2 Timotius 2:22 - Muna Southern Dialect

²² Dadiꞌanomo fekakodoꞌoe nafusuundo kahangku dadi, uleiꞌe lalomu angkafi kapoindalono Lahataꞌala, fekatangkae kaparasaeamu, dadi weo kanini kaasi bhe kapometaa bhe mie bhaimu. Dadimo peda anaꞌa bhe mie metondalano ne Ompu maiꞌao ne totono lalo mongkilono.

2 Timotius 2:22 Referans Kwoze

1 Petrus 2:11

Bhahitieꞌiku timoasiꞌaono! Ngkoha-ngkohamiu te dhunia ini kanggetu mie humampe bhe mie meateno ne koliwuno. Dadiꞌanomo aesalo mpuu, koise angkafiomu kapoindalono wuto, kapaꞌamo sadhia nopoewangi bhe kapoindalono alusu.

1 Petrus 3:11

Habu modai tabeano naꞌumohoe maka nahumabu metaaꞌano; naeꞌondofi pometaa, naꞌumuleiꞌe lalono ampa naꞌumawae.

1 Korintus 6:18

Fekakodoꞌo wutomiu ne dhosano pokawite-wite, hampano sabhaha dhosa sigaoꞌano nehabundo manusia nokadhadhia we simbalino mbadhando, tamaka o mie pokawite-witeno ingka nokodhosa ne mbadhano wutono.

1 Timotius 6:11

Tamaka hintu manusia fehebuaꞌano Lahataꞌala, fekakodoꞌo wutomu ne kosasawiꞌae naꞌa. Ambae dadi banara, dadi lumebe, kampuu-mpuu weo kaparasaeamu, moasianda mie bhaimu, kosabaha potaami weo kasabha, fekamalu lalomu.

Ibrani 12:14

Uleiꞌe lalomiu dadi pometaa bhe kosasawindo mie bhaimiu, uleiꞌe dua lalomiu dumadi mongkilo so Ompu, kapaꞌamo miina bhe manusia so mohano Ompu ane pae nadumadi mongkilo.

1 Timotius 4:12

Koise bhe misakiko mbaꞌinomo nandoo nohangku dadimu. Tamaka membalimo sandaha so neangkafindo mie marasaeano, weo pugaumu, weo podiumu, weo kanini kaasi ne mie bhaimu, weo kaparasaeamu ne Kristus Yesus bhe weo kangkilono dadimu.

1 Korintus 10:14

Dadiꞌanomo, bhahitieꞌiku timoasiꞌaono, fekakodoꞌo wutomiu ne sombaiꞌano barahala.

1 Timotius 1:5

Patudhuno katangahiku ini amodhulu o kanini kaasi. O kanini kaasi naꞌa tabeano namaiꞌao weo totono lalo mongkilo, weo totono lalo metaa kumatanga-tangano, bhe weo kaparasaea kumampuu-mpuuno ne Ompu.

3 Yohanes 1:11

Bhahitieku nemoasiꞌaoku! Koise mesandaha ne habu modai tamaka ne habu metaa. Sasuka humabu metaano, anaꞌinomo Lahataꞌala, tamaka sasuka humabu modaino miinaꞌo sepaliꞌa namandeꞌao Lahataꞌala.

1 Korintus 1:10

Bhahitieꞌiku! Aesalo mpuu ne hintimiu weo neano Ompuntoomu Yesus Kristus, sekakolaloomu! Koise bhe powengke-wengkeꞌa ne olotamiu, tamaka fekamatangka kaseꞌisemiu, sefekihiomu.

Roma 14:19

Dadiꞌanomo ulei kaitaomu lalontoomu daꞌumondofi dhalano kapometaa, bhe kofahalaaꞌano so dapofeka-fekatangkaꞌao kaparasaea.

1 Korintus 14:1

Ambaeꞌomu kanini kaasi, uleiꞌeomu dua lalomiu so tumahimaꞌaoꞌomu sabhaha kapooli nedawuꞌaono Rohino Lahataꞌala, mangke-mangkemo kapooli so kosuahaꞌaoꞌomu peda anabii.

1 Korintus 1:2

Suha aini so hintimiu umatino Lahataꞌala we Korintus, umati nefekopuuni so Lahataꞌala weo kaseꞌise bhe Kristus Yesus. Nobhasikoomu membaliomu umati mongkilono poowa-owaomu bhe sabhaha mie metondalano ne Ompuntoomu Yesus Kristus ne amai maka dua. Anoamo Ompundo bhe Ompuntoomu dua.

Roma 14:17

Kapaꞌamo ane dopugauꞌao Kafopahintaꞌano Lahataꞌala, ingka miina damugauꞌao oti nehumaa bhe nefohoꞌu. Maraluuꞌano mpuu weo Kafopahintaꞌano Lahataꞌala o manusia damangkafi kapoindalono Lahataꞌala, katohopono dadi bhe kawulano lalo maiꞌao ne Rohino Lahataꞌala.

Tula-tulando rasulu 9:14

Kahatoꞌano dua ne ini newowoꞌo suha kuasa maiꞌaono ne meangkaꞌindo imamu nahumakofi mie sumambilino neamu.”

1 Timotius 2:8

Dadiꞌanomo gaoku mpuu, ne amai maka dua o moꞌane dasumambahea datumanampe limando mongkilono, koe doꞌamahaa, koe dopotaga-tagalia.

1 Timotius 1:14

Bhahamoa nopontalabhi-labhi rahamatino Ompuntoomu ne idi. Nowaꞌa kanau dua kaparasaea ne Kristus Yesus bhe kanini kaasi ne mie bhaiku.

Tula-tulando rasulu 7:59

Tangasano dobhatumbulie Stefanus nofedeemo ambano, “Ompu Yesus, tahimamo inawaku!”