2 Timotius 3:3 - Muna Southern Dialect

³ Paemo dapomoa-moasiꞌao, dakiidoemo pometaa, dadumai-dai neando mie bhaindo, paemo damooli damewanaki totono lalondo, damansofopepe, paemo damoindaloea metaaꞌano.

2 Timotius 3:3 Referans Kwoze

Yudas 1:18

Ingka tokamo dofohatokoomu wawo ambado, “Namaꞌo pandano dhamani datiumba sabhaha mie so meele-elekoomu, andoa ini tadadumadimo damangkafi kapoindalondo daehabu dhosa.”

Roma 1:31

Fekihindo notisongkomo, podhandindo miinamo damintahakiea, nopulimo kanini kaasindo, bhe miinamo dua naobhela lalondo ne mie bhaindo.

Matius 10:21

O mie damowa kakutando ne kokuasano damongkoeꞌao, pedamo dua o ama damowa anando damongkoeꞌao.

2 Petrus 2:14

Matando noponoꞌao nafusuu kamonsule bhe miina bhe kangaraa dehabu dhosa. Mie monaleno kaparasaea dowudhuda. Totono lalondo dokane-kaneaꞌane kakadau-dau. Andoa o mie somo nekangkanaino balaano narakaa.

1 Timotius 3:11

O hobhinendo dua tabeano mie metaano diu, suano mie pande umbu, tabeano damoolie damewanaki totono lalondo bhe datiparasaea mpuu.

Matius 4:1

Pada anaꞌa Yesus nowowoꞌoe Rohino Lahataꞌala we pandaso bhalano so naeꞌawaꞌao kasobano Kafeompuꞌando seetani.

Powoha 17:6

Awohamo dua hobhine amaitu nololanuꞌao heando umati mongkilo bhe mie mateꞌaono kaparasaeando ne Yesus nesakusiiꞌaondo. Awoha hobhine amaitu taꞌapokamente-mentemo.

Powoha 16:6

Kapaꞌamo andoamo maitu motuhuno heando umati mongkilono bhe ana-anabii. Aitu fefohoꞌutianda hea, daanumo nopantasimo so andoa.”

Powoha 13:17

Bhe naseemie miina bhe membalino poꞌoli poasono, mpahinomo andoa mepakeno katandano, mepakeno neano kadadi amaitu tawa mepakeno kaꞌeapi komaꞌanaꞌaono neano.

Powoha 13:15

Anoa dowaꞌane dua kalalesa naefopesua inawa ne patung nehabundo amaitu, sampe patungno kadadi anaꞌa nopande nopugau bhe nofotudu sabhaha mie mongaheno sumombaiꞌe damongkoda.

Yudas 1:16

Andoamo ini mie kamuntu-muntuno, sadhia dofoꞌala mie bhaindo, doangkafi kapoindalondo modaiꞌano, dosangke-sangke wutondo bhe dokundeli mie bhaindo so deꞌawaꞌao laba.

2 Petrus 3:3

Foliuno kafaraluu so nepandeꞌaomiu: namaꞌo pandano dhamani dahumato mie foele-eleno damele-elekoomu. Andoa dodadi doangkafi kaowu kapoindalono mbadhando.

Yakobus 2:6

Tamaka hintimiu mefekaꞌaebumoomu mie mokae, gahaꞌaitumo ingka mie hangkaea modee-deekoomu, bulukomoomu dua ne wisendo pande bhitaha.

Titus 2:3

Pedamo dua kamungkula hobhine, tangahida dadumadi metaa peda mantasiꞌano so mie meompuno ne Lahataꞌala, koise dofoꞌumbu, koise nofobhatuada kafohoꞌu. Andoa tabeano damande dafofoinaꞌuꞌao metaaꞌano,

Titus 1:8

Neangkando umati tabeano nohelasi nefotiampe mie weo lambuno, nopoindaloe habu metaa, nopooli nofewanaki totono lalono, nokotimbangi, noꞌadhili bhe nongkilo totono lalono.

1 Tesalonika 4:8

Dadiꞌanomo ane bhe tumagalino katangahi aini, miina datumagali manusia, tamaka dotagalimo Lahataꞌala maꞌangkoomu Rohino mongkilono.

1 Korintus 7:9

Ampamo kaowu ane pae damooli damewanaki totono lalondo, naetaa dagumaa, kapaꞌamo naetaa dagumaa bhe namohansuruda nafusuundo.

1 Korintus 7:5

Koise pokodoꞌotiomua, simbali padamo mafakaaneomu pogaatiomu sebantaha so meꞌawaomu kasalawa sumambaheaꞌomu. Tamaka mada aitu suli pohompuomu keana nopoolikoomu kawudhuno Kafeompuꞌando seetani, kapaꞌamo bheanea pae moolieꞌomua mewanaki nafusuumiu.

Yohanes 6:70

Notobhoosimo Yesus ambano, “Ingka Idimo ini milikoomu koompulu hoduamiu itu, tamaka seemie ne olotamiu itu seetani.”

Lukas 16:14

Kosasawiꞌae naꞌa dofetingkee dua miendo Farisi tamaka tadebheu, hampano andoa ini sanea bhatuano dhoi.

Lukas 10:16

⸤ Pada aitu nopugaumo ne anaguhuꞌino, ambano,⸥ “Laꞌae metingkekoomu, nofetingkemo Idi. Laꞌae mongaheꞌikoomu, nongaheꞌimo Idi. Laꞌae mongaheꞌino Idi, nongaheꞌimo dua Tumudu kanau.”

2 Petrus 2:19

Mie andoa naꞌa dodhandianda kabebasi, gahaꞌaitumo wutondo mpahaguru-guruno maitu nofobhatuada kanea fofobinasano. Ingka dopandeꞌaane ane seemie manusia notalo, nembalimo bhatuano o ae maka dua tumaloe naꞌa.

Roma 1:29

Totono lalondo noponoꞌaomo sabhaha modaiꞌano, podiu pata metaaꞌano, o kakadau-dau, pokondu-konduaꞌao lalo, nafusuu dafopongko, pogiha-gihaꞌa, kabhohe-bhoheꞌi bhe feꞌili dadumai-dai mie bhaindo.