Efesus 3:9 - Muna Southern Dialect

⁹ Nowaꞌa kanau dua taka amekantaleaꞌie ne kosasawindo manusia nada amai so nakoꞌulaꞌao patudhuno Lahataꞌala maitu. Patudhuno Lahataꞌala mokonandoono bhahi-bhahiꞌae ini, notifebuni mpini dhamani wawono.

Efesus 3:9 Referans Kwoze

Kolose 1:26

Bhihita aini ntini moꞌo-moꞌono taꞌumo nofebunie Lahataꞌala ne sabhaha sampuꞌa pomantulu-ntuluno, tamaka ampa aitu rahasia maitu nofohatoandaemo umatino.

Matius 13:35

Aini mbali nokoꞌulaꞌao bhoasaono Lahataꞌala nefosampeno anabii, “Abhoka wambaku aepalenda, amohatoanda tifebuniꞌano mpini pakatandano dhunia.”

2 Timotius 1:9

Anoamo mosalamati kaita, Anoamo dua bhasi kaita so dadumadi mongkiloꞌao. Katifosalamatiꞌantoomu suano mbaꞌinomo habu metaantoomu, tamaka nengkoha ne patudhu bhe rahamatino Wutono. Rahamati aini nowaꞌa kaitae noangka ne Kristus Yesus, mpini miinaꞌo natifokonandoo dhunia.

Kolose 3:3

Kapaꞌamo momatemoomu maka dadi buꞌoumiu notifebunimo poowa bhe Kristus weo kaseꞌiseno bhe Lahataꞌala.

Matius 28:19

Dadiꞌanomo kalaomu, owadaomu sabhaha bansano liwu daembali anaguhuꞌiku. Kadiudaomu, weo neano Ama bhe Ana bhe Rohino Lahataꞌala.

Powoha 4:11

“Ompu bhe Lahataꞌala mani, Hintu nopantasi tumahima sabhaha kapudhi, kafosibhala bhe kuasa, kapaꞌamo Hintumo mokonandoono sabhaha ndumandooꞌano; kosasawiꞌae maitu donandoo bhe dofokonandooda hampano kapoindalomu.”

Titus 1:2

Kafoinaꞌu aini nengkoha ne posahunaꞌaontoomu daeꞌawa dadi suhue dhamani. Dadi anaꞌa padamo nofodhandiane Lahataꞌala mpini miinaꞌo natifokonandoo dhunia. Ingka Lahataꞌala miina bhe kapooli nakopahaa.

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

Powoha 13:8

Kosasawindo mie meateno we dhunia dasumomba ne anoa. Miemo andoa ini, mpini pakatifokonandoono dhunia, miina natibuhia neando weo Kitabindo Mie Dumadi, fehebuaꞌano Anano Dhumba toka nesumbele.

1 Petrus 1:20

Kristus tokamo nopilie Lahataꞌala mpini miinaꞌo bhe dhunia, tamaka kaneꞌo notiumba ne pandano dhamani aini, so kasalamatiꞌamiu.

2 Timotius 4:17

Tamaka Ompu nopobhai kanau kansuhu, nofekatangkae laloku sampe ampuu-mpuunie aefolele kosasawiꞌae Bhihita Metaa mbali dofetingke kosasawindo mie suano Yahudi. Kanandooꞌanomo asalamati maiꞌao ne balaano mate.

2 Tesalonika 2:13

Bhahitieꞌi nemoasiꞌaono Ompu! Insaodi tabeano sadhia taefoampe katumpuno lalo ne Lahataꞌala hampano hintimiu, kapaꞌamo mpini kabhao-bhaono Lahataꞌala nopilikoomu namosalamatikoomu. Kasalamatimiu naꞌa noangka ne Rohino Lahataꞌala fofekangkilono bhe kaparasaeamiu ne kabanara.

Kolose 1:23

Tamaka tabeano mpuu-mpuunieꞌomu kaparasaeamiu, fekamatangkae kofindamiu. Koise nomagoeaꞌa, koise dua nogampi posahunaꞌao neꞌawamiu wakutuuno fetingkeomu Bhihita Metaa. Bhihita Metaa ainimo nefolele ne sabhaha manusia we towawano lani ini. Idimo dua ini, Paulus, katudu mefoleleno Bhihita Metaa naꞌa.

