Efesus 1:20 - Muna Southern Dialect

²⁰ nepakeno nofowanu Kristus maiꞌao ne mate, maka nowaꞌane kaengkohaꞌa foliuno kalangke ne suanano te surugaa.

Efesus 1:20 Referans Kwoze

Ibrani 10:12

Tamaka Imamu seemieno maitu nefoampe kapopanga sehonda kaowu mbali katolosino dhosa, nolaku ampa suhue dhamani. Palusi anaꞌa nengkohamo ne suanano Lahataꞌala.

Markus 16:19

Pada nopugau peda anaꞌa, Ompu Yesus notisangkemo te surugaa maka nengkoha ne suanano Lahataꞌala.

Ibrani 1:3

Anoa nofotiwoha tilangano kakalabhiano Lahataꞌala, katuno bhe sifatino pasae wutono Lahataꞌala. Anoamo dua tumukono alamu bhalano ini nopake bhoasaono foliuno kuasa. Nopalusi nofekangkilo manusia maiꞌao ne dhosando, Anoa nengkohamo ne suanano Lahataꞌala fofoliuno kakalabhia te wawono wawo.

Matius 28:18

Yesus nomaꞌotidamo bhe nopugau ambano, “Sabhaha kuasa te surugaa bhe we dhunia ini nowaꞌa kanaꞌe Amaku.

Kolose 3:1

Ingka dofowanukoomu maiꞌao ne mate poowa bhe Kristus. Dadiꞌanomo ondofiomu ndumandooꞌano te surugaa. Ne itumo Kristus nengkoha ne suanano Lahataꞌala.

Filipi 3:10

Ampamo sehonda kapoindaloku: amandeꞌao Kristus, amandeꞌao dua kuasa kawanuꞌano maiꞌao ne mate, bhe aeala dawu weo kakadee-deeno, neanomo asekatu bhe Anoa weo mateno.

Roma 8:34

Nandoo bhahaa so fofoꞌalano? Wutono Kristus Yesus so potunduꞌa kaita. Ingka Anoa padamo nomate, tamaka fofoliuꞌano padamo dua dofowanue maiꞌao ne mate maka ampa aini nengkoha ne suanano Lahataꞌala.

Tula-tulando rasulu 5:31

Anoamo nesangkeno Lahataꞌala bhe nowaꞌanemo kuasa mbali Neangka bhe Omputo Fosalamatino, neanomo miendo Israel dametompaꞌao diundo modaino, so notiꞌamponiꞌao dhosando.

Markus 14:62

“Anoamo,” ambano Yesus, “maka mada kaowu, mohaomu Anano Manusia - Idimo ini - naengkoha ne suanano Lahataꞌala kokuasano, mohaeꞌomu dua namai te wunta-wuntano olu te lani.”

Matius 26:64

Ambano Yesus, “Ingka pedamo pugaumu itu. Ampamo kaowu amohatoko, notanda aitu mohaomu Anano Manusia naengkoha ne suanano Lahataꞌala kokuasano, mohaeꞌomu namai te wunta-wuntano olu te lani.”

Powoha 1:17

Saꞌawohae, lasao aefodapa ne aꞌeno tapedamo mie mate, tamaka Anoa tanotei limano suanano te wawoku bhe nopugau ambano, “Koise moteꞌia! Idimo ini kabhao-bhaono bhe kafetompaino.

1 Petrus 1:3

Pudhi kaitaomu Lahataꞌala Amano Yesus Kristus Ompuntoomu, kapaꞌamo nofowaꞌaomo dadi buꞌou hampano kabhalano rahamatino. Anoa padamo nofowanu Yesus Kristus maiꞌao ne mate, kaeꞌawaꞌantomoomu dadi buꞌou bhe posahunaꞌao motangka so oleo mbuhumai.

Ibrani 13:20

Ingka Lahataꞌala padamo nofowanu Ompu Yesus maiꞌao ne mate. Hampano tuhuno heano, Anoa nembalimo Dhagano Dhumba Kumalabhiano so intaodiomu, mekamatangkanomo dua podhandiꞌa suhue dhamani nehabuno Lahataꞌala bhe intaodiomu.

Ibrani 2:9

Ampamo kaowu dowohamoomu Yesus. Sekabantaha nofosampue Lahataꞌala seendai we pandado malaꞌekati, neanomo hampano rahamatino Lahataꞌala nenamisimo mate so kosasawindo manusia. Ampa itu dowaꞌane kaengkohaꞌa kumalabhiano bhe tifosibhala peda omputo, hampano padamo nokadee-dee sampe mate.

Efesus 1:3

Pudhi kaitaomu Lahataꞌala, Amano Ompuntoomu Yesus Kristus, kapaꞌamo weo kaseꞌisentoomu bhe Kristus nowaꞌa kaita sabhaha kabarakati maiꞌao te surugaa.

Roma 1:4

Tamaka Rohino Lahataꞌala nofotiwohae putae Anoa Anano Lahataꞌala, nokokuasa hampano nowanu maiꞌao ne mate.

Tula-tulando rasulu 26:8

Noafa fisikopahaaneomu putae Lahataꞌala nefowanu mie mate?

Tula-tulando rasulu 10:40

Tamaka ne katolu oleono nofowanuemo Lahataꞌala nomaiꞌao ne mate, maka nofotiwohaandae manusia.

Tula-tulando rasulu 4:10

Dadiꞌanomo hintimiu bhe kosasawindo miendo Israel tabeano mandeꞌaaneomu putae mie aini noꞌosamo bhe neehe-ehe ne wisemiu ini, mbaꞌinomo kuasano neano Yesus Kristus, miendo Nasaret maitu. Hintimiu kantaiꞌeomu te sau salipu, tamaka Lahataꞌala nofowanue maiꞌao ne mate.

Yohanes 10:30

Idi bhe Amaku taseꞌise.”

Yohanes 10:18

Bhe naseemie miina bhe so malano inawaku, tamaka afowaꞌane hampano kahelasino Wutoku. Idi akokuasa afowaꞌane, akokuasa dua sumuli atumahimae. Ainimo taka netahimaku ne Amaku.”

Kolose 1:16

Kapaꞌamo bhahi-bhahiꞌae nefokonandoono Lahataꞌala noangka ne Kristus. Sabhaha ndumandoono te surugaa bhe we dhunia, tiwohaꞌano bhe pata tiwohaꞌano, sabhaha rohi mintahano kuasa, sabhaha neangkando rohi, saneamo nofokonandooda Lahataꞌala noangka ne Kristus bhe nofokonandooda somo dua wutono Kristus.