2 Tesalonika 3:14 - Muna Southern Dialect

¹⁴ Ane nandumandoo mie so pata mangkafino pugau mani weo suha aini, tandaiꞌeomu, koise posabhangkaaneomu, noambanoꞌao.

2 Tesalonika 3:14 Referans Kwoze

Titus 3:10

Mie meowano powengke-wengkeꞌa weo umati ⸤ dhohono kafoinaꞌu sumempa⸥ , tangahie sepaku ampa haa paku. Ane pae nametingkeko, koemo moheruanea.

1 Korintus 5:11

Tamaka nebuhiku ini apulaoꞌao koise posabhangkaomu bhe mie mabhino wutono bhahitie marasaeano tamaka nopokawite-wite, nokadau-dau, nesombai barahala, nofoꞌumbu, nempohoꞌu bhe nofobhohe-bhoheꞌi. Mahingga momaa pombaliomu bhe mie medando aitu koise.

2 Tesalonika 3:6

Bhahitieꞌi, weo neano Ompu Yesus Kristus taesalo kodoꞌotidaomu kosasawindo bhahitie mantawano bhe pata mangkafino kafoinaꞌu netahimamiu ne insaodi.

1 Tesalonika 4:8

Dadiꞌanomo ane bhe tumagalino katangahi aini, miina datumagali manusia, tamaka dotagalimo Lahataꞌala maꞌangkoomu Rohino mongkilono.

Filemon 1:21

Kaebuhiꞌaku suha aini, hampano aparasaea mpuu mangkafie kamesaloku ini. Bhahamoa apandeꞌaane dua so nehabumu itu nalumiuꞌe kamesaloku ini.

2 Korintus 10:6

Ane natiwohamo hintimiu kotu-kotuꞌu membaliomu mie meangkano ⸤ ne Kristus⸥ , insaodi tamantaa-ntaa tahumukumu sabhaha mie tapa meangkano.

2 Korintus 2:9

Ingka ainimo patudhuno katibuhiꞌano suhaku endefiꞌitu, somo kaꞌudhimiu bhahaꞌi kotu-kotuꞌu angkafiomu sabhaha kafoinaꞌuku.

1 Korintus 5:9

Ingka weo suhaku padamo abuhiangkoeꞌomu, koise posabhangkaomu bhe mie pokawite-witeno.

Roma 16:17

Bhahitieꞌiku, aesalo mpuu posiꞌondoomu ne mie meowano powengkeꞌa weo umati bhe kakodhosaꞌando mie marasaeano. Aitu nopoꞌala bhe kafoinaꞌu toka netahimamiu. Dadiꞌanomo gampiandaomu.

Matius 18:17

Ane nandoo dua nokiido natumahimae, fohatoandae umati. Ane umati pae dua nametingkeda, abhieꞌomu mie aitu mie tapa mandeꞌaono Lahataꞌala tawa mie kodhosano peda mesalo-salono sewa.

Ibrani 13:17

Meangkaomu ne meangkamiu bhe tuhuomu ne andoa, kapaꞌamo andoa dhumaganino alusumiu maka dapowiseꞌao takando naꞌa ne Lahataꞌala. Meangkaomu, neanomo dakumahadhaa weo kawulano lalo, keana bhe fedeea, hampano fedeendo pae nakofahalaa so hintimiu.

Filipi 2:12

Dadiꞌanomo bhahitieꞌi nemoasiꞌaoku, pedamo endefiꞌini nandoo kanau bhe hintimiu sadhia angkafiomu katangahiku, mangke-mangke aitu dopokodoꞌotiomu, gaoku mpuu sadaa-daa mangka kanauꞌomu. Uleiꞌe lalomiu so nasumangkaꞌao kasalamatimiu; dhalangieꞌomu weo kamihi bhe kafosibhala ne Lahataꞌala.

2 Korintus 7:15

Aitu sedhuluꞌamo dua kabhalano kanini kaasino ne hintimiu, hampano nofeꞌulai kosasawimiu angkafiomu pugauno, wakutuuno tahimaeꞌomu fosibhalae bhe mihikieꞌomu.

1 Korintus 4:14

Abuhiangkoomu aini miina akopatudhu amekaambanokoomua, tamaka atangahikoomu peda anaꞌiku timoasiꞌaono.

Kolose 4:16

Mada dabasaangkoomu suha aini, aesalo pakatueꞌomu ne umati we Laodikia dobasaeꞌao dua. Pedamo dua suha ⸤ nebuhiku⸥ so umati we Laodikia, basaeꞌomu dua bhe hintimiu.

Titus 2:8

pugaumu tabeano nabanara sampe pae bhe kapoolia damoꞌalako. Ane nada anaꞌa kaewamu tadaoambanoꞌaomo wutondo, hampano miina bhe modaiꞌano so dafoꞌumbuꞌao.

2 Yohanes 1:10

Dadiꞌanomo ane bhe mie maino meowano kafoinaꞌu tapa nefoinaꞌuꞌaono Kristus, mie aitu koe tahimaeꞌomu weo lambumiu, koemo dua fendeꞌaaneomua.