2 Timotius 2:12 - Muna Southern Dialect

¹² ane dakosabahaomu dapotaamiꞌao kakadee-dee, ingka mada kaowu damahinta dua bhe Anoa; ane dagumaga miina damandeꞌaane, ingka mada kaowu nagumaga dua miina nafopandeꞌao;

2 Timotius 2:12 Referans Kwoze

Roma 8:17

Ane intaodiomu dembalimo anaꞌino Lahataꞌala, nokomaꞌana dokohakumo dua daꞌumawa sabhaha kabarakati nefontaa-ntaano Lahataꞌala so anaꞌino. Kabarakati nefontaa-ntaa naꞌa datumahimaeꞌomu dapoowa-owa bhe Kristus. Kapaꞌamo ane dokadee-deeꞌomu poowa bhe Kristus, teteweimo dua dafofekalabhia poowa bhe Kristus.

Matius 10:33

Tamaka laꞌae gumagano ne wiseno manusia putae anoa miina namangkafi Idi, agumagaiꞌe dua ne wiseno Amaku te surugaa.

Powoha 20:4

Pada anaꞌa awohamo nobhahi kaengkohaꞌano omputo bhe mie mengkohafie; andoa dowaꞌanda kuasa so dafobhotusiꞌao. Awohamo dua alusundo mie titompeꞌano wuꞌu hampano dosakusiiꞌao kaparasaendo ne Yesus bhe dofintahaki bhoasaono Lahataꞌala. Mie andoa ini miina dua dasumombai kadadi anaꞌa bhe patungno, bhe miina dua daetahima katandano ne kondaꞌindo bhe ne limando. Andoa ini suli dodadi bhe dopahinta peda omputo dopoowa-owa bhe Kristus sehewu taꞌu kaomponano.

Powoha 20:6

Dokodawua bhe dongkilo mpuu meꞌawano kadawu ne kawanuꞌando mie mate kabhao-bhaono naꞌa. O mate kahaa pakuno paemo nakokuasa ne andoa, tamaka daembali imamuno Lahataꞌala bhe Kristus, bhe damahinta nada omputo nasehewu taꞌu kaomponano.

Lukas 12:9

Tamaka laꞌa-laꞌae gumagano ne wiseno manusia putae anoa miina namangkafi Idi, agumagaiꞌe dua ne wiseno malaꞌekatino Lahataꞌala.

Powoha 5:10

Hintu padamo habuda mbali bansano liwundo omputo bhe imamu meompuno ne Lahataꞌalantoomu, maka damahinta nada omputo te dhunia.”

Lukas 9:26

Kapaꞌamo ane doambano doangkafi kanau bhe kafoinaꞌuku, Anano Manusia naoambanoane dua mie aitu humato namai weo kakalabhiano wutono bhe kakalabhiano Amano, dalumibu-libue malaꞌekati mongkilono.

Powoha 2:13

Apandeꞌaane ne amai kaeateꞌamu, ingka we kota kafopahintaꞌano Kafeompuꞌando seetani. Tamaka hintimiu sadaa-daa fintahakiomu kaparasaeamiu ne Idi, miina sumowoomua, mahinggamo we dhamanino Antipas sakusiiku tiparasaeano nepongkondo ne wisemiu, we kaeateꞌano Kafeompuꞌando seetani itu.

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

Yudas 1:4

Kapaꞌamo nonandoo mie mekase-kasepeno ne olotamiu itu. Andoa itu mie modai mebhansu-bhansuleno bhihitano rahamatino Lahataꞌala nembali kasalawando damolua nafusuundo. Andoa dogagai Yesus Kristus, Kafeompuꞌa bhe Omputo Kaseemie-mieꞌano. Mpini wawono kahukumu so andoa ini toka notibuhi weo Kitabi.

Filipi 1:28

Koe tihandaomu ne mie mewangikoomu, sadhia fekatangka lalomiu. Poewangiꞌamiu naꞌa somo katandaino andoa dabinasamo, hintimiu sumalamatiomu. Kosasawiꞌae naꞌa nomaiꞌao ne Lahataꞌala.

