Efesus 1:22 - Muna Southern Dialect

²² Kosasawindo maitu nofotuhuda Lahataꞌala dalumongko ne Kristus, maka Kristus nosangkee mbalimo neangkando bhahi-bhahindo, somo mefotuꞌaono umatino.

Efesus 1:22 Referans Kwoze

Kolose 1:18

Anoamo mefotuꞌaono mbadha, maꞌanano umati marasaeano. Anoamo kabhao-bhaono manuno maiꞌao ne mate, neanomo nofewawomo ne bhahi-bhahiꞌae ndumandoono.

Kolose 2:10

Weo kaseꞌisemiu bhe Anoa, dadimiu nosangkamo dua, kapaꞌamo Kristus mefotuꞌaonomo sabhaha rohi mahintano bhe kokuasano.

Ibrani 2:8

Bhahi-bhahiꞌae ne alamu ini fokuasaane, padamo folongkoda ne wawono aꞌeno.” Ane peda anaꞌa, nokomaꞌana bhahi-bhahiꞌae nofokuasaandae Lahataꞌala ne manusia, miina bhe tapa nekuasaindo. Tamaka ampa aitu miinaꞌo daohaomu manusia kumuasaino bhahi-bhahiꞌae ini.

Kolose 2:19

Tamaka andoa miinamo damasande ne Kristus fofefotuꞌaono. Gahaꞌaitumo hampano nofefotuane Kristus, o mbadha ⸤ maꞌanano umati marasaeano⸥ nodadi metaa koseꞌulu-uluno, sabhaha katokano mbadha noseꞌise nopotudu-tudumiane noangkafi losuano. Pedamo anaꞌa o mbadha dhulu kabhala bhe kamatangka, noposahataa bhe patudhuno Lahataꞌala.

Efesus 5:23

Kapaꞌamo o moꞌane nofefotuꞌao hobhine, nopototo bhe Kristus nofefotuꞌao umatino. Wutonomo Kristus mosalamatino mbadhano, maꞌanano umatino.

1 Korintus 11:3

Tamaka gaoku mandeꞌaaneomu dua sehondano ini, putae sasuka moꞌane nofefotuane Kristus, sasuka hobhine nofefotuane moꞌaneno, maka Kristus nofefotuane Lahataꞌala.

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

Efesus 3:21

Nopantasimo mpuu namangka ne Kristus Yesus, Lahataꞌala damekakalabhiaꞌe pomantulu-ntulu weo umatino ampa suhue dhamani. Amin.

1 Timotius 3:15

Tamaka ane pae apikihatoko, ingka pandeꞌaanemo nada amai tabeano dadindo mie weo polambuno Lahataꞌala, aituꞌaemo umatino Lahataꞌala dumadino. Intaodiomu umati marasaeano ini tapedamo sandi bhe kampana mekatangkanomo seꞌonu lambu, hampano dofintahaki bhe dodambaꞌao kafoinaꞌuno kabanara.

Matius 16:18

Amohatoko, hintumo Petrus ⸤ maꞌanano nea aini o kontu dempa,⸥ maka te wawono dempa aini amoehe umatiku. Mahingga kuasano mate pae natumaloea.

Kolose 1:8

Anoamo dua mohato kainsami, ingka pomoa-moasiꞌaoꞌomu weo kuasano Rohino Lahataꞌala.