3 Yohanes 1:2 - Muna Southern Dialect

² Bhahitieku nemoasiꞌaoku, aguhaangko sio-siomo sadaa-daa mengkoha-ngkoha weo kataano namisi bhe katotomata, pedamo dua alusumu sametaa.

3 Yohanes 1:2 Referans Kwoze

2 Petrus 3:18

Naetaa mpuu modhuluomu kabhala bhe kamatangkamiu weo kanini kaasino Yesus Kristus, Ompu bhe Fosalamatino, bhe nasedhuluꞌa dua mandeꞌaaneomu. Nopantasi mpuu damosibhalae haꞌoleo ini ampa suhue dhamani! Amin.

1 Petrus 4:8

Tamaka fofoliuꞌano, pomoa-moasiꞌao sampuu-mpuuno lalomiu, kapaꞌamo ane dopomoa-moasiꞌao dohelasimo dua dopomaꞌa-maꞌafuꞌao, mahingga nobhahi kaꞌalando.

2 Tesalonika 1:3

Bhahitieꞌiku, insaodi tabeano sadhia taefoampe katumpuno lalo ne Lahataꞌala mbaꞌinomo hintimiu. Daanumo nopantasimo peda anaꞌa, kapaꞌamo kaparasaeamiu saꞌende-ende, pomoni-moniniꞌa sapada-pada hintimiu seemieno bhe seemieno dhulu kamatangka.

Filipi 2:4

Ondofaoꞌomu faraluundo mie bhaimiu, koise taꞌo kaowu faraluuno wutomiu seemie-seemie.

Powoha 2:9

Apandeꞌaane kasabha bhe kakaemiu, tamaka sakotuꞌuno hangkaeaꞌomu. Apandeꞌaane dua kaꞌumbundo mie kumonano wutondo miendo Yahudi, gahaꞌaitumo suano, andoa maitu umatino Kafeompuꞌando seetani.

Yakobus 5:12

Bhahitieꞌiku, fofoliuꞌano kafaraluu, koise podhandi sampe femataomu mesambiliomu lani tawa o wite tawa mesambiliomu o ae maka dua. Dadiꞌanomo ane patudhumu uumbe, tafokoꞌuumbemo; ane patudhumu paise, tafokopaisemo, keana meꞌawaomu kahukumu.

Filipi 2:27

Nokotuꞌu daanumo nosaki, nomaꞌo namate. Tamaka Lahataꞌala nobhelaane lalo. Suano kaowu ne anoa, tamaka ne idi dua, keana sadhulu-dhulu kakompeahano laloku.

2 Tesalonika 2:13

Bhahitieꞌi nemoasiꞌaono Ompu! Insaodi tabeano sadhia taefoampe katumpuno lalo ne Lahataꞌala hampano hintimiu, kapaꞌamo mpini kabhao-bhaono Lahataꞌala nopilikoomu namosalamatikoomu. Kasalamatimiu naꞌa noangka ne Rohino Lahataꞌala fofekangkilono bhe kaparasaeamiu ne kabanara.

Matius 9:12

Yesus nofetingkeda, maka ambano, “Suano mie metaano namisi mefaraluuno foagono, mpahinomo mie mosaki.

3 Yohanes 1:1

Bhahitieku Gayus nemoasiꞌaoku! Suha aini nomaiꞌao ne idi, kamungkula neangkando umati, aoasiangko mpuu.