2 Timotius 4:19 - Muna Southern Dialect

¹⁹ Fosampe kanau salam ne Priskila bhe Akwila bhe polambuno Onesiforus.

2 Timotius 4:19 Referans Kwoze

Tula-tulando rasulu 18:2

We Korintus nopoꞌawa bhe seemie Yahudi koneaꞌano Akwila nomaiꞌao we kadieno Pontus. Anoa kaneꞌo nohato nomaiꞌao we witeno Italia bhe hobhineno, neano Priskila. Kahatoꞌando ne itu mbaꞌinomo Omputo Kaisar Klaudius nefondawu pahinta putae kosasawindo miendo Yahudi dahumunsa kotano Roma. Paulus noangka we lambudo,

1 Korintus 16:19

Afosampeangkoomu salam maiꞌaono ne tombu-tombudo umati we kadieno Asia ini. Akwila, Priskila bhe kosasawindo umati humompuno we lambudo dofosampeangkoomu dua salam weo Ompu.

Tula-tulando rasulu 18:26

Weo katangkano lalono netandakimo nofofoguhu weo lambu kasambaheaꞌa. Sadofetingkee Priskila bhe Akwila, lasao dowowoꞌoe se lambudo, maka dotalesaane dofotinda-tindaane kaangkaꞌano Ompu.

Tula-tulando rasulu 18:18

Nomampona-mpona dua Paulus neate we kotano Korintus. Pada anaꞌa nofealaimo bhahitie marasaeano ne itu maka nosawi ne bhangka nohope we kadieno Siria. We kotano Kengkrea noguntimo wuluno fotuno, katandaino kafolapasino wea wambano ne Lahataꞌala. Priskila bhe Akwila dopobhaiane dua.

Matius 5:47

Ane pofendeꞌaoꞌomu kaowu bhe bhahitieꞌimiu, o ae poꞌalaꞌano bhe habundo mie bhaimiu? Ingka mahingga mie pata mandeꞌaono Lahataꞌala dohabu dua peda naꞌa.