Efesus 2:8 - Muna Southern Dialect

⁸ Katifosalamatiꞌamiu hampano rahamatino Lahataꞌala, noangka ne kaparasaeamiu ne Kristus. O kasalamati maitu suano hasilino kahadhaano wutomiu, tamaka kotu-kotuꞌu katohaino Lahataꞌala.

Efesus 2:8 Referans Kwoze

Efesus 2:5

Lahataꞌala nofodadi kaita dopoowa bhe Kristus, mahinggamo domatemoomu hampano dokangkalaꞌi pahintano. Tandaiꞌeomu, hintimiu nofosalamatikoomu Lahataꞌala hampano kataano lalono.

Roma 4:16

Kanandooꞌanomo dhandino Lahataꞌala nengkoha ne kaparasaea, neanomo naentalea putae dhandi maitu o kawaꞌaono Lahataꞌala bhe tetewei nokantaa-ntaa so kosasawindo sampuꞌano Abraham, suano kaowu so mie dumadino weo tubhono agama Yahudi, tamaka so kosasawindo mie dumadino weo kaparasaea, peda kaparasaeano wutono Abraham. Ingka anoamo awuanto kosasawintoomu ini.

Roma 10:17

Dadiꞌanomo o kaparasaea nengkoha ne pofetingke, maka kafetingkeꞌa bhihita, mbaꞌinomo bhe mie mefoleleno bhoasaono Kristus.

Tula-tulando rasulu 16:31

Dotobhoosimo ambado, “Parasaeamo ne Ompu Yesus! Tetewei sumalamatimo, wutomu bhe kosasawindo mie weo lambumu!”

Yohanes 6:37

Kosasawindo newaꞌaono Amaku ne Idi damai se Idi, maka sasuka maino se Idi paise agumihada.

Yohanes 5:24

Amohatokoomu, kotu-kotuꞌu sasuka metingkeno wambaku bhe marasaeano ne Tumudu kanau, ingka neꞌawamo dadi suhue dhamani. Paise naeꞌawa kahukumu, kapaꞌamo nogampimo maiꞌao ne mate nopesuamo weo dadi.

Yohanes 4:10

Ambano Yesus, “Ane mandeꞌaane kadawuno Lahataꞌala bhe laꞌae sakotuꞌuno mesalono ne hintu, ‘Bhe idi oemu aohoꞌu’, tetewei hintumo so mesalono ne Anoa, maka Anoa namaꞌangko oe meowano dadi.”

Lukas 7:50

Tamaka Yesus nopugaumo dua ne hobhine anaꞌa, “Hampano parasaea ne Idi, osalamatimo. Kalamo weo katohopono lalo!”

Markus 16:16

Ane damarasaea bhe dakumadiuda, dasumalamati; tamaka ane pae damarasaea daeꞌawa kahukumu.

Yohanes 3:36

Sasuka marasaeano ne Anano Lahataꞌala neꞌawamo dadi suhue dhamani; sasuka kumiidono marasaeano ne Anano Lahataꞌala paise nanumamisi dadi amaitu, tamaka amahano Lahataꞌala naeate te ntanabubuno.

Roma 4:5

Tamaka ane bhe mie tapa kumahadhaano, ampamo kaowu noparasaea ne Lahataꞌala tumahimano mie modai peda mie banara, maka mie anaꞌa notahimae Lahataꞌala peda mie banara hampano kaparasaeano.

Efesus 2:10

Intaodiomu ini kahabuno Lahataꞌala. Noangka ne Kristus Yesus, Lahataꞌala nofokonandoo kaita so dahumabu metaaꞌao peda nefontaa-ntaano wawo so intaodiomu.

Galatia 3:22

Ampamo kaowu weo Kitabi notibuhi putae kosasawindo manusia deate weo kuhumano dhosa. Dadiꞌanomo dhandino Lahataꞌala maitu namaꞌandae kaowu mie marasaeano, maꞌanano nengkoha ne kaparasaeando ne Yesus Kristus.

Tula-tulando rasulu 13:39

Tabeano mandeꞌaaneomu dua weo neano Yesus ini kosasawindo marasaeano ne Anoa natiꞌamponi dhosando maka natumahimada Lahataꞌala peda mie banara. Aini suano nepoolino tubhono agama Yahudi.

Galatia 3:14

Yesus Kristus nofobebasi kaitaomu neanomo namangka ne Anoa sabhaha bansano liwu datumahima dua kabarakati nedhandiꞌaono Lahataꞌala ne Abraham. Ane nada anaꞌa intaodiomu marasaeano datumahimamoomu dua Rohino Lahataꞌala toka nedhandiꞌaono.

