2 Yohanes 1:4 - Muna Southern Dialect

⁴ Nowula mpuu laloku afetingke anaꞌimu sigaꞌa dodadi doangkafi kabanara, pedamo pahinta netahimantoomu maiꞌao ne Lahataꞌala Amantoomu.

2 Yohanes 1:4 Referans Kwoze

Efesus 5:8

Daanumo endefiꞌini hintimiu meateomu weo kahohondo, tamaka ampa aitu pesuamoomu we mentaleaꞌano, seꞌisemoomu bhe Ompu. Dadiꞌanomo dadiomu peda mie meateno ne mentaleaꞌano.

Efesus 5:2

Dadimiu tabeano nakumabhintie kanini kaasi, peda wutono Kristus nofomoasiꞌao. Nofotawakalamo Wutono so intaodiomu sampe dopongkoe. Anoa nembali kapopanga mowondu nefoampe ne Lahataꞌala, mekaꞌianomo lalono Lahataꞌala.

1 Yohanes 2:6

Laꞌae mugauno nodadi noseꞌise bhe Lahataꞌala, tabeano nadumadi namangkafi sandahano dadino Yesus Kristus.

Filipi 4:10

Weo dadiku seꞌiseno bhe Ompu, nowula sepaliꞌa laloku, mbaꞌinomo kaomponano ini kaneꞌomo dua aitu salawaomu toha fekihi bhe ondofa kanauꞌomu. Daanumo sadhia fekihi kanauꞌomu, tamaka kaomponae ini miina sumalawaomu motiwohaeꞌomua.

Galatia 2:14

Awoha kaowu podiundo maitu miina napoangkafi bhe kabanarano Bhihita Metaa, apugaumo ne Petrus ne wisendo kosasawindo naꞌa ambaku, “Hintu itu mieno Yahudi, gahaꞌa dadi peda seemie suano Yahudi ⸤ ingka miinamo mangkafi tubhono agama Yahudi⸥ . Nada amai dua mosuhu bhahitieꞌi suano Yahudi damangkafi atorano agama Yahudi?”

1 Korintus 13:6

O kanini kaasi miina naoꞌiaꞌao modaiꞌano, tamaka noꞌiaꞌao kabanara.