2 Timotius 2:19 - Muna Southern Dialect

¹⁹ Ampamo kaowu sandi bhalano nefongkohano Lahataꞌala nomatangka. Te wawono notibuhi bhoasao peda aini, “Ompu nopandeꞌaanda ndo laꞌae fehebuaꞌano”, pakade dua, “Sasuka sumambilino neano Ompu tabeano nahumunsa podiu modaino.”

2 Timotius 2:19 Referans Kwoze

Yohanes 10:14

Idimo ini dhagano dhumba metaano lalo. Dhumbaku apandeꞌaanda, andoa dopandeꞌa kanau dua.

1 Korintus 8:3

Tamaka mie moasiꞌaono Lahataꞌala, nopandeꞌaanemo Lahataꞌala.

Lukas 13:27

Tamaka anoa tanamugau ambano, ‘Miina amandeꞌaangkoomu maiꞌaoꞌomu ne amai, gampiomu ne wiseku ini hintimiu humabu modaino!’

Galatia 4:9

Ampa aitu ingka pandeꞌaanemoomu Lahataꞌala, tawa labhiꞌaku dakumonae nopandeꞌaangkomoomu Lahataꞌala. Dadiꞌanomo noafa gahaꞌa suliꞌaoꞌomu ne rohi modai ne dhunia ini? Ingka andoa ini miina dakokuasa bhe miina dakoafa-afaa! Dadi noafa gahaꞌa gaomiu sumuli mobhatuaꞌao wutomiu ne andoa maitu?

Powoha 3:8

Apandeꞌaane sabhaha kahadhaamiu. Ondo itu, ingka aelengkaangkomo fointo bhe naseemie pae bhe so mondoiꞌe dasumongkoe. Apandeꞌaangkoomu seendai kaowu kaꞌosamiu, tamaka angkafieꞌomu bhoasaoku bhe miina gumagaiꞌeomu neaku.

Powoha 22:4

Andoa daoha ulano Lahataꞌala bhe neano Lahataꞌala natibuhi ne kondaꞌindo.

Efesus 4:30

Koise fekakompeahaomu lalono Rohino Lahataꞌala. Rohino Lahataꞌala ini katandainomo hintimiu fehebuano Lahataꞌala. Hampano Rohino neate weo totono lalontoomu, paemo dapoibhahaa putae ingka tetewei nahumato oleo so katifobebasiꞌanto.

1 Korintus 1:2

Suha aini so hintimiu umatino Lahataꞌala we Korintus, umati nefekopuuni so Lahataꞌala weo kaseꞌise bhe Kristus Yesus. Nobhasikoomu membaliomu umati mongkilono poowa-owaomu bhe sabhaha mie metondalano ne Ompuntoomu Yesus Kristus ne amai maka dua. Anoamo Ompundo bhe Ompuntoomu dua.

2 Petrus 3:14

Dadiꞌanomo, bhahitieꞌiku timoasiꞌaono, poowa ntaa-ntaaꞌomu bhahi-bhahiꞌae naꞌa, uleiꞌe lalomiu dadi mongkiloomu weo pomatano Lahataꞌala, pae kodengo-dengoomua bhe pometaaꞌomu bhe Lahataꞌala.

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

Powoha 2:13

Apandeꞌaane ne amai kaeateꞌamu, ingka we kota kafopahintaꞌano Kafeompuꞌando seetani. Tamaka hintimiu sadaa-daa fintahakiomu kaparasaeamiu ne Idi, miina sumowoomua, mahinggamo we dhamanino Antipas sakusiiku tiparasaeano nepongkondo ne wisemiu, we kaeateꞌano Kafeompuꞌando seetani itu.

Matius 7:23

Ne naꞌamo dua amohatoda mentalea-mentalea, ‘Ingka miina sepaliꞌa amandeꞌaangkoomua! Gampiomu ne wiseku ini, hintimiu humabu modaino.’ ”

Efesus 3:15

Kosasawindo lee walakando manusia, naetaa te surugaa naetaa we dhunia ini saneamo siwuluno metahimano dadi ne Anoa.

Roma 15:20

Patudhukumo sehonda-hondano kaomponano ini, aefolele Bhihita Metaa ne liwu-liwu tapaꞌo metingkeno neano Kristus, keana dokona kanau aefongkoha lambu ne sandi toka nefongkohando bhaindo.

Tula-tulando rasulu 15:17

neanomo kosasawindo mie sigaoꞌano daꞌumondofi Ompu, sabhaha bansano liwu suano Yahudi naꞌa akonadamo umatiku’. Nengkemo naꞌa nekobhoasaꞌaono Ompu, mokonandoono bhahi-bhahiꞌae.

Matius 7:25

Pada nofoehee nomaimo use, domawamo oe noangkafie bhe kawea moꞌosa nokitufao lambu aitu. Tamaka lambuno miina naosansaa, mbaꞌinomo nofoehee te wawono dempa.

1 Yohanes 2:19

Andoa mewangino Kristus maitu daanumo domaiꞌao ne olotantoomu, tamaka sakotuꞌuꞌano suano mientoomu. Kapaꞌamo ane kotu-kotuꞌu mientoomu, teteweimo sadaa-daa dapobhai bhe intaodiomu. Tamaka limbando maitu somo notiwohaꞌao putae kosasawindo maitu suano sabhangkantoomua.