Efesus 1:4

Mpini miinaꞌo natifokonandoo dhunia, Lahataꞌala nofopilimo noangka ne Kristus, neanomo daembali mie mongkilo bhe pata kodengono ne wiseno.

1 Korintus 2:7

Wambano kapande nepulaoꞌao mani ini nomaiꞌao ne Lahataꞌala, rahasia aini notifebuni sampe miinaꞌo damandeꞌaane mieno dhunia. Tamaka mpini miinaꞌo bhe dhunia Lahataꞌala tokamo nofontaa-ntaaꞌe mbali intaodiomu, so daealaꞌao dawu ne kakalabhiano Lahataꞌala.

Tula-tulando rasulu 15:18

Ompu nofofohatoꞌao bhahi-bhahiꞌae ini mpini dhamani wawono.

Yohanes 10:30

Idi bhe Amaku taseꞌise.”

Yohanes 5:19

Yesus notobhoosidamo ambano, “Amohatokoomu, kotu-kotuꞌu Anano Lahataꞌala - Idimo ini - miina bhe habu nepoolino maiꞌao ne kuasano Wutono, ane miina naoha deki nohabue Amano. Kapaꞌamo nehabuno Amano, nehabunomo dua Anano.

Yohanes 5:17

Tamaka Yesus tanopugau ambano, “Amaku nokahadhaa kansuhu taꞌampamo aitu, dadiꞌanomo Idi akahadhaa dua.”

Lukas 24:47

Nandoo dua notibuhi: weo neano Omputo Fosalamatino daefolele bhihita ne sabhaha bansano liwu putae dametompaꞌao dhosando maka Lahataꞌala naꞌumamponida. Bhihita anaꞌa damolelee natumanda we Yerusalem.

Matius 25:34

Omputo anaꞌa napugau ne mie we suanano ambano, ‘Maimoomu, hintimiu nebarakatino Amaku, tahimamoomu Kafopahintaꞌa toka nefontaa-ntaano so hintimiu mpini pakatifokonandoono dhunia.

Matius 10:27

O ae nepugauꞌaoku weo kahohondo, pugauaneomu ne mentaleaꞌano. O ae nekamuntui ne tingalamiu, foniomu te melangkeꞌano maka foleleomu ne mie bhahi.

Powoha 17:8

Kadadi newohamu itu endefiꞌini nodadi, ampa aitu miinamo, tamaka mada kaowu natiumba toha namaiꞌao ne olano mate tapa kotompano naehopeki kabinasa. Mie meateno we dhunia tapa tibuhiꞌano nea weo Kitabindo Mie Dumadi mpini pakanandoono dhunia, tadamente damoha kadadi amaitu. Kapaꞌamo kadadi amaitu endefiꞌini nodadi, ampa aitu miinamo, tamaka mada kaowu natiumba toha.

Powoha 14:6

Taꞌawohamo dua malaꞌekati sigaoꞌano nelola-lola te wuntano lani. Anoa newowoꞌo Bhihita Metaa suhue dhamani so namolele ne mie meateno we dhunia, ne sabhaha bansano liwu, sabhaha sampuꞌa, sabhaha wamba bhe sabhaha siwulu.

Roma 11:25

Bhahitieꞌiku! Gaoku mpuu mandeꞌaaneomu patudhuno Lahataꞌala pataꞌo tipandeꞌaoꞌano, keana abhi wutomiu mie mande. Patudhuno Lahataꞌala peda aini: miendo Yahudi sigaꞌa dekatuꞌa fotu, tamaka katuꞌano fotu maitu nalumagi kaowu ampa kabhahindo mie suano Yahudi so maino ne Lahataꞌala nasumangkamo.

Efesus 3:2

Teteweimo fetingkemoomu putae weo rahamatino, Lahataꞌala nowaꞌa kanau taka kaꞌondofao aembali rasulu so hintimiu.

Efesus 6:19

Sambaheaꞌomu dua so idi, neanomo ane amugau, Lahataꞌala namaꞌa kanau pugau kumantibha bhe aokado aefolele rahasiano Bhihita Metaa.

Kolose 4:3

Sambahea kainsamiomu dua, sio-siomo Lahataꞌala naelengka kainsami fointo tamolele bhihitano Kristus tifebuniꞌano endefiꞌini. Kapaꞌamo katitohongkuꞌaku mbaꞌinomo aefolele bhihitano Kristus ini.