Efesus 2:11 - Muna Southern Dialect

¹¹ Dadiꞌanomo bhahitieꞌiku, feꞌulaiꞌeomu koeatemiu endefiꞌini. Miendo Yahudi dokona hintimiu suano miendo Yahudi “o mie tapa nesuna”, ⸤ kapaꞌamo miendo Yahudi maitu doabhi wutondo andoamo kaowu umatino Lahataꞌala hampano padamo desuna.⸥ Gahaꞌaitumo kasuna naꞌa ingka dohabue kaowu mie ne mbadhano manusia.

Efesus 2:11 Referans Kwoze

Kolose 2:11

Weo kaseꞌisemiu bhe Kristus, hintimiu padamo dosunakoomu. Ampamo kaowu suano kasuna nekahadhaando limando manusia, tamaka kasuna nekahadhaano Kristus weo totono lalomiu, maꞌanano noaliangkoomu kuasano dhosa we lalomiu.

Kolose 2:13

Hintimiu endefiꞌini momateomu hampano sabhaha kaꞌalamiu pakade mbadhamiu miina natisunaa. Tamaka ampa aitu Lahataꞌala nofodadikomoomu poowa-owaomu bhe Kristus. Lahataꞌala noꞌamponiemo sabhaha kaꞌalantoomu.

Kolose 3:11

Weo dadi buꞌou ini miinamo bhe poꞌalaꞌano miendo Yahudi bhe suano miendo Yahudi, mie nesuna tawa tapa nesuna, mie koliwuno tawa bansano liwu pata koꞌadhatino, o bhatua tawa mie bebasi. Tamaka nefosibhalando ampamo kaowu Kristus, hampano Kristus neate weo totono lalondo kosasawindo naꞌa.

Kolose 1:21

Hintimiu dua endefiꞌini nokodoꞌo bhe Lahataꞌala bhe poewangianeomu hampano fekihi bhe habu modaimiu.

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.

Efesus 5:8

Daanumo endefiꞌini hintimiu meateomu weo kahohondo, tamaka ampa aitu pesuamoomu we mentaleaꞌano, seꞌisemoomu bhe Ompu. Dadiꞌanomo dadiomu peda mie meateno ne mentaleaꞌano.

Galatia 6:12

O mie mosuhukoomu mesunaomu, ingka gaondo defewoha kaowu putae doangkafi tutuhano mbadha. Tamaka kahabuꞌando peda aitu keana kaowu dofodee-deeda ⸤ miendo Yahudi⸥ hampano kaparasaeando ne mateno Kristus te sau salipu.

1 Korintus 12:2

Ingka pandeꞌaaneomu wakutuuno miinaꞌo mandeꞌaoꞌomu Lahataꞌala, taꞌokaangka-angkamoomu dofekakolilinokoomu sabhaha barahala tapa kosuahano.

1 Korintus 6:11

Ingka seemie hodua ne hintimiu dohabu dua peda anaꞌa endefiꞌini, tamaka ampa aitu padamo dofekanggelaꞌikoomu, padamo dofekangkilokoomu, padamo dua dopometaaꞌangkoomu bhe Lahataꞌala, noangka ne Ompu Yesus Kristus bhe Rohino Lahataꞌalantoomu.

Galatia 2:15

Insaodi ini miendo Yahudi, kapaꞌamo talente tamaiꞌao ne miendo Yahudi. Insaodi ini suano mie kodhosa maiꞌaono ne bansano liwu suano Yahudi.

Roma 2:26

Ane seemie suano Yahudi tapa nesuna nodadi noangkafi pahintano agama Yahudi, ingka Lahataꞌala noabhiemo dua mie nesuna.

Roma 2:27

Ane nada itu, mie tapa nesuna tamaka dhumalangino tubhono agama Yahudi tetewei damoꞌalakoomu. Kapaꞌamo hintimiu miendo Yahudi tahimaemoomu kasuna bhe tubhono agama tibuhino, gahaꞌaitu kangkalaꞌieꞌomu.

Roma 11:17

Haꞌano puꞌuno zaitun sigaꞌa dolobhisiemo ⸤ aini apulaoꞌao miendo Yahudi⸥ , maka defopikaane tunano puꞌuno zaitun ngkahoku, aini apulaoꞌao hintimiu ⸤ mie suano Yahudi⸥ . Hintimiu tunano zaitun ngkahoku itu, ingka mepehapimoomu dua dadi menowu maiꞌao ne pahakano zaitun sakotuꞌuno.

Efesus 2:2

Wakutuu anaꞌa dadimiu noangkafi kaneano dhunia ini, maꞌanano meangkaomu ne Kafeompuꞌando kuasa modai te antara. Anoamo maitu rohi kumuasaino totono lalondo mie pata meangkano ne Lahataꞌala taꞌampamo aitu.

Matius 20:7

Dotobhoosimo ambado, ‘Ingka miina bhe monambo kainsamia.’ Ambano dua, ‘Kalaomu dua bhe hintimiu te kaampono angguruku bahangka.’