mesuano sarani, bhahasaa nelangke diuno maka nokantibhae kahukumu peda Kafeompuꞌando seetani endefiꞌini.

2 Timotius 1:15

Ingka pandeꞌaanemo kosasawindo maiꞌaono ne kadieno Asia dokukundo kanaumo, notilentumo dua ndo Figelus bhe Hermogenes.

1 Korintus 3:19

Kapaꞌamo nekonando kapande we dhunia ini, sanea bhohe ne pomatano Lahataꞌala. Ingka notibuhi weo Kitabi peda aini, “Lahataꞌala nepake kapandedo mie mande mbali tando kakonaꞌando wutondo.”