Markus 8:38

Ane doambano doangkafi kanau bhahaꞌi doambano doangkafi kafoinaꞌuku ne olotando mie modai bhe mie kodhosa dhamani aini, Anano Manusia - Idimo ini - naoambanoane dua mie aitu ane namai weo kakalabhiano Amano, dalumibu-libue malaꞌekati mongkilono.”

Matius 26:35

Ambano dua Petrus, “Mahinggamo amate bhe Hintu, pae sepaliꞌa agumagaa.” Anaguhuꞌino sigaoꞌano sanea dua dopugau peda naꞌa.

Powoha 3:8

Apandeꞌaane sabhaha kahadhaamiu. Ondo itu, ingka aelengkaangkomo fointo bhe naseemie pae bhe so mondoiꞌe dasumongkoe. Apandeꞌaangkoomu seendai kaowu kaꞌosamiu, tamaka angkafieꞌomu bhoasaoku bhe miina gumagaiꞌeomu neaku.

Tula-tulando rasulu 14:22

Ne itu dofekatangka lalondo mangkafino Yesus, dotangahida nakumampuu-mpuu lalondo weo kaparasaeando ne Yesus. Dofohatoda dua tetewei nabhahi daeꞌawa kasabha so damesuaꞌao weo Kafopahintaꞌano Lahataꞌala.

Markus 10:33

Ambano, “Fetingkeomu! Aitu dahumopeomu we Yerusalem. Ne watu Anano Manusia - Idimo ini - damowae ne limando neangkaꞌindo imamu bhe pande-pande Kitabi. Andoa dabhotusie damongkoe. Mada anaꞌa damowae toha ne limando mie pata mandeꞌaono Ompu Lahataꞌala.

Matius 26:75

Petrus nofeꞌulaimo pugauno Yesus, “Paeꞌo nakumakuhua manua, natolu pakumo gumaga miina mandeꞌa kanau.” Pada anaꞌa nolimbamo bhe noꞌae, nokompeaha sepaliꞌa lalono.

Powoha 1:6

Anoamo humabu kaita mbali bansano liwundo omputo bhe imamu meompuno ne Lahataꞌala Amano. Somo Anoa kakalabhia bhe kuasa suhue dhamani. Amin.

Lukas 22:29

Tapedamo Amaku nowaꞌa kanau kuasa afopahintangi, nadamo dua o Idi amaꞌangkoomu kuasa fopahintangiomu.

Lukas 22:30

Ne naꞌa hintimiu naembali momaaꞌomu mohoꞌuomu pombaliomu bhe Idi weo Kafopahintaꞌaku, bhe mengkohaomu ne kaengkohaꞌano kolaki so mandeꞌaono miendo Israel ompulu haa sampuꞌano.”

Roma 5:17

Hampano dhosano mie seemie, o mate nokokuasa ne manusia dhohono pokaiꞌano bhe mie aitu. Ingka nopobhansule sepaliꞌa losano nehabuno manusia seemieno, Yesus Kristus. Kapaꞌamo noangka ne Yesus Kristus, dotahimamoomu rahamatino Lahataꞌala pontalabhi-labhino bhe kawaꞌaono notahima kaita peda mie banara sampe dadumadi bhe dakokuasa ne dhunia ini.

1 Timotius 5:8

Ampamo kaowu ane nandoo tapa umondofaono bhahitieꞌino, mangkenomo mie weo lambuno, ingka mie aitu nokukundoemo kaparasaeano, nodaimo dua anoa bhe mie tapa marasaeanoa.

Powoha 3:10

Hampano angkafiomu pahintaku so kosabahaꞌaoꞌomu potaamiomu weo kasabha, maka Idi apobenteangkoomu nahumato tempono kasabha so kumangkanaino kosedhuniaꞌae ini. Ne tempo anaꞌa kosasawindo meateno we dhunia ini daꞌumudhida.

Powoha 3:21

Sasuka fotalono amongkohae te kaengkohaꞌaku kumalabhiano ⸤ so damahintaꞌao⸥ dapoowa bhe Idi, pedamo dua Idi padamo afotalo maka aengkoha apoowa-owa bhe Amaku te kaengkohaꞌano kumalabhiano.