2 Timotius 4:10 - Muna Southern Dialect

¹⁰ Kapaꞌamo Demas nohunsa kanaumo, noasiꞌaomo dhunia ini, nokalamo we Tesalonika. Kreskes nokalamo dua we Galatia, bhe Titus we Dalmatia.

2 Timotius 4:10 Referans Kwoze

2 Timotius 1:15

Ingka pandeꞌaanemo kosasawindo maiꞌaono ne kadieno Asia dokukundo kanaumo, notilentumo dua ndo Figelus bhe Hermogenes.

2 Korintus 2:13

Ampamo kaowu totono laloku miina natumohopoa, hampano miina apoꞌawa bhe bhahitieku Titus. Dadiꞌanomo lasao afealai maka apansuhu ne Makedonia ini.

Tula-tulando rasulu 16:6

Andoa doangkai kadieno Frigia bhe kadieno Galatia mbaꞌinomo Rohino Lahataꞌala miina naꞌumundaꞌaanda daefolele Bhihita Metaa we kadieno Asia.

Filemon 1:24

Salam nomaiꞌao dua ne Markus, Aristarkus, Demas bhe Lukas, andoa sanea sabhangkaꞌiku weo kahadhaano Ompu we ini.

2 Timotius 4:16

Kabhao-bhaono apotunduꞌao wutoku ⸤ wakutuuno dobhitahaki kanau⸥ , bhe naseemie miina bhe tumulumi kanau, dopuli dohunsa kanau. Sio-siomo Lahataꞌala paise namoꞌaladaa.

Filipi 2:21

Kapaꞌamo sigaoꞌano sanea doꞌondofao kaowu faraluuno wutondo, suano faraluuno Yesus Kristus.

2 Korintus 7:6

Tamaka Lahataꞌala melawesino mie mepandano diu, nolawesi kainsamimo noangka ne hatono Titus.

Tula-tulando rasulu 17:11

Mie ne itu nolalesa fekihindo, nopoꞌala bhe miendo Tesalonika. Nohelasi lalondo detahima bhoasaono Lahataꞌala. Seꞌo-seꞌoleo dopoguhuꞌao wambano Kitabi doꞌondofi kantoono pugauno Paulus maitu.

Tula-tulando rasulu 17:1

Paulus bhe Silas dokala doangkai kotano Amfipolis bhe Apolonia ampa dohato we kotano Tesalonika. Ne itu nandoo bhe lambu kasambaheaꞌando miendo Yahudi.

2 Petrus 2:15

Andoa dokolilinomo mbaꞌinomo miina damangkafi kaangkaꞌa melaaꞌano, tamaka doangkafimo kaangkaꞌano Bileam anano Beor endefiꞌini. Bileam naꞌa noasiane sepaliꞌa neala ponambo ne habu modai.

Titus 1:4

Titus, hintu anaku mpuu, kapaꞌamo intaodi saneamo marasaeano ne Kristus. Sio-siomo sadhia napobhaiangko kanini kaasi bhe katohopono dadi maiꞌao ne Lahataꞌala Amantoomu bhe Kristus Yesus Mosalamati kaita.

1 Timotius 6:17

Ne mie hangkaea we dhunia ini mefeꞌulaianda, koise nelangke diundo, koise doposahunaꞌao ne bara pata titangkaꞌaono peda kahangkaea. Tamaka mefeꞌulaianda daposahunaꞌao ne Lahataꞌala, tapa megana-ganano nofowaꞌao sabhaha kafaraluuntoomu so kaetaaꞌano namisintoomu.

1 Timotius 6:10

Kapaꞌamo ane dofeompu ne dhoi ingka katandaꞌanomo sabhaha modaiꞌano. Nandoo mie meꞌambano dhoi sampe dopingkamo maiꞌao ne kaparasaeando maka totono lalondo dosikisaaꞌane sabhaha kasabha.

Galatia 1:2

Suha aini nomaiꞌao dua ne kosasawindo bhahitie marasaeano pobhai kanau we ini, so umati setobu-setobu we kadieno Galatia itu.

2 Korintus 8:16

Notumpu lalo mani ne Lahataꞌala hampano Titus nowaꞌane kakampuu-mpuuno lalo noꞌondofao hintimiu, nopototo bhe insaodi.

2 Korintus 8:6

Kanandooꞌanomo taesalomo Titus namai we hintimiu namotoka kahadhaano kanini kaasi toka nefetompunaꞌino ne olotamiu itu.

Tula-tulando rasulu 18:23

Seꞌoleo haa oleo kaowu dua neate we Antiokia, nokalamo toha noangkai kadieno Galatia bhe Frigia, namekatangka lalondo kosasawindo mangkafino Yesus ne itu.

Tula-tulando rasulu 17:13

Gahaꞌa hato dofetingke miendo Yahudi we Tesalonika putae Paulus nefolele dua bhoasaono Lahataꞌala we Berea, dokalamo we kotano Berea dohodha mie damewangi Paulus bhe Silas, sampe dofekahalia bhe totono lalondo mie bhahi.

Tula-tulando rasulu 15:38

Tamaka fekihino Paulus pae naetaaꞌa nasumabhangkada Markus, kapaꞌamo Markus nohunsada we Pamfilia, miinamo napoowa-owaanda ampa nopalusi kahadhaando.

Tula-tulando rasulu 13:13

Paulus bhe sabhangkaꞌino dohela domaiꞌao we Pafos dohope we Perga kadieno Pamfilia. Tamaka Yohanes nohunsadamo nosuli we Yerusalem.

Lukas 17:32

Feꞌulaiꞌomu kumadhadhiaꞌano ne hobhineno Lot.

Lukas 16:13

Miina bhe bhatua dahodua kafeompuꞌano. Ane nada naꞌa tetewei seemie nabansie, seemie namasiane, tawa nakumampuu-mpuu lalono ne seemieno bhe seemieno miina nakumonaꞌie miea. Hintimiu pae naembali meompuomu ne Lahataꞌala bhe ne kahangkaeano dhunia.”

Lukas 14:33

Pedamo dua anaꞌa hintimiu, laꞌae tapa mosipulino wutono maiꞌao ne sabhaha fehebuaꞌano, paise naembalia so anaguhuku.

Matius 26:56

Ampamo kaowu kosasawiꞌae ini nokadhadhia so nokoꞌulaꞌao tibuhiꞌano weo Kitabindo ana-anabii.” Pada aitu kosasawindo anaguhuꞌino dofileimo tadohunsae nomoisa.

Matius 12:32

Ane o mie nopahampugau noewangi Anano Manusia natiꞌamponi; tamaka ane dopahampugau doewangi Rohino Lahataꞌala pae natiꞌamponia, naetaa te dhunia ini, naetaa we suliꞌa.”

2 Korintus 8:23

Titus ini ingka sabhangkaku pobhai kanau takahadhaa so hintimiu; pedamo dua bhahitie ⸤ hoduano⸥ mangkafie itu, ingka andoa katudundo umati, mie meowano kafosibhala so Kristus.