Yohanes 6:40

Ainiꞌaemo kapoindalono Amaku, gaono mpuu sasuka mohano Anano bhe marasaeano ne Anoa naeꞌawa dadi suhue dhamani maka amodadie ne Oleono Kiama.”

Yohanes 6:35

Ambano Yesus, “Idimo ini roti dumadino, sasuka maino ne Idi paemo naoꞌahoa, sasuka marasaeano ne Idi paemo nakekele wuꞌunoa.

Efesus 1:19

So mandeꞌaoꞌomu dua kabhibhiisano kuasano Lahataꞌala meateno weo totono lalontoomu mie marasaeano. Kuasa aini nopototo bhe kuasano kumalabhiano,

Tula-tulando rasulu 14:27

Sahatondo ne itu dofohompumo umati marasaeano maka detula-tulaanda sabhaha nehabuno Lahataꞌala noangka ne limando, pakade Lahataꞌala nelengkamo kaangkaꞌa mbali mie suano Yahudi so damarasaeaꞌao ne Yesus.

Yohanes 6:65

Nopugaumo dua ambano, “Ingka ainiꞌaemo katifohatoꞌamiu saꞌituini: bhe naseemie pae bhe so maino ne Idi ane Amaku pae namaꞌane kapoindalo bhe kuasa so namaiꞌao ne Idi.”

Kolose 2:12

Kapaꞌamo wakutuuno dokadiu saranikoomu, ⸤ membaliomu peda mie mate maka⸥ dokobuhukoomu bhe Kristus. Weo kakadiu saranimo dua anaꞌa, hintimiu itu suli dofodadikoomu bhe Kristus, hampano parasaeaꞌomu ne kuasano Lahataꞌala toka mowanuno Kristus maiꞌao ne mate.

Yohanes 6:44

Bhe naseemie pae bhe so moolino maino ne Idi ane pae nahumelae Amaku tumudu kanau, maka sasuka maino maitu amodadida ne Oleono Kiama.

1 Petrus 1:5

Hampano kaparasaeamiu, Lahataꞌala nodhaganikoomu weo kuasano, neanomo meꞌawaomu kasalamati kumantaa-ntaaꞌano so nefekoꞌulaino ne pandano dhamani.

Filipi 1:29

Kapaꞌamo Lahataꞌala padamo nowaꞌangkoomu rahamati suano kaowu marasaeaꞌomu, tamaka dua menamisiomu kakadee-dee so Kristus.

Roma 10:14

Ampamo kaowu nada amai daetondala ne Lahataꞌala ane paeꞌo damarasaeaꞌe? Nada amai damarasaea ane paeꞌo dametingke bhihitano? Tamaka nada amai dametingke ane paeꞌo bhe mefoleleanda bhihita?

Matius 16:17

Ambano Yesus, “Kodawua sepaliꞌa Simon anano Yunus, kapaꞌamo suano manusia mohatoangkoe, tamaka Amaku te surugaa.

Tula-tulando rasulu 16:14

Ne olotando metingkeno nandoo seemie hobhine koneaꞌano Lidia. Anoa nomaiꞌao we kotano Tiatira, nopodagaꞌao kai wungo. Anoa ini noteꞌi dua ne Lahataꞌala. Ompu nolengka totono lalono sampe pugauno Paulus notahimae.

2 Tesalonika 1:9

Kahukumu so neꞌawando maitu o kabinasa suhue dhamani, maꞌanano daokodoꞌo maiꞌao ne wiseno Ompu bhe kuasano kumalabhiano.

Tula-tulando rasulu 15:11

Koemo! Intaodiomu doparasaeaꞌomu hampano rahamatino Ompu Yesus Kristus, dosalamatimoomu pedamo dua andoa.”

Roma 9:16

Dadiꞌanomo kapilino Lahataꞌala maitu miina naengkoha ne kapoindalo tawa kaꞌuleindo manusia, tamaka taneatemo ne rahamatino wutono Lahataꞌala.

Ibrani 6:4

Kapaꞌamo ane bhe mie kumukundono Lahataꞌala, miinamo bhe dhalano dasumuli dametompaꞌao dhosando. Endefiꞌini padamo notilada tilangano Lahataꞌala, denamisimo kadawuno surugaa bhe padamo dua dotahima Rohino Lahataꞌala peda bhaindo.

Matius 20:9

Dadiꞌanomo domaimo kumahadhaano tumandano hambi-hambi lima mata kamaꞌoleono. Andoa ini detahima ponambo sewoka dhoi pera seemie.