2 Timotius 2:7 - Muna Southern Dialect

⁷ Teiꞌe weo namu-namumu wambaku ini, kapaꞌamo Ompu namaꞌangko kapooli so lumosangiꞌao bhahi-bhahiꞌae.

2 Timotius 2:7 Referans Kwoze

Yakobus 1:5

Ane ne olotamiu nandoo bhe metompaloino kasabha maka miina naewoha dhala, naetaa naesalo ne Lahataꞌala maka tetewei namaꞌane fekihi moinda, kapaꞌamo kawaꞌaono Lahataꞌala nowaꞌanda kosasawindo manusia, nomaiꞌao ne kataano lalono bhe miina nafofoꞌalaa.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.

Lukas 24:45

Pada anaꞌa Yesus nolengkamo fekihindo sampe dolosangiemo wambano Kitabi.

Yohanes 14:26

Tamaka mada kaowu nahumato Rohino Lahataꞌala, Fotulumino so netuduno Amaku weo neaku. Anoamo so mohatoangkoomu kosasawiꞌae kafoinaꞌuku, Anoamo dua so meꞌulaiangkoomu sabhaha wambaku ne hintimiu.

Yakobus 3:17

Tamaka o mie meꞌawano kakotimbangi maiꞌaono te wawo nomoinda totono lalono, noasiane pometaa, nomalu lalono bhe neangka. Anoa nobhela lalono ne mie bhaino, sadhia nehabu metaaꞌano, ane bhe posala maꞌanano miina naeꞌawi seweta, miina dua namehaaꞌula.

1 Timotius 4:15

Dhalangie mpuu bhahi-bhahiꞌae naꞌa bhe fintahakie, neanomo sabhaha mie damohae dadimu dhulu kataa.

Kolose 1:9

Dadiꞌanomo notanda tafetingke peda naꞌa, miina bhe fengaasia tasambaheaꞌangkoomu. Taesalo sio-siomo Rohino Lahataꞌala namaꞌangkoomu timbangi bhe pomaꞌana metaa, neanomo lumosangieꞌomu mpuu kapoindalono Lahataꞌala.

Yohanes 16:13

Tamaka nahumato kaowu Rohino Lahataꞌala meowano kabanara, Anoamo so matokoomu mandeꞌaoꞌomu sabhaha kabanara. Anoa paise napugau namaiꞌao ne Wutono, tamaka o ae maka dua nefetingkeno namohatoangkoeꞌomu. Namebhihitaiꞌangkoomu dua so kumadhadhiaꞌano mada kaowu.

Lukas 21:15

Kapaꞌamo wutoku so maꞌangkoomu pugau kotimbangi, sampe kosasawindo kaewamiu paise damondoiꞌea dapoewangiane tawa dagumagai pugaumiu.

Ibrani 13:7

Feꞌulaidaomu neangkamiu toka mefosampeangkoomu bhoasaono Lahataꞌala. Ondoomu kodadindo bhe komatendo, maka mesandahaomu ne kaparasaeando.

Ibrani 12:3

Sadhia feꞌulaiꞌomu Yesus potaamino kakadee-dee nopowise bhe mie kodhosa mewangie, keana nondidiki lalomiu maka nobhotu posahunaꞌaomiu.

Ibrani 7:4

Tandaiꞌeomu kabhalano mie aini, sampe amano bansano liwuntoomu Abraham nowaꞌane seompulu dawuꞌa maiꞌao ne bara karampasiꞌano ne popahisaꞌa.

Ibrani 3:1

Dadiꞌanomo bhahitieꞌiku mongkilono toka nebhasino Lahataꞌala so menamisino surugaa! Fekihi kaitaomu nehabuno Yesus, Rasulu bhe Imamu Bhalano neparasaeantoomu.

Filipi 4:8

Panda-pandano bhahitieꞌiku, fekihimiu fosingiꞌianeomu sabhaha giu metaa tipudhiꞌano, maꞌanano kumotuꞌuꞌano, mantasiꞌano, banaraꞌano, mongkiloꞌano, mokesaꞌano bhe metaaꞌano fetingkeꞌa.

1 Korintus 12:8

Seemie nowaꞌane kapooli nokotimbangi pugauno, o Rohi fowaꞌaono. Seemieno nowaꞌane kapooli nokokapande pugauno, o Rohimo dua anaꞌa fowaꞌaono.

Tula-tulando rasulu 7:10

Lahataꞌala nofolapae maiꞌao ne sabhaha kasabha sampe nowaꞌane kabarakati bhe kapande wakutuuno nowiseki Firaun, omputo we Mesir. Hato pandano Firaun nosangkee mbali kafeompuꞌa we Mesir, mbalimo dua mandeꞌaono kamalino.

Yakobus 3:15

Kakotimbangi pedando naꞌa suano maiꞌaono te surugaa, tamaka nomaiꞌao ne dhunia, ne nafusuundo manusia, bhe ne seetani.

Lukas 9:44

ambano, “Taꞌoomu tingalamiu, tandaiꞌeomu pugauku ini. Anano Manusia daowae ne kuasano manusia.”

2 Timotius 2:6

Seemie moꞌosano mekaampono, anoamo kohakuno naꞌumawa pehapi kabhao-bhaono.

2 Timotius 2:8

Tandaiꞌe inia: Yesus Kristus suli nodadi maiꞌao ne mate, Anoamo sampuꞌano omputo Daud. Ainiꞌaemo Bhihita Metaa neowaku.