Roma 12:9

Kamoasiꞌaomiu ne mie bhaimiu tabeano nahelasi. Fekakodoꞌo wutomiu ne modaiꞌano, fintaha ne metaaꞌano.

Markus 13:22

Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

Roma 9:11

Miinaꞌo dalumentea anaꞌi hoduano maitu, miinaꞌo dua daehabu metaaꞌano bhe modaiꞌano, Lahataꞌala padamo nokobhoasao ne Ribka, “Titiisa nameompu ne aino.” Katibhoasaoꞌano peda anaꞌa, so nentaleaꞌao putae kapilino Lahataꞌala miina naengkoha ne habundo manusia, tamaka nengkoha ne kapoindalono wutono Lahataꞌala fobhasino.

1 Timotius 6:19

Ane nada naꞌa ingka kao-kaomo defoꞌonumo kahangkaea te surugaa so we oleo mbuhumai, bhe daeꞌawa dua dadi sakotuꞌuno suhue dhamani.

Roma 8:28

Ingka dopandeꞌaanemo, ne kadhadhia ae maka dua Lahataꞌala nokahadhaa so kaetaaꞌano mie moasiane, mie toka nebhasino posahataa bhe patudhuno.

Tula-tulando rasulu 9:14

Kahatoꞌano dua ne ini newowoꞌo suha kuasa maiꞌaono ne meangkaꞌindo imamu nahumakofi mie sumambilino neamu.”

Yohanes 13:18

Idi apugau miina amulaoꞌao kosasawimiu, kapaꞌamo apandeꞌaanda ndo laꞌae nepiliku. Ampamo kaowu wambano Kitabi aini tetewei nakoꞌula, ‘Mie pombaliꞌaku namewangi kanau.’

Matius 24:24

Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

Efesus 2:20

Hintimiu tapedamo lambu bhalano, nefoeheno Lahataꞌala te wawono kontu sandi. Sandi anaꞌa padamo dofongkohae rasuluꞌi bhe ana-anabii. Sandi foliuno kabhala ingka wutono Kristus.

Roma 11:2

Lahataꞌala miina nakumukundo umatino toka nepilino mpini kabhao-bhaono. Miina mandeꞌaaneomua gahaꞌa tibuhino weo Kitabi wakutuuno anabii Elia nobhieꞌao miendo Israel ne Lahataꞌala?

Lukas 6:48

Anoa ini nopototo bhe seemie mefoeheno lambu. Mefoeheno lambu naꞌa neseli nofekandalo-ndaloe maka nofongkoha sandino ne kontu dempa. Gahaꞌa nonandoomo luano oe bhe mawa noangkai lambu aitu tamaka miina namoolie nogegohaane hampano katangkano katifoeheꞌano.

Roma 15:9

Kanandooꞌanomo dua peda amaitu, neanomo sabhaha bansano liwu sigaoꞌano damekakalabhia Lahataꞌala hampano rahamatino netahimando. Aini noposahataa bhe tibuhino weo Kitabi peda aini, “Hampano anaꞌa amudhiko ne olotando sabhaha bansano liwu, aelagu amekalabhia neamu.”

Powoha 21:14

Sandino benteno kota amaitu ompulu haa poi kontu bhalano, te wawono notibuhi neando koompulu hoduando rasuluno Anano Dhumba.

Ibrani 11:10

Kapaꞌamo Abraham neanta-antagi naeate ne seꞌonu kota kosandi motangkano, kota anaꞌa noꞌide-idee bhe nofoehee wutono Lahataꞌala.

Matius 28:19

Dadiꞌanomo kalaomu, owadaomu sabhaha bansano liwu daembali anaguhuꞌiku. Kadiudaomu, weo neano Ama bhe Ana bhe Rohino Lahataꞌala.

Powoha 17:8

Kadadi newohamu itu endefiꞌini nodadi, ampa aitu miinamo, tamaka mada kaowu natiumba toha namaiꞌao ne olano mate tapa kotompano naehopeki kabinasa. Mie meateno we dhunia tapa tibuhiꞌano nea weo Kitabindo Mie Dumadi mpini pakanandoono dhunia, tadamente damoha kadadi amaitu. Kapaꞌamo kadadi amaitu endefiꞌini nodadi, ampa aitu miinamo, tamaka mada kaowu natiumba toha.

Tula-tulando rasulu 11:26

Setaꞌu kaomponanoa deate bhe umati marasaeano ne itu, dobhahi dua mie nefoguhundo. We Antiokia naꞌa kabhao-bhaonomo mie marasaeano ne Yesus dokonada miendo sarani.

Yohanes 3:33

Tamaka tumahimano bhihitano nefosampeno maitu noꞌakuiꞌemo kabanarano Lahataꞌala.

1 Timotius 3:15

Tamaka ane pae apikihatoko, ingka pandeꞌaanemo nada amai tabeano dadindo mie weo polambuno Lahataꞌala, aituꞌaemo umatino Lahataꞌala dumadino. Intaodiomu umati marasaeano ini tapedamo sandi bhe kampana mekatangkanomo seꞌonu lambu, hampano dofintahaki bhe dodambaꞌao kafoinaꞌuno kabanara.

Markus 12:16

Dowaꞌanemo dhoi pera sewoka. Yesus nofeenadamo ambano, “Gambara bhe kabuhi laꞌae gahaꞌa inia?” Dotobhoosi ambado, “Gambara bhe kabuhino Omputo Kaisar.”