Biblia Todo Logo
Bib sou entènèt

- Piblisite -




Efesus 2:14 - Muna Southern Dialect

14 Kapaꞌamo wutono Kristus meowanomo pometaaꞌa, moseꞌiseno miendo Yahudi bhe suano Yahudi. Anoamo sumansano kahondomi kumanteeno miendo Yahudi bhe mie suano Yahudi, maꞌanano nofosalimo powengkeꞌando.

Gade chapit la Kopi




Efesus 2:14
28 Referans Kwoze  

Kanandooꞌanomo miinamo bhe miendo Yahudi tawa miendo Yunani, miinamo bhe bhatua tawa mie bebasi, miinamo bhe moꞌane tawa hobhine, kapaꞌamo kosasawimiu itu seꞌisemoomu bhe Kristus Yesus.


Weo dadi buꞌou ini miinamo bhe poꞌalaꞌano miendo Yahudi bhe suano miendo Yahudi, mie nesuna tawa tapa nesuna, mie koliwuno tawa bansano liwu pata koꞌadhatino, o bhatua tawa mie bebasi. Tamaka nefosibhalando ampamo kaowu Kristus, hampano Kristus neate weo totono lalondo kosasawindo naꞌa.


Naetaa katohopono dadi maiꞌao ne Kristus nakumuasai fekihimiu bhe totono lalomiu. Kapaꞌamo patudhuno katibhasiꞌamiu sembadha bhe Kristus ingka so menamisiꞌaoꞌomu katohopono dadi naꞌa. Koe molimpuomu mefoampeomu katumpuno lalo.


Kapaꞌamo mateno Kristus peda seemie manusia nofosaliemo tubhono agama Yahudi bhe sabhaha pahinta bhe atorano. Patudhuno neanomo bansano liwu haa onuno ini daembali naseꞌonu bansano liwu buꞌou seꞌiseno bhe Kristus. Pedamo naꞌa neowa pometaaꞌa.


Patudhuno Lahataꞌala, noangka ne Anano ini, sabhaha ndumandoono te surugaa bhe we dhunia napometaaꞌanda bhe Wutono. Tuhuno heano Kristus te sau salipu meowanomo pometaaꞌa naꞌa.


Ingka momatemoomu poowa bhe Kristus maka mobebasimoomu maiꞌao ne rohi kumuasaino dhunia ini. Noafaꞌao dua gahaꞌa nandoo dadiꞌaoꞌomu peda mie nekuasaino dhunia ini? Noafa gahaꞌa taꞌotuhumoomu ne sabhaha atorano dhunia?


Dadiꞌanomo, hampano Lahataꞌala notahima kaitaomu peda mie banara mbaꞌinomo kaparasaeantoomu, maka ampa aitu intaodiomu dopometaamoomu bhe Lahataꞌala, noangka ne Yesus Kristus Ompuntoomu.


Ingka pandeꞌaanemoomu bhihita nefosampeno Lahataꞌala ne miendo Israel. Bhihita metaa naꞌa nofofohatoꞌao pometaaꞌano manusia bhe Lahataꞌala neowano Yesus Kristus, Ompundo kosasawindo manusia.


Ambano Petrus ne andoa, “Ingka pandeꞌaaneomu o falia bhalano weo agama mani ane miendo Yahudi dopoanaꞌibhai bhe mie suano miendo Yahudi tawamoa dopesua weo lambudo. Tamaka Lahataꞌala padamo nofotiwoha kanaꞌe, pae naembalia akumona mie bhaiku dohaku tawa miina daongkiloa.


Ingka Lahataꞌala padamo nofowanu Ompu Yesus maiꞌao ne mate. Hampano tuhuno heano, Anoa nembalimo Dhagano Dhumba Kumalabhiano so intaodiomu, mekamatangkanomo dua podhandiꞌa suhue dhamani nehabuno Lahataꞌala bhe intaodiomu.


“Nokalabhia mpuu Lahataꞌala te wawono wawo, katohopo mpuu we dhunia, so manusia posahasiꞌano lalo bhe Lahataꞌala.”


Nandoo dua dhumbaku sigaoꞌano tapa maiꞌaono ne katondo aini. Andoa maitu tetewei dua amatoda maka datumandaiꞌe dua suahaku, dadiꞌanomo daembalimo naseguluma, dhagando naseemie.


naꞌumulawi mie dumadino weo kahohondo bhe mewisekino mate. Anoamo so tumonda kaita ne kaangkaꞌa humopeꞌano ne katohopono dadi.”


Abraham nodawu kafotaloꞌano nofeompulu dawue maka sedawu nowaꞌane Melkisedek. Doangkafi neano, Melkisedek kabhao-bhaono nokomaꞌana “Omputono kabanara”, maka anoa dua omputo we Salem, maꞌanano “Omputono katohopo”.


Ane Anoa nofefotu kaita, kosasawiꞌae katokano mbadha dopotudu-tudumiane doangkafi losuano dembali sembadha. Ane sehonda-sehonda katokano mbadha nadhumalangi takano meteetaa, o mbadha aini tetewei sadhulu kabhala bhe kamatangka weo pomoni-moniniꞌa.


Kosasawindo lee walakando manusia, naetaa te surugaa naetaa we dhunia ini saneamo siwuluno metahimano dadi ne Anoa.


Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”


Gahaꞌaitumo suano kaowu so raꞌeatino Yahudi, tamaka nomateꞌao dua kosasawindo anano Lahataꞌala tikambisano, neanomo sumuli namoꞌonuda bhe namoseꞌiseda.


Kristus nomai neowa Bhihita Metaano pometa-metaaꞌa, naetaa ne hintimiu mie suano Yahudi mokodoꞌono bhe Lahataꞌala, naetaa ne miendo Yahudi momaꞌono bhe Lahataꞌala.


Swiv nou:

Piblisite


Piblisite