2 Timotius 1:5 - Muna Southern Dialect

⁵ Afeꞌulai dua kaparasaeamu kumampuu-mpuuno, tapedamo dua kaparasaeando Lois, awuamu hobhine bhe Eunike inamu. Miina apoibhahaanea, kaparasaeamo medano anaꞌa dumadino dua weo totono lalomu.

2 Timotius 1:5 Referans Kwoze

1 Timotius 1:5

Patudhuno katangahiku ini amodhulu o kanini kaasi. O kanini kaasi naꞌa tabeano namaiꞌao weo totono lalo mongkilo, weo totono lalo metaa kumatanga-tangano, bhe weo kaparasaea kumampuu-mpuuno ne Ompu.

Tula-tulando rasulu 16:1

Paulus nopansuhumo we kotano Derbe we Listra. Ne itu nandoo seemie mangkafino Yesus, neano Timotius. Inano miendo Yahudi, noparasaea dua ne Yesus, tamaka amano miendo Yunani.

1 Timotius 4:6

Ane kosasawiꞌae ini sadhia meꞌulaiandae bhahitieꞌintoomu, hintu membalimo seemie palima-limano Kristus Yesus kumahadhaa metaano, poowa mekanowu totono lalomu, hampano hewutiane bhoasaono Lahataꞌala neparasaeantoomu bhe kafoinaꞌu kumotuꞌuꞌano toka neangkafimu kaomponae ini.

2 Timotius 3:15

Feꞌulaiꞌe dua, notanda kaanaꞌimu pandeꞌaanemo Kitabi. Nomaiꞌaomo ne Kitabi aini naembali damandeꞌao kaangkaꞌano kasalamati, mangkano weo kaparasaea ne Kristus Yesus.

Roma 15:14

Bhahitieꞌiku! Idi ini aparasaeakoomu mpuu nobhahi sepaliꞌa metaaꞌano ne hintimiu, sabhaha kapande nefaraluumiu nonandoomo dua sampe nembalimo potanga-tangahiomu.

Ibrani 6:9

Bhahitieꞌiku timoasiꞌaono! Mahinggamo tapugau peda naꞌa, insaodi taparasaea mpuu padamo metahimaomu sabhaha metaaꞌano noliuꞌe ⸤ wite saꞌituini⸥ . Nepulaoꞌaoku kabarakati pokaiꞌano bhe kasalamatiꞌamiu.

2 Timotius 1:12

Kanandooꞌanomo aeꞌawa sabhaha kakadee-dee ini, tamaka miina aoambanoanea, mbaꞌinomo apandeꞌaane o laꞌae neparasaeaku. Apandeꞌaane mpuu Anoa nokokuasa nadhumagani neposahunaꞌaono ne idi ampa ne oleo kahatoꞌano Ompu.

2 Korintus 6:6

nongkilo totono lalo mani, takotimbangi, takosabaha, netaa lalo mani, bhe katulumino Rohino Lahataꞌala, bhe kanini kaasi kumampuu-mpuuno;

Roma 8:38

Aparasaea mpuu pae bhe so fopogaatiꞌaono bhe kanini kaasino Lahataꞌala: naetaa mate naetaa dadi, mahinggamo malaꞌekati mahinggamo kokuasano, naetaa kadhadhia ampa aitu naetaa kadhadhia mada kaowu, tawa kuasa sigaoꞌano,

Roma 4:21

Anoa noparasaea mpuu putae Lahataꞌala nokokuasa namekakoꞌula nedhandiꞌaono.

Ibrani 11:13

Kosasawindo mie saꞌituini sanea dokokaparasaea sampe mate. Andoa miina daetahima sabhaha nedhandiꞌaono Lahataꞌala, tamaka kao-kaomo tadowoha we kodoꞌoꞌano o ae so neꞌawando mada kaowu maka doꞌiaꞌane. Pedamo aitu domangaku dembali mie humato bhe humampe we dhunia ini.

Roma 14:14

Weo kaseꞌiseku bhe Ompu Yesus, apandeꞌaane bhe aparasaea mpuu miina bhe oti moharamuꞌano nomaiꞌao ne oti aitu. Ampamo kaowu ane nandoo mie mefoharamuno oti, ingka oti anaꞌa daanumo noharamu so anoa.

Roma 14:5

Nandoo mie kofekihino putae bhe oleo mongkilo, nopoꞌala bhe oleo sigaoꞌano, tamaka nandoo dua kofekihino kosasawiꞌae oleo tanopototomo. Seemie-seemie tabeano namarasaea mpuu putae fekihino maitu nobanara.

Tula-tulando rasulu 26:26

Kosasawiꞌae ini nopandeꞌaane mpuu kolaki Agripa, kaokadoꞌakumo aetula-tula mentalea-mentalea ne wiseno. Aposahunaꞌao kosasawiꞌae ini miinaꞌo bhe pata nefetingkeno, kapaꞌamo ingka nokadhadhia we mohameꞌano, miina natifebunia.

Yohanes 1:47

Nowoha Natanael nomai, Yesus nopugaumo ambano, “Ondoomu, anoa ini miendo Israel sakotuꞌuno, miina namande naepaha-pahaa.”

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.