2 Tesalonika 1:10 - Muna Southern Dialect

¹⁰ Ne oleo kahatoꞌano naꞌa, Ompu damekakalabhiaꞌe umati mongkilono bhe damenteane kosasawindo marasaeano. Bhe hintimiu dua, kapaꞌamo bhihita neowa mani parasaeaꞌemoomu.

2 Tesalonika 1:10 Referans Kwoze

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

Efesus 1:18

Aesalo dua sio-siomo natilengka totono lalomiu, neanomo lumosangieꞌomu kakesano posahunaꞌao so neꞌawamiu maiꞌao ne Lahataꞌala bhasikoomu; neanomo mandeꞌaaneomu dua kapontalabhi-labhino kabarakati nefontaa-ntaano Lahataꞌala so umatino mongkilono.

1 Korintus 3:13

Ampamo kaowu nasewakutuu kahadhaano seemie-seemie tetewei natipandeꞌao, ingka oleo kahatoꞌano Ompu so motiwohaea. Kapaꞌamo ne oleo anaꞌa o efi so motiwohae, hampano kahadhaano seemie-seemie natiꞌudhi katangkano ne efi maitu.

Yohanes 17:10

Sabhaha fehebuaꞌaku ingka fehebuaꞌamu dua. Sabhaha fehebuaꞌamu ingka fehebuaꞌakumo dua. Kakalabhiaku natiwohamo weo dadindo andoa maitu.

1 Petrus 2:9

Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.

2 Tesalonika 2:13

Bhahitieꞌi nemoasiꞌaono Ompu! Insaodi tabeano sadhia taefoampe katumpuno lalo ne Lahataꞌala hampano hintimiu, kapaꞌamo mpini kabhao-bhaono Lahataꞌala nopilikoomu namosalamatikoomu. Kasalamatimiu naꞌa noangka ne Rohino Lahataꞌala fofekangkilono bhe kaparasaeamiu ne kabanara.

1 Korintus 1:6

Aini katandainomo putae bhihitano Kristus neowa mani nokopahakamo weo totono lalomiu.

2 Timotius 1:18

Sio-siomo Ompu namosampuane rahamatino ne oleono kahatoꞌano. Ingka pandeꞌaane mpuu kabhalano kaꞌondofaono ne idi wakutuuno we Efesus endefiꞌini.

2 Timotius 1:12

Kanandooꞌanomo aeꞌawa sabhaha kakadee-dee ini, tamaka miina aoambanoanea, mbaꞌinomo apandeꞌaane o laꞌae neparasaeaku. Apandeꞌaane mpuu Anoa nokokuasa nadhumagani neposahunaꞌaono ne idi ampa ne oleo kahatoꞌano Ompu.

2 Tesalonika 1:12

Ane nada anaꞌa, neano Ompuntoomu Yesus mekakalabhiaꞌeomu, bhe hintimiu namekalabhiakoomu dua Yesus, hampano rahamatino Lahataꞌalantoomu bhe Ompu Yesus Kristus.

1 Tesalonika 2:13

Dadiꞌanomo, miina bhe katiehea taefoampe katumpuno lalo ne Lahataꞌala, mbaꞌinomo wakutuuno tafohatoangkoomu Bhihitano Lahataꞌala, fetingkeeꞌomu bhe tahimaeꞌomu. Bhihita aini miina mabhieꞌomu wamba maiꞌao ne manusia, tamaka mpuu-mpuuno bhoasaono Lahataꞌala. Ingka daanumo peda anaꞌa. Lahataꞌalamo ini kumahadhaano weo totono lalomiu marasaeano ne Kristus.

1 Tesalonika 2:1

Bhahitieꞌi, ingka pandeꞌaaneomu hato mani ne olotamiu miina nasumia-siaꞌa.

1 Tesalonika 1:5

Kapaꞌamo Bhihita Metaa nehatoꞌao mani ne hintimiu suano kaowu taꞌo pugau, tamaka bhe kuasano Rohino Lahataꞌala, notiparasaea mpuu kantoono. Ingka pandeꞌaaneomu peda amai tadadi bhe hintimiu so kaetaaꞌamiu.

Efesus 3:16

Asambahea sio-siomo Lahataꞌala kumalabhiano kuasa, namekatangka totono lalomiu, namekaꞌosaane Rohino.

Efesus 3:10

Patudhuno Lahataꞌala, ampa aitu sabhaha mintahano kuasa bhe rohi neangka te antara, damandeꞌaane dua kandalono fehikino Lahataꞌala mangkaꞌano ne umatino.

Efesus 2:7

Patudhuno Lahataꞌala neanomo ne dhamani te wise namotiwoha kabhalano kataano lalono ne intaodiomu ini. Kataano lalono bhe kanini kaasino nofosampue ne intaodiomu noangka ne Kristus Yesus.

Efesus 1:14

Rohino Lahataꞌala ini kafekantoono dhandino Lahataꞌala putae tetewei namada kaowu daꞌumawae kosasawiꞌae nedhandiꞌaono. Aini nofekatangka dua kaparasaeantoomu, ingka intaodiomu fehebuaꞌano Lahataꞌala ini, kotu-kotuꞌu dabebasi ⸤ maiꞌao ne kuasano dhosa⸥ . Pudhi kaitaomu Lahataꞌala hampano kakalabhiano!

Efesus 1:12

Nopantasimo mpuu damudhi Lahataꞌala, hampano kabhalano kakalabhiano, kapaꞌamo insaodi ⸤ miendo Yahudi⸥ tapaꞌindulu taposahunaꞌao ne Kristus.

Efesus 1:6

Nopantasimo mpuu damekakalabhia Lahataꞌala, kapaꞌamo nofotohaiꞌao kanini kaasino noangka ne Anano kamoasiꞌaono.

Galatia 1:24

Dadiꞌanomo andoa dofekakalabhia Lahataꞌala mbaꞌinomo kumadhadhiaꞌano ne idi ini.

Yohanes 11:4

Nofetingke bhihita anaꞌa Yesus tanopugau ambano, “Saki anaꞌa paise naeowa mate, tamaka namotiwoha kakalabhiano Lahataꞌala, natiwohaꞌao dua kakalabhiano Anano Lahataꞌala.”

Lukas 10:12

Amohatokoomu, nahumato Oleono Kiama kahukumu so neꞌawa kotano Sodom nandoo naosape dapototoane bhe so neꞌawano liwu aitu.”

Matius 25:31

“Ane namai kaowu Anano Manusia weo kakalabhiano napoowa-owa bhe kosasawindo malaꞌekatino, maka naengkoha-ngkoha te kaengkohaꞌano kumalabhiano.

Matius 24:36

Ampamo kaowu oleono bhe tempono bhe seemie miina bhe mandeꞌaanea. O malaꞌekati te surugaa miina, Anano Manusia miina dua, mpahinomo wutono Amaku mandeꞌaane.”

Matius 7:22

Nahumato Oleono Kiama dabhahi so mugauno ne Idi, ‘Ompu! Ompu! Ingka insaodi ini takosuaha peda seemie anabii tapake neamu, taefolimba seetani tapake neamu, pakade nobhahi taehabu kadhadhia timenteꞌaono tapake dua neamu.’

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Matius 16:28

Amohatokoomu, kotu-kotuꞌu ne olotando mie meehe-eheno aitu nandoo so pataꞌo mateno, ane pae daoha kadeki Anano Manusia namai naembali Omputo weo Kafopahintaꞌano.”

1 Tesalonika 2:12

Maꞌanano tatangahikoomu, tafekatangka lalomiu, pakade taesalo mpuu dumadiomu naposahataa bhe kapoindalono Lahataꞌala. Kapaꞌamo Lahataꞌala nosaliꞌikoomu mesuaꞌomu weo Kafopahintaꞌano kumalabhiano.